தமிழ் சினிமாவில் பெண்களை மையமாக கொண்டு உருவாக்கப்படும் டார்க் காமெடி படங்கள் சிலவே இருக்கின்றன. அவற்றில் ஒன்றாக தற்போது பெரும் பேசுபொருளாக மாறியிருப்பது கீர்த்தி சுரேஷ் நடிப்பில் வெளிவந்த ‘ரிவால்வர் ரீட்டா’ திரைப்படம்.

பெண்கள் கைகளை உயர்த்தும் நேரம் முதல், ரவுடி உலகின் நிழல் அச்சமும், குடும்ப உறுப்பினர்களின் நாணமும், மரணம் சம்பந்தப்பட்ட பதட்டமும் என அனைத்தையும் உள்ளடக்கிய படமாக இருக்கிறது. இவ்வளவு வித்தியாசமான அணுகுமுறையோடு உருவான இந்தப் படம், சமூக வலைதளங்களிலும் ரசிகர்களிடையிலும் கலவையான விமர்சனங்களைக் குவிக்கிறது. படத்தின் கதை என்றால் குடும்ப பெண்கள் சிக்கிய கொலை ரகசியம் என சொல்லலாம்.. கொஞ்சம் வெளிப்படையாக சொல்ல போனால், பாண்டிச்சேரியை பின்னணியாகக் கொண்டு படம் நகர்கிறது. ரிவால்வர் ரீட்டா என்கிற பெயருக்கு முழுவதும் உயிர் கொடுத்திருப்பவர் கீர்த்தி சுரேஷ், குடும்பத்துடன் அமைதியாக வாழ்ந்து வருபவர். அவரது குடும்பத்தில் தாய் ராதிகா, அக்கா மற்றும் தங்கை ஆகியோர் வசித்து வருகிறார்கள்.

அக்காவின் குழந்தையின் முதல் பிறந்தநாள் கொண்டாட்டம் நடக்க உள்ளதால் வீட்டில் மகிழ்ச்சி நிலவும் சூழல் தொடர்கிறது. ஆனால் இந்த அமைதியான சூழலைப் பிளந்து நுழைகிறார் பிரபல ரவுடியான சூப்பர் சுப்பராயன். போதையில் வீட்டுக்குள் புகும் அவர், குடும்பத்தினரை அச்சுறுத்தும் வகையில் நடந்து கொள்கிறார். அந்த நொடியில் எதிர்பாராத விதமாக கீர்த்தி சுரேஷும் ராதிகாவும் இணைந்து அவரை எதிர்த்து கொள்கிறார்கள். நடந்த மோதலில் சுப்பராயன் மயங்கி கீழே விழ, சில நொடிகளில் அவர் உயிரிழந்துவிடுகிறார். இதனால் குடும்பம் கடும் அதிர்ச்சியில் ஆழ்கிறது. இப்போது பெரிய கேள்வி — மரணத்தைக் எப்படி மறைப்பது? பிணத்தை எங்கே அப்புறப்படுத்துவது? போலீஸ் கிட்ட சிக்காமல் எப்படி தவிர்ப்பது? என்பது தான் கதை.

இதையும் படிங்க: ரசிகர்களுக்கு டாஸ்க் கொடுத்த இயக்குநர்கள்..! இன்று ஒரே நாளில் 10 படங்கள் ரிலீஸாம்.. திணறும் சினிமா பிரியர்கள்..!

அதிலும் கீர்த்தி சுரேஷ் தலைமையில், குடும்பம் பல திட்டங்களை தீட்டி பிணத்தை மறைக்க முயல்கிறது. இதற்கிடையில், சுப்பராயனின் எதிர்கும்பலுக்கு இந்த விஷயம் தெரிந்துவிடுகிறது. அவர்கள் பிணத்தை கண்டுபிடித்து தங்களுக்கான பழிவாங்கல் செய்ய நினைக்கிறார்கள். அதே நேரத்தில், ரவுடியின் மகன் சுனில் தந்தையைத் தேடி எல்லா இடங்களிலும் அலைகிறார். முகத்தில் கோபமும் வேதனையும் கலந்து காணப்படும் அவர், உண்மையை கண்டுபிடிக்க முயல்கிறார். அப்படி இறுதிப்பகுதியில், கீர்த்தி சுரேஷ் பிணத்தை எப்படி அப்புறப்படுத்துகிறாரா? எதிர்கும்பலுக்கு என்ன ஆகிறது? சுனில் தந்தையின் நிலைமை பற்றி அறிந்து என்ன செய்கிறார்? என்பதே திரைக்கதை முடிவிற்கு செல்லும் பாதை. நடிப்புத் திறன்கள் – கீர்த்தி சுரேஷ் மிரட்டியுள்ளார்.

இப்படம் முழுவதின் மையக் காந்தம் கீர்த்தி சுரேஷ் என்பதில் எந்த சந்தேகமும் இல்லை. உணர்ச்சி, பயம், கோபம், நையாண்டி எல்லாவற்றையும் ஒரே சமயத்தில் கலந்துகாட்ட வேண்டிய இந்த விதமான டார்க் காமெடிக்கு அதிக ரேஞ்ச் வேண்டும். அதை அவர் மிகவும் நம்பகத்தன்மையோடு வெளிப்படுத்தியிருக்கிறார். அதேபோல் டெலிவரி பிளான் காட்சி, போலீஸ் ஸ்டேஷனிலிருந்து தப்பிக்கும் சீன், சுனிலுடன் நீண்ட உரையாடல் என இந்த மூன்று காட்சிகளும் அவர் திறமையை வெளிப்படுத்தும் சிறந்த எடுத்துக்காட்டுகள்.

அதேபோல் கீர்த்தியின் தாயாக நடித்திருக்கும் ராதிகா, தனது கோபமான முகபாவனைகள், பதற்றம், பயம், குடும்பத்தை காப்பாற்றும் முயற்சிகள் ஆகியவற்றை மிகச்சிறப்பாக காட்டியிருக்கிறார். படத்தின் பல இடங்களில் அவர் திரைக்கதை ஓட்டத்தை வலுப்படுத்துகிறார். மேலும் சுனில் – வில்லனாக வருகிறார் என நினைத்தும், தனது பாத்திரத்தில் சுனில் மிகவும் பரிமாணமுள்ள கதாபாத்திரமாக இல்லை. முகபாவனைகள் குறைவாக இருப்பதும், வசனங்கள் குறைவாக இருப்பதும் அவரது கதாபாத்திரத்தில் உள்ள ஆழத்தை கொஞ்சம் குறைத்து விடுகிறது. ஜான் விஜய் – போலீஸ் அதிகாரியாக வரும் ஜான் விஜய், நகைச்சுவையா அல்லது கடுமையா என்பதை புரியாத வகையில் ஓவர் ஆக்டிங் சில காட்சிகளில் தெரிகிறது.

கலைஞர்கள் குழு - ரெடிங் கிங்ஸ்லி, கல்யாண் மாஸ்டர், சுரேஷ் சக்கரவர்த்தி, சென்ராயன் ஆகியோர் தங்கள் சிறிய பாத்திரங்களாலும் திரைக்கதைக்கு உதவி நிறைவு சேர்க்கிறார்கள். மேலும் இயக்கம் – இயக்குனர் ஜே கே சந்துரு, "கார்மா இஸ் பூமராங்" என்ற கருத்தை மையமாக வைத்து மிகச்சிறப்பாக படத்தை அமைத்திருக்கிறார். பெண்கள் ஒரு சிக்கலில் சிக்கும்போது அவர்கள் எப்படி பல்முனை யோசனைகளில் விழுகிறார்கள் என்பதை நகைச்சுவை கலந்த த்ரில்லர் ஸ்டைலில் உருவாக்கியுள்ளார். படம் தொடக்கம் முதல் இறுதி வரை வேகம் குறையாமல் செல்கிறது. திரைக்கதை கட்டுக்கோப்பாக அமைக்கப்பட்டுள்ளது. ஆனால் டார்க் காமெடி பகுதியில் மட்டும் சிறிது குறைபாடு உணரப்படுகிறது. அந்த பகுதி இன்னும் சிறப்பாக இருந்தால் படம் வித்தியாசமாக மின்னியிருக்கும்.

இசை – சான் ரோல்டனின் இசையில் பாடல்கள் சராசரியாக உள்ளன. ஆனால் இப்படம் த்ரில்லர்-டார்க் காமெடி என வரும் போது பின்னணி இசை மிகப்பெரிய சக்தியாக இருக்க வேண்டும். ஆனால் அது தேவையான அளவுக்கு உயர்ந்ததாக இல்லை. ஒளிப்பதிவு – தினேஷ் கிருஷ்ணாவின் ஒளிப்பதிவு மிகச்சிறப்பு. பாண்டிச்சேரியின் இரவு காட்சிகள், விரைவான துரத்தல்கள், பெண்கள் நடிக்கும் டார்க் காமெடி படத்திற்கு தேவையான கலரிங் அட்டகாசம்.

எனவே படத்தின் மொத்த மதிப்பீடு, ரசிகர்களுக்கு வித்தியாசமான முயற்சி மற்றும் பெண்கள் மையப்படுத்திய டார்க் காமெடி படங்களை விரும்புவோருக்கு ‘ரிவால்வர் ரீட்டா’ நிச்சயம் ஒரு நேர்மையான முயற்சி. ஆனால் சில குறைபாடுகள் அனுபவத்தை சற்று குறைக்கிறது. ஆகவே ரேட்டிங்:  (2.5/5) கொடுக்கலாம்.

இதையும் படிங்க: அரசியலில் இருப்பவர்களுக்கு அது தான் முக்கியம்.. அதனாலயே நான் அரசியலுக்கு வரவிரும்பல - ஆக்ஷன் கிங் ஓபன் டாக்..!