தமிழக அரசியல் வரலாற்றில் புதிய அத்தியாயத்தை எழுதும் வகையில், தலைவர் விஜய் தலைமையிலான தமிழக வெற்றிக் கழகம் தனது 2-வது மாநில மாநாட்டை நேற்று மதுரையில் சிறப்பாக நடத்தியது. நாட்டு நடப்பு அரசியல் சூழ்நிலையில் இம்மாநாடு மிகுந்த முக்கியத்துவம் பெறுகிறது. கடந்த பிப்ரவரி மாதம் நடிகர் விஜய் தொடங்கிய இந்த கட்சி, வெகு குறுகிய காலத்தில் பெரும் மக்கள் ஆதரவைப் பெற்றுள்ளது. இப்படி இருக்க மாநாட்டை முன்னிட்டு மதுரையில் திருவிழா போன்ற சூழ்நிலை காணப்பட்டது. தமிழகத்தின் அனைத்து மாவட்டங்களிலிருந்தும் வந்த லட்சக்கணக்கான தொண்டர்கள், கடந்த இரவு முதல் மதுரைக்குள் குவிய தொடங்கினர். மாணவர்கள், பெண்கள், இளைஞர்கள், ஊரக கிராமங்களிலிருந்து வந்த மக்கள் என அனைவரும் தங்களது உற்சாகத்துடன் மாநாட்டில் பங்கேற்றனர். விடியற்காலையில் மாநாட்டு வளாகம் மக்கள் திரளால் களைகட்டியது.

பின்பு பிற்பகல் 3.15 மணிக்கு மாநாடு தொடங்கியது. இரவு 7.25 மணிவரை நீடிக்கும் வகையில் ஒழுங்கமைக்கப்பட்டிருந்தது. மாநாட்டில் முக்கிய தீர்மானங்கள் எடுக்கப்பட்டுள்ளன. முக்கியமாக 10 தீர்மானங்கள் நிறைவேற்றப்பட்டதாக தகவல்கள் வெளியாகியுள்ளன. இதில் கல்வி, வேலைவாய்ப்பு, ஊழல் ஒழிப்பு, மாநில உரிமைகள் போன்ற முக்கிய பிரச்னைகள் குறித்து தீர்மானங்கள் எடுத்துக்கொள்ளப்பட்டுள்ளன. மேலும் தமிழ் சினிமாவின் முன்னணி நடிகரான இளையதளபதி விஜய், தனது புதிய அரசியல் கட்சி 'தமிழக வெற்றிக் கழகம்' மூலம் அரசியல் வட்டாரங்களில் கவனத்தை ஈர்த்து வருகிறார். கடந்த ஆண்டு அக்டோபரில் விழுப்புரத்தில் நடந்த முதலாவது மாநில மாநாட்டுக்குப் பிறகு, இம்மாநாடு மிகப்பெரிய அளவில் நடத்தப்பட்டுள்ளதுடன், கட்சியின் வளர்ச்சிக்கான நிலைத்துவத்தை நிரூபிக்கிறது. இந்த நிலையில் மாநாட்டின் போது மீடியாக்கள் கேட்ட விஜயின் அரசியல் வருகை தொடர்பான கேள்விக்கு, நடிகர், இயக்குநர் டி. ராஜேந்தர் உருக்கமான பதில் அளித்தார்.

அதில் "விஜய் என்னுடைய நண்பர். திரையுலகத்தில் எனக்கு மிக நெருக்கமானவர் விஜயகாந்த். அவருடன் ஏற்பட்ட சில கருத்து வேறுபாடுகள் காரணமாக, ஒரு கட்டத்தில் எங்கள் நட்பு பாதிக்கப்பட்டது. அதற்கு காரணம் சில பத்திரிகைகளின் தவறான செய்திகள்தான்,” எனத் தன் பழைய அனுபவங்களை பகிர்ந்தார். அதோடு "என் மகன் சிலம்பரசன், எங்களை மீண்டும் இணைத்தான். அப்போது அவன் கூறிய வார்த்தைகள் என் வாழ்க்கையின் ஒரு முடிவுக்கு வழிகாட்டியது. 'அரசியலுக்காக நட்பை இழக்கக்கூடாது’ என்ற தீர்மானத்தை நான் எடுத்தேன். அது விஜய், கமல், ரஜினி யார் இருந்தாலும் அது என் நிலைபாடு. என் அரசியலுக்காக என் திரையுலக நட்புகளை இழக்க விரும்பவில்லை," என்று கண்கலங்கியபடி தெரிவித்தார். இந்த சூழலில், டி. ராஜேந்தர் இயக்கிய 'உயிருள்ள வரை உஷா' திரைப்படம் 1983-ம் ஆண்டு வெளியானது. இன்று அதற்காக 42வது ஆண்டு ஆகிறது. அறிமுக இயக்குநராக, தனது பன்முகத் திறமைகளை வெளிப்படுத்திய அவர், இத்திரைப்படத்தில் தான் எழுதி, இயக்கி, இசையமைத்து, ஹீரோவாக நடித்ததுடன், ஒளிப்பதிவு மற்றும் எடிட்டிங்கையும் தானே செய்தார்.

இதையும் படிங்க: புதுப்பொலிவுடன் மீண்டும் திரைக்கு வருகிறது "உயிருள்ளவரை உஷா"..!

காதலியின் நினைவாக எடுத்த இந்த படம், தொடக்கத்தில் சில சிரமங்களை சந்தித்தாலும், வெளியான பிறகு பெரும் வரவேற்பைப் பெற்றது. தெலுங்கில் டப்பிங் செய்யப்பட்டு வெளியானது, பின்னர் ஹிந்தி மற்றும் கன்னடத்தில் ரீமேக் செய்யப்பட்டு பெரும் வரவேற்பைப் பெற்றது. 4K தரத்தில் மேம்படுத்தப்பட்டு, அடுத்த மாதம் மீண்டும் திரையரங்குகளில் வெளியிடப்பட உள்ளதாக டி. ராஜேந்தர் தெரிவித்துள்ளார். “இது மீண்டும் ஒரு வணிக வெற்றியைத் தரும்” என்ற நம்பிக்கையையும் அவர் வெளியிட்டுள்ளார். இப்படியாக மாநாடு அரசியல் நிகழ்வாக இல்லாமல், சமூக விழிப்புணர்வை ஏற்படுத்தும் விதமாகவும் அமைந்தது. நூற்றுக்கணக்கான தொண்டர்கள் தங்களது சொந்த செலவில், தங்களது பகுதிகளைச் சேர்ந்த மக்களை கொண்டு வந்து கலந்துகொண்டனர். விழாவில் மகளிர் பங்கேற்பும் குறிப்பிடத்தக்கதாக இருந்தது. கலாச்சார நிகழ்ச்சிகள், மாணவர்களின் பேச்சுப் போட்டிகள், மற்றும் சமூக சேவைகளுக்கான காட்சிகளும் இடம் பெற்றன. ஆகவே மதுரையில் நடைபெற்ற இந்த மாநாடு, தமிழக வெற்றிக்கழகத்தின் வளர்ச்சி பாதையில் ஒரு முக்கியமான மைல்கல் என்றே சொல்லலாம்.

மக்கள் மற்றும் ஊடகங்களின் கவனத்தை ஈர்த்த இந்நிகழ்வு, விஜய் தலைமையில் தமிழக அரசியலில் புதிய யுக்திகளை உருவாக்கும் முன்னோடியாய் அமையும் என்று அரசியல் ஆய்வாளர்கள் கருதுகின்றனர். அதனுடன் டிஆர் பேசிய, 'உயிருள்ள வரை உஷா' நினைவுகள், மற்றும் லட்சக்கணக்கான தொண்டர்களின் பங்கேற்பு என இவை அனைத்தும் சேர்ந்து இந்த மாநாட்டை ஒரு வரலாற்றுச் சின்னமாக மாற்றியுள்ளது.

இதையும் படிங்க: நீச்சல் உடையில் அழகின் மொத்த உருவமாக நிற்கிறார் நடிகை நடிகை ராய் லட்சுமி..!