தென்னிந்தியாவைத் தாண்டி ஹிந்தி திரையுலகிலும் தனக்கென ஓர் அடையாளம் உருவாக்கி இருக்கிறார் நடிகை தமன்னா பாட்டியா. தமிழ், தெலுங்கு, கன்னடம், ஹிந்தி என பல மொழிகளில் நடித்து பிஸியாக வலம் வரும் இவர், தற்போது நடிப்பை மட்டும் அல்லாமல், சிறப்பு பாடல்களில் தனது நடனத்தால் ரசிகர்களை கவரும் முக்கிய நடிகையாக மாறியுள்ளார்.

தமன்னாவைப் பற்றி பேசும் போது, இப்போது முதல் வரிகளில் வரும் ஒன்று – அவரது தீவிரமான மற்றும் வளைவு நெளிவான நடனம் எனலாம். இப்படி ‘ஜெயிலர்’ திரைப்படத்தில் ‘காவாலயா…’ என்ற சிறப்பு பாடலில், ரஜினிகாந்த் நடித்தாலும், ரசிகர்கள் திரையில் பைத்தியம் பிடிக்க வைத்தது தமன்னாவின் ஆட்டம். அதேபோல், ஹிந்தியில் ரிலீஸான ‘ஸ்த்ரீ-2’ படத்தில் உள்ள ‘ஆஜ் கி ராத்…’ பாடலிலும் அவர் காட்டிய நரம்பு நடனங்கள் இணையத்தில் வேகமாக வைரலானது. இப்படியாக தன்னா சமீபத்தில் ஒரு டிவி நிகழ்ச்சியில் கலந்து கொண்டு, தன் நடன பயணம் பற்றிய ஒரு வெளிப்படையான பேட்டியை அளித்துள்ளார்.

அந்தப் பேட்டி தற்போது சமூக வலைதளங்களில் வைரலாக பரவி வருகிறது. அந்த பேட்டியில் தமன்னா பேசுகையில், "நான் பல மொழிகளில் நடித்தாலும், நடனத்தில் சிரமமான அசைவுகளை முயற்சிக்க என்னை தூண்டியவர் அல்லு அர்ஜுன் தான். அவருடன் நான் நடித்தது ‘பத்ரிநாத்’ படத்தில். அந்த படம் மிக பெரிய பாடல் மற்றும் நடன அனுபவமாக இருந்தது. அல்லு அர்ஜுன் டான்ஸில் காட்டும் துல்லியமும், ஆற்றலும், என்னையும் அதை செய்து பார்க்க தூண்டியது. அந்த அனுபவம் பிறகு எனக்கு நடன பாடல்களில் மிகுந்த தைரியம் ஏற்படுத்தியது" என்றார். அந்த பேட்டியில் அவர் பேசும் போது தனது முகத்தில் தோன்றிய புன்னகையும், அவரின் பணிவும், ரசிகர்களை மிகையாக ஈர்த்தது.

இதையும் படிங்க: நான் ஃபிட்டா இருக்கேன்..அதுனாலயே அந்த காட்சியில் நடிக்க ஆசை..! ஓபனாக பேசிய ஸ்ரேயா ரெட்டி..!

இது ஒரு ஆக்‌ஷன் மற்றும் ஃபென்டசி கலந்த காதல் திரைப்படமாக இருந்தாலும், இதில் இடம்பெற்ற பாடல்களில் தமன்னா மற்றும் அல்லு அர்ஜுன் இருவரின் நடனங்களும், ரசிகர்களிடையே பெரும் வரவேற்பை பெற்றது. அந்த படமே தமன்னாவுக்கான “நடன மையமான” பயணத்தின் ஆரம்பக் கட்டமாக இருந்ததாக இப்போது தெரியவருகிறது. தமன்னா தொடர்ந்து தனது உடலை வளைந்து நெளியும் வகையில் பயிற்சியில் வைத்திருக்கிறார். இது எளிதான விஷயமல்ல – பல வருட பயிற்சியும், முழு நேர யோகா, பிலாட்டிஸ், மற்றும் ஃபிட்னஸ் ட்ரெயினிங் ஆகியவற்றால் தான் அவர் இவ்வாறு மென்மையாகவும் சக்திவாய்ந்த நடன அசைவுகளையும் காட்ட முடிகிறது.

ஆகவே தமன்னா ஒரு நடிகையா, பாடகியா, நடன கலைஞரா? என்ற கேள்விக்கு பதில். இவரை எந்த ஒரு அடைப்புக்குள் வைக்க முடியாது. நடனத்தில் அல்லு அர்ஜுன் அவருக்கு தூண்டலாக இருந்தால், இன்று தமன்னா பலரும் கற்றுக்கொள்ளும் உதாரணமாக வளர்ந்துள்ளார். திரை உலகில் “நடனம் மூலம் அழகும், ஆற்றலும், ஆர்வமும் சேர்த்துப் பேசும் நடிகை” என்ற பட்டத்தை தக்கவைத்திருக்கும் தமன்னா, இந்த பயணத்தை மேலும் உயர்த்துவதை தான் எதிர்நோக்குகிறார்கள் ரசிகர்கள்.

இதையும் படிங்க: கலைமாமணி விருது கொடுத்தா... என்ன இப்படி சொல்லிட்டாரு..! இசையமைப்பாளர் அனிரூத் 'எக்ஸ்' பதிவு வைரல்..!