தமிழ் சினிமாவின் சரித்திரத்தில் தனி ஒரு இடத்தைப் பிடித்திருக்கும் நாயகன், இயக்குநர், கவிஞர், பாடகர் என பன்முக ஆளுமை கொண்டவர் டி.ராஜேந்தர் (டிஆர்). அவருடைய குடும்பத்தில் மகனாக பிறந்து, தந்தையின் பாதையில் சென்றவர் தான் சிம்பு. இன்று 42 வயதைக் கடந்தும் இன்னும் திருமணம் செய்யாமல் இருக்கும் சிம்புவின் வாழ்க்கை குறித்த அறிவும் ஆர்வமும் ரசிகர்கள் மற்றும் ஊடகங்களிடையே தொடர்ந்து வளர்ந்து கொண்டே உள்ளது.

இந்த நிலையில், சமீபத்தில் ஜீ தமிழில் ஒளிபரப்பாகும் பிரபல நகைச்சுவை ரியாலிட்டி நிகழ்ச்சி ‘சிங்கிள் பசங்க’யில் நடுவராக கலந்து கொண்ட டிஆர், ரசிகர்களின் மனங்களை உருக வைத்துள்ளார்.. நிகழ்ச்சியில் பேசும்போது, ஒரு போட்டியாளரான சீரியல் நடிகை சாந்தினி, “நான் கல்யாணம் செய்தால், சிம்புவை தான் கல்யாணம் செய்வேன்” என கூறியதைக் கேட்ட டிஆர், உருகிய மனதுடன் ஆழமாக செய்தி ஒன்றை பகிர்ந்தார். அவர் பேசியது தற்போது தமிழ் இணையதளம் மற்றும் சமூக வலைதளங்களில் வேகமாக பரவி வருகின்றது. சிம்பு, சிறுவயதில் தனது தந்தையின் இயக்கத்தில் நடித்து, பின்னாளில் தனது சொந்த அடையாளத்தை உருவாக்கியவர். காதல், ஆக்ஷன், தாராளமான நடிகனாக திரையுலகில் பிரபலமானாலும், அவரது திருமணம் மட்டும் தொடர்ச்சியாக தள்ளி வருவதால், இது ரசிகர்களிடையே ஆவலாகவே உள்ளது. இப்படி இருக்க சாந்தினி என்ற வார்த்தை மேடையில் ஒலிக்கும்போது, சும்மா புன்னகையுடன் இருந்த டிஆர், அந்த நடிகை, “நான் சிம்புவை தான் கல்யாணம் பண்ணிக்கிறேன்” என்றவுடன், தனது உணர்வுகளை கட்டுப்படுத்த முடியாமல், சிறிது நேரம் மெளனமாக இருந்தார்.

பின் அவர் பேசுகையில், “நானும் மனுஷன் தான். எனக்கும் இதயம் இருக்கு. மனைவியை விரும்புவது மட்டுமே காதல் இல்லை. பெற்ற பிள்ளைகளை நேசிப்பதும்… அது ஒரு விதமான அன்பு. அது ஒரு விதமான பாசம்.”
இதில் இருந்து, ஒரு தந்தை தன் பிள்ளையின் வாழ்க்கை பற்றி எந்த அளவுக்கு தீவிரம் கொண்டிருக்கிறாரோ, அதே அளவு சுதந்திரத்தையும் விரும்புகிறார் என்பதை புரிந்து கொள்ள முடிகிறது. மேலும் “நான் என் மகனை தள்ள மாட்டேன்” – சுதந்திரத்தை ஆதரிக்கும் பாசதந்தை டிஆர் தனது உரையில், சிம்புவை திருமணம் செய்ய அழுத்தம் கொடுக்க வேண்டாம் எனவும், அவர் வாழும் பாதையைத் தீர்மானிக்க ஒரு முடிவை கொண்டு வரக்கூடாது என்பதையும் வலியுறுத்தினார்.

இதையும் படிங்க: ஃபோன் பண்ணது ஒரு குத்தமா..! ஹேக் செய்யப்பட்ட நடிகர் உபேந்திரா மற்றும் அவரது மனைவி செல்போன்..!

அதன்படி “நானும் என் மனைவியும் சிம்புவை கட்டாயபடுத்தினால், அவன் மறுக்க மாட்டான். ஆனால், அவன் மறுக்க மாட்டான் என்பதற்காகவே, நானோ என் மனைவியோ, என் மகனை தள்ள மாட்டோம். உண்மையிலேயே என் பையனை உயிருக்கு உயிராக நேசிக்க கூடியவள் வரட்டும் என தான் கடவுளிடம் மட்டுமே பிரார்த்தனை செய்கிறேன். உண்மையிலேயே என் பையனை உயிருக்கு உயிராக நேசிக்க கூடிய ஒரு பெண்ணை கடவுள் கொடுக்கணும்" என்றார். இது ஒரு சாதாரண ஆசை இல்லை. அவருடைய மகன் மட்டுமல்ல, அவரது வாழ்க்கைத் துணையுடன் ஏற்பட வேண்டிய பிணைப்பு பற்றிய பார்வை. இவ்வாறு உணர்ந்து பிரார்த்திக்கக்கூடிய தந்தைகள் இன்று எத்தனை பேர் இருக்கிறார்கள் என்பது கேள்விக்குறி.

இந்நிகழ்ச்சியில் பேசிய சாந்தினி, தற்போது "பாண்டியன் ஸ்டோர்ஸ் 2" போன்ற பிரபல சீரியல்களில் நடித்து வருகிறார். ஒரு பிரபல நடிகை “நான் சிம்புவை கல்யாணம் பண்ணிக்கிறேன்” என மேடையில் சொல்வது, ஒரு புதிய விளக்கம் அளிக்கக்கூடியதாகும். இது நகைச்சுவை கொண்டதாக இருந்தாலும், அதன் பின்னணி, சிம்புவின் மீதான ரசிகைகளின் பாசத்தையும், அவர் ஒரு “மக்கள் மனதின் நாயகன்” எனப் பார்க்கப்படும் அளவிற்கான உறுதியையும் வெளிப்படுத்துகிறது. சிம்பு - ஒரு தனித்துவ பாதையில் பயணம் செய்யும் சினிமா மனிதர், சிம்பு, தனது வாழ்கையில் தனிப்பட்ட அடையாளத்தையும், ஆன்மீகத்தையும், தனிமனித முன்னேற்றத்தையும் முக்கியமாகக் கொண்டுவரும் நடிகர். அவருடைய சமீபத்திய களங்களும், வாழ்க்கை முறையும், இது குறித்து தெரிவிக்கின்றன. அவரது மௌனத்தின் பின்னணி, ஒரு சமூக அழுத்தம் இல்லாத வாழ்க்கைதான் என்பதை அவரது அப்பா டிஆர் உறுதியாகச் சொல்கிறார்.  ஆகவே “நான் என் மகனை கம்பல் பண்ண மாட்டேன்” என்றார் டிஆர்.

இந்த ஒரு வரியில் தான், இன்று பல குடும்பங்களில் உண்டாகும் மன அழுத்தங்கள் குறித்த தீர்வு உள்ளது. ஒரு குழந்தையின் வாழ்வு, பெற்றோரால் வடிவமைக்கப்படும் தருணங்கள் அவசியம், ஆனால் அவர்களது சுதந்திரத்தை மதிப்பது என்பது உண்மையான அன்பின் பரிமாணம் என்பதை டிஆர் உணர்த்தியுள்ளார். சிம்புவின் திருமண நாள் எப்பொழுதோ தெரியாது, ஆனால் அவரது பெற்றோர் அளிக்கும் மன அமைதி, பாசம் மற்றும் புரிதலோடு, அது ஒரு தானாகவே நிகழும் நிகழ்வாக இருக்கக்கூடும்.

இதையும் படிங்க: தாய்ப்பாலை தானம் செய்த நடிகர் விஷ்ணு விஷால் மனைவி..! வாழ்த்து கூறும் நெட்டிசன்கள்..!