தமிழ் திரையுலகில் பன்முகத் திறமை கொண்டவராக விளங்கும் டி. ராஜேந்திரன், புதிய தயாரிப்பு நிறுவனமான "டி.ஆர் டாக்கீஸ்" (T.R Talkies) நிறுவனத்தை தொடங்கியுள்ளார். இந்த அறிவிப்பு தமிழ் சினிமா ரசிகர்களிடையே பெரும் எதிர்பார்ப்பை ஏற்படுத்தியுள்ளது. நடிகர், இயக்குநர், இசையமைப்பாளர், பாடலாசிரியர், தயாரிப்பாளர் மற்றும் அரசியல்வாதியாக பரிமாணங்கள் கொண்ட டி. ராஜேந்திரன், தனது தனித்துவமான பாணி மற்றும் ஆற்றல்மிக்க படைப்புகளால் தமிழ் சினிமாவில் தனி முத்திரை பதித்தவர்

டி.ஆர் டாக்கீஸ் நிறுவனம், தரமான மற்றும் புதுமையான திரைப்படங்களை தயாரிக்கும் நோக்கத்துடன் தொடங்கப்பட்டுள்ளது. இந்நிறுவனத்தின் முதல் படைப்பு குறித்த விவரங்கள் தற்போது வெளியாகியுள்ளது. 1983-ல் வெளியாகி மாபெரும் வெற்றி பெற்ற டி.ராஜேந்தரின் ‘உயிருள்ளவரை உஷா’ திரைப்படம், அதிநவீன 4K தொழில்நுட்பத்துடன் மீண்டும் திரையரங்குகளில் வெளியாகிறது. டி.ராஜேந்தர் இயக்கி, நடித்த இந்த காதல்-ஆக்ஷன் திரைப்படம், அவரது மனைவி உஷாவின் பெயரில் உருவாக்கப்பட்ட காவியமாகும். 

இதையும் படிங்க: தெலுங்கில் என்ட்ரி கொடுக்கும் நடிகர் யோகி பாபு.. அட.. இந்த ஜாம்பவான் கூடவா நடிச்சிருக்காரு..!!

டி.ராஜேந்தர் டி.ஆர் டாக்கீஸ் என்ற புதிய நிறுவனத்தை தொடங்கியுள்ள நிலையில், அதன் தொடக்கமாக செப்டம்பர் மாதம் இப்படம் மறு வெளியீடு செய்யப்படவுள்ளது. ‘உயிருள்ளவரை உஷா’ தமிழ் சினிமாவில் டி.ராஜேந்தரின் தனித்துவமான பாணியை அறிமுகப்படுத்திய படமாகும். இதில் அவர் கதை, திரைக்கதை, இசை, ஒளிப்பதிவு, எடிட்டிங் என பன்முகங்களில் பங்காற்றினார். நளினி, சரிதா, கங்கா உள்ளிட்டோர் முக்கிய கதாபாத்திரங்களில் நடித்தனர். முதலில் ரஜினிகாந்துக்கு வழங்கப்பட்ட ‘செயின் ஜெயபால்’ கதாபாத்திரத்தை டி.ராஜேந்தர் ஏற்று, தனித்துவமான நடிப்பு மற்றும் தாடி லுக்குடன் ரசிகர்களை கவர்ந்தார்.

இப்படத்தின் பாடல்கள், குறிப்பாக ‘இந்திரலோகத்து சுந்தரி’ மற்றும் ‘மோகம் வந்து’ போன்றவை இன்றும் ரசிகர்களிடையே பிரபலம். கற்பகம் ஸ்டுடியோவில் படமாக்கப்பட்ட இந்த பாடல்கள், டி.ராஜேந்தரின் இசையமைப்பில் உருவாகின. இப்படம் கன்னடத்தில் ‘பிரேமிகள சவால்’ மற்றும் இந்தியில் ‘ஆக் அவுர் ஷோலா’ என ரீமேக் செய்யப்பட்டு, தெலுங்கில் ‘பிரேம சாகரம்’ என டப்பிங் செய்யப்பட்டது.

4K தொழில்நுட்பத்தில் புதுப்பிக்கப்பட்ட இப்படம், இன்றைய தலைமுறைக்கு புதிய பார்வை அனுபவத்தை வழங்கும் என எதிர்பார்க்கப்படுகிறது. 1980களின் கல்ட் கிளாசிக்காக மாறிய இப்படம், டி.ராஜேந்தரின் தயாரிப்பு நிறுவனமான தஞ்சை சினி ஆர்ட்ஸின் முதல் படைப்பாகும்.

டி. ராஜேந்திரன் ஏற்கனவே "சிம்பு சினி ஆர்ட்ஸ்" மூலம் திரைப்பட விநியோகத்தில் ஈடுபட்டவர். அவரது முந்தைய படைப்புகளான வாசு, என் தங்கை கல்யாணி, தாயி தங்கை பாசம் போன்றவை ரசிகர்களிடையே நல்ல வரவேற்பை பெற்றன. மேலும், அவரது தனித்துவமான பேச்சு மற்றும் வசன பாணி, தமிழ் சினிமாவில் ஒரு தனி அடையாளமாக உள்ளது. இந்த புதிய முயற்சியின் மூலம், தற்கால ரசிகர்களின் ரசனைக்கு ஏற்ப புதிய கதைகளையும், தொழில்நுட்ப ரீதியாக மேம்பட்ட படங்களையும் வழங்குவார் என எதிர்பார்க்கப்படுகிறது.

இதையும் படிங்க: நீச்சல் உடையில் அழகின் மொத்த உருவமாக நிற்கிறார் நடிகை நடிகை ராய் லட்சுமி..!