விருதுநகர் மாவட்டத்தில் அமைந்துள்ள சிறிய கிராமமான கூமாப்பட்டி, கடந்த சில வாரங்களாக சமூக வலைதளங்களில் பலரது கவனத்தை ஈர்த்து வருகிறது. இந்த கிராமத்தின் இயற்கை அழகு, அமைதி, பாரம்பரிய அம்சங்கள் போன்றவை பற்றி இணையத்தில் பரப்பப்பட்ட வீடியோக்கள் ஊரையே ட்ரெண்டிங் விடயமாக மாற்றி விட்டன. இதற்குப் பின்னால் உள்ள காரணம் – ஒரு சாதாரண இளைஞர், இன்று இன்ஸ்டாகிராம் இன்ஃப்ளூயன்சராக பரிணாமமடைந்த தங்கபாண்டியன்.

இப்படிப்பட்ட தங்கபாண்டியன் என்பவர் தனது சமூக வலைதளப் பக்கத்தில் பல்லாயிரக்கணக்கான பயனாளர்களுக்கு பின்தொடரப்படும் வகையில் வீடியோக்கள் பதிவு செய்து வந்தார். இவர் பதிவிட்ட வீடியோக்களில் பெரும்பாலும் கூமாப்பட்டி ஊரின் சிறப்புகள் பற்றி பேசப்பட்டன. அதிலும், அவர் பேசிய குறிப்பிட்ட வாசகம், “மன அழுத்தமா? விடுமுறை நாளா? கூமாப்பட்டிக்கு வாங்க!” என்ற சொல் வெகுவாக வைரலானது. அவரது வீடியோக்கள் ரீல்ஸ், ஷார்ட்ஸ், மீம்ஸ் என பல வடிவங்களில் இணையத்தில் பரவத் தொடங்கின. “கூமாப்பட்டி ஒரு தனித்தீவு... இந்த ஊரின் தண்ணீர் மூலிகைத் தண்ணீர்...” என்று அவர் கூறிய விதம் மக்கள் மத்தியில் நல்ல ரசனையையும், சிரிப்பையும் உருவாக்கியது. இந்த தகவல்கள் மற்றும் அவரது பேச்சுவழக்கம் சமூக வலைதளங்களில் அதிகமாகப் பகிரப்பட்டன. இப்படிப்பட்ட தங்கபாண்டியன் விளம்பரப்படுத்தியதன் மூலம், பலர் கூமாப்பட்டியை அற்புதமான சுற்றுலா தலமாக கற்பனை செய்து, அந்த ஊருக்கு செல்லும் திட்டங்களை உருவாக்கினர்.

சிலர் உண்மையாகவே அந்த ஊருக்கு நேரில் சென்று, வீடியோவில் காட்டப்பட்ட அதே பிளவக்கல் அணை, தண்ணீர் ஊற்று, சுற்றியுள்ள பசுமை, மற்றும் அமைதியான சூழல் ஆகியவற்றைக் காண ஆசைப்பட்டனர். எனினும், அவர்கள் எதிர்பார்த்தது போல நேரமில்லை என்பதே நிஜம். சுற்றுலா பயணிகள் கூமாப்பட்டி வந்து, தங்கபாண்டியன் காட்டிய இடங்களுக்குச் செல்ல முயன்ற போது தான் ஒரு முக்கியமான உண்மை தெரியவந்தது. பொதுப்பணித்துறை அதிகாரிகள் வெளியிட்ட அறிவிப்பில், பிளவக்கல் அணை பகுதியில் கடந்த 5 ஆண்டுகளாகவே பொதுமக்களுக்கு அனுமதி இல்லை எனத் தெளிவாக கூறப்பட்டுள்ளது. இதனால், பெரிய எண்ணிக்கையிலான சுற்றுலா பயணிகள், அந்த பகுதியில் சென்று எதையும் பார்க்க முடியாமல், ஏமாற்றத்துடன் வீடு திரும்பியிருக்கிறார்கள். இப்படி இருக்க தங்கபாண்டியன் இணையத்தில் பிரபலமானவுடன், ஜீ தமிழ், பொதுமக்கள் சேனல்கள், யூடியூப் நிகழ்ச்சிகள், மற்றும் இன்ஃப்லூயன்சர் கலந்துரையாடல் நிகழ்ச்சிகள் ஆகியவற்றில் பங்கேற்றார்.

இதையும் படிங்க: என்ன சாண்டி மாஸ்டர் இப்படி பயமுறுத்துறீங்க..! விமர்சனம் - பாக்ஸ் ஆபிஸில் கலக்கும் `கிஷ்கிந்தாபுரி' படம்..!

அவர் தன்னுடைய திறமையான பேச்சு, முழுக்க முழுக்க நாட்டின் தருணங்களை நகைச்சுவையுடன் பகிரும் திறன், மற்றும் சாதாரணமாகத் தோன்றும் தன்மை ஆகியவற்றால், மக்கள் அவரை உண்மையான உள்ளம் கொண்ட இளைஞராக வரவேற்றனர். அதன் மூலம் அவர் ஒரு சமூக ஊடக பிரபலமாக உருவெடுத்துள்ளார். இப்படி இருக்க சமீபத்தில், தங்கபாண்டியன் ஒரு பேருந்து பயணத்தின் போது, தற்செயலாக கதவு இடித்து சிக்கிக்கொண்டு, அவரது கை முறிந்தது. இந்த சம்பவம் தொடர்பாக, அவர் காவல்துறையில் புகார் அளித்துள்ளார். புகாரில், “பேருந்து ஓட்டுநரின் அஜாக்கிரதையின் காரணமாக கதவு திடீரென மூடப்பட்டது.

அதனால் என் கை கதவுக்கு சிக்கி முறிந்தது,” என்று அவர் தெரிவித்துள்ளார். இந்த சம்பவத்தையடுத்து, தங்கபாண்டியன் சில நாட்கள் சிகிச்சை பெறும் நிலைக்கு வந்தார். சமூக வலைதளங்களிலும், அவரது ரசிகர்கள் கைவிரித்த புகைப்படங்கள் மற்றும் வீடியோக்களைக் கண்டு, அவருக்கான ஆதரவைத் தெரிவித்தனர். இவ்வாறு, ஒரு சிறிய கிராமத்தை இணையத்தில் பிரபலமாக்கியதற்கான தங்கபாண்டியனின் முயற்சி பாராட்டத்தக்கது என்றாலும், இது இன்ஃப்லூயன்சர்களின் சமூக பொறுப்பை மீண்டும் கேள்விக்குள்ளாக்கியுள்ளது. அதாவது உண்மையான தகவல்களோடு, அனுமதிக்கப்பட்ட இடங்கள் பற்றி மட்டுமே பகிர வேண்டும். இணையத்தில் கூறப்படும் தகவல்களின் உண்மை நிலை குறித்து மக்கள் ஆராயும் பழக்கம் வளர வேண்டும். சுற்றுலா பயணிகள் தவறான தகவலால் பாதிக்கப்படாமல் இருக்க, துறைமுக அதிகாரிகள் முன்னதாகவே அறிவுறுத்தல் செய்ய வேண்டும். ஆகவே தங்கபாண்டியன் என்பவர், தனது ஊரை சமூக ஊடகங்களில் வைரலாக்கி, பலருக்கும் ஒரு புதிதாக அறிமுகப்படுத்தியவர்.

அவருடைய முயற்சி ஒரு பிரபலமான இணைய ஆளுமையை உருவாக்கியதுடன், ஊரையும் பிரபலப்படுத்தியது என்பது உண்மை. அதே நேரத்தில், தகவல் பகிர்வில் மிகுந்த பொறுப்பும், சரியான விளக்கமும் தேவை என்பதை இந்த சம்பவம் தெளிவாக காட்டுகிறது. தற்போது, தங்கபாண்டியன் கை முறிவு பாதிப்பிலிருந்து மீண்டுவர, அவரது ரசிகர்கள் மற்றும் ஊர்வாசிகள் என அனைவரும் அவருக்காக பிராத்தனை செய்து வருகின்றனர்.

இதையும் படிங்க: தெலுங்கில் அறிமுகமாகும் 'லிங்கா' பட நடிகை..! ஹைப்பை கிளப்பும் படத்தின் ரிலீஸ் அப்டேட்..!