இந்திய சினிமாவின் பெருமை மிக்க இயக்குநராக திகழும் எஸ்.எஸ்.ராஜமௌலி, “பாகுபலி”, “ஆர்ஆர்ஆர்” ஆகிய படங்களின் மூலம் உலகளாவிய புகழைப் பெற்றவர். அவரின் அடுத்த படமாக உருவாகி வரும் SSMB29 படம் தற்போது இந்திய சினிமாவே எதிர்பார்த்து காத்திருக்கும் மிகப்பெரிய திட்டமாகக் கருதப்படுகிறது. இந்தப் படத்தில் தெலுங்கு சினிமாவின் சூப்பர் ஸ்டாரான மகேஷ் பாபு கதாநாயகனாக நடிக்கிறார்.

இது அவரது ரசிகர்களுக்கு நீண்டகால கனவு நிறைவேற்றம் போன்றது. ராஜமௌலி மற்றும் மகேஷ் பாபு இணையும் இந்த கூட்டணி பற்றிய தகவல் வெளிவந்ததிலிருந்தே ரசிகர்கள் பெரும் ஆவலுடன் காத்திருந்தனர். இப்படம் தற்போது முன்னேற்றமான நிலையில் உள்ளது. உலகளாவிய அளவில் உருவாகும் இப்படம் ஜங்ஷன் ஆப் அத்வெஞ்சர், ஆக்ஷன், எமோஷன் என ராஜமௌலி கூறியிருப்பது குறிப்பிடத்தக்கது. இப்படி இருக்க SSMB29 படத்தை கே.எல் நாராயணா தயாரிக்கிறார், அதேசமயம் உலகளாவிய விநியோக உரிமைகள் ஏற்கனவே பல நாட்டுக்களில் விற்பனையாகிவிட்டதாக தகவல்கள் வெளியாகியுள்ளன. இந்தப் படம் ராஜமௌலியின் கனவு திட்டம் என சொல்லலாம். இதன் படப்பிடிப்பு இந்தியாவைத் தாண்டி ஆப்பிரிக்கா, தென் அமெரிக்கா, நேபாளம் போன்ற இடங்களில் நடைபெறுகிறது. மேலும் ராஜமௌலி கூறியதன்படி, இது “ஒரு மனிதனின் இயற்கையுடன் போராட்டத்தைப் பற்றிய அதிசயமான கதையாக” இருக்கும். அத்துடன் படத்தின் முக்கிய கதாபாத்திரங்களில் பிரியங்கா சோப்ரா, பிரித்விராஜ் சுகுமாரன் ஆகியோரும் நடிக்கிறார்கள்.

கடந்த சில நாட்களுக்கு முன் வெளியான வில்லனாக நடிக்கும் பிரித்விராஜின் First Look போஸ்டர் சமூக வலைதளங்களில் பெரும் வரவேற்பைப் பெற்றது. அந்த போஸ்டரில், பிரித்விராஜ் கடும் தோற்றத்தில், மிரட்டலான கண் பார்வையுடன் காட்சி அளித்திருந்தார். அவரது கதாபாத்திரம் ஒரு பலதேச ஆயுத கடத்தல் மாஸ்டர் என கூறப்படுகிறது. அதனைத் தொடர்ந்து, படத்தின் இசையமைப்பாளர் எம்.எம்.கீரவாணி இசையமைத்த “GlobeTrotter” என்கிற முதல் பாடல் வெளியிடப்பட்டது. அந்த பாடல் உலகம் முழுவதும் டிரெண்டிங்கில் இருந்தது. பாடல் வெளியீட்டுக்கு 24 மணி நேரத்திலேயே யூடியூபில் 35 மில்லியன் பார்வைகளைத் தாண்டியது. இப்பொழுது ரசிகர்கள் ஆவலுடன் காத்திருந்த பிரியங்கா சோப்ராவின் First Look Poster வெளியிடப்பட்டுள்ளது. அந்த போஸ்டரில், பிரியங்கா சோப்ரா தன் கையில் துப்பாக்கி ஏந்தியபடி, அழகிய உடையில், முகத்தில் வலிமையான தீர்மானத்துடன் நிற்கும் தோற்றத்தில் காட்சியளிக்கிறார். பின்னணியில் காட்டும் மலைப்பகுதி மற்றும் வானிலை தாக்கங்கள் ராஜமௌலியின் சிறந்த காட்சியமைப்பை பிரதிபலிக்கின்றன.

இதையும் படிங்க: என்னங்க மாதம்பட்டி லேட் பண்ணுறீங்க.. வாங்க 'டிஎன்ஏ' டெஸ்டு எடுக்கலாம்..! வம்பிழுக்கும் ஜாய் கிரிசில்டா..!

போஸ்டரின் கீழ்,  “Mandakini – The Hunt Begins.” இதிலிருந்து, பிரியங்கா சோப்ரா படத்தில் மந்தாகினி என்ற முக்கிய கதாபாத்திரத்தில் நடிக்கிறார் என்பது உறுதியாகியுள்ளது. ராஜமௌலி படங்களில் நாயகிகளுக்கு எப்போதுமே வலுவான பங்களிப்பு இருக்கும் என்பது அனைவரும் அறிந்ததே. “பாகுபலி”யில் தேவசேனா, “ஆர்ஆர்ஆர்”யில் சீதா போல, இப்போது “SSMB29”யில் மந்தாகினியாக பிரியங்கா சோப்ரா புதிய வரலாற்றை உருவாக்கப் போகிறார் என ரசிகர்கள் எதிர்பார்த்துள்ளனர். பிரியங்கா சோப்ரா இதுகுறித்து தனது எக்ஸ் பக்கத்தில், “மந்தாகினி – ஒரு சக்தி, ஒரு புயல், ஒரு பெண். ராஜமௌலியுடன் மீண்டும் பணியாற்றுவதில் பெருமை” என்று பதிவிட்டுள்ளார். இந்தப் படத்தின் மூலம் பிரியங்கா சோப்ரா பல ஆண்டுகள் கழித்து மீண்டும் தெலுங்கு சினிமாவிற்கு திரும்புகிறார். அவர் கடைசியாக தெலுங்கில் நடித்தது 2005 ஆம் ஆண்டு வெளியான “அப்பரிசித்துடு” படத்தில். அதன்பின் ஹாலிவுட், பாலிவுட் என பிஸியாக இருந்த அவர், ராஜமௌலியின் அழைப்பை ஏற்று உடனே சம்மதித்ததாக கூறப்படுகிறது.

மகேஷ் பாபு இதுகுறித்து பேசுகையில், “ராஜமௌலி எதை தொடந்தாலும் அதுவே தங்கமாக மாறும். இந்த படம் என்னுடைய வாழ்க்கையில் புதிய பரிமாணத்தைத் தரும். பிரியங்கா சோப்ராவுடன் இணைந்து பணியாற்றுவது ஒரு பெரும் அனுபவம்” என்றார். மேலும் தகவலின்படி, படத்தில் பிரியங்கா சோப்ரா ஒரு இயற்கை ஆராய்ச்சியாளர், சுயாதீன போராளி, மகேஷ் பாபுவுடன் சேர்ந்து ஒரு மிஷனில் பங்கேற்கும் கதாபாத்திரமாக வருகிறார். அவருடைய கதாபாத்திரம் முழுக்க ஆக்ஷன், எமோஷன் கலந்து இருக்கும் என தயாரிப்புக் குழு தெரிவித்துள்ளது. ராஜமௌலி தனது படங்களில் ஒவ்வொரு கதாபாத்திரத்துக்கும் தனித்துவமான உருவாக்கத்தை வழங்குவார் என்பது குறிப்பிடத்தக்கது. இதிலும் பிரியங்காவின் கதாபாத்திரம் படம் முழுவதையும் மையமாகக் கொள்ளும் முக்கிய அம்சமாக இருக்கலாம் என திரையுலக வட்டாரங்கள் கூறுகின்றன.

இந்த படத்தின் இசை, காட்சியமைப்பு, மற்றும் கிராபிக்ஸ் அனைத்தும் உலக தரத்தில் செய்யப்படுகின்றன. கீரவாணி தற்போது படத்தின் பின்னணி இசை பணிகளில் ஈடுபட்டு வருகிறார். அதே சமயம், ஹாலிவுட் தொழில்நுட்பக் கலைஞர்கள், ஆக்ஷன் ஸ்டண்ட் டிரைரக்டர்கள், மற்றும் VFX நிபுணர்கள் அனைவரும் இதில் பங்கேற்று வருகின்றனர். படத்தின் முதல் டீசர் 2026 ஜனவரி 12 அன்று வெளியாகும் எனத் தகவல் வெளியாகியுள்ளது. அந்த தேதியே மகேஷ் பாபுவின் பிறந்தநாளும் ஆகும். SSMB29 படம் 2026-ம் ஆண்டு உலகளாவிய அளவில் 10 மொழிகளில் ஒரே நேரத்தில் வெளியிடப்படும். இதில் தமிழ், தெலுங்கு, இந்தி, ஆங்கிலம், மலையாளம், கன்னடம் உள்ளிட்ட முக்கிய மொழிகள் இடம்பெறும்.

பிரியங்கா சோப்ராவின் First Look வெளியானதை அடுத்து ரசிகர்கள் மகேஷ் பாபுவின் First Look Poster எப்போது வெளிவரும் என்ற எதிர்பார்ப்பில் உள்ளனர். சில வட்டாரங்கள் கூறுவதாவது, மகேஷ் பாபுவின் போஸ்டர் நவம்பர் இறுதியில் வெளியாகும் என. ராஜமௌலி ரசிகர்களுக்கு இதுவே இன்னொரு விழா! பிரியங்காவின் “மந்தாகினி” லுக் ஒரு பெண் கதாபாத்திரத்திற்கான வலிமையையும், அதிரடியையும் வெளிப்படுத்துகிறது.
 

இதையும் படிங்க: பலநாள் தனக்கு சோறு போட்டது "அம்மா உணவகம்"..! மறைந்த நடிகர் அபிநய் சோகத்தின் மறுபக்கம்..!