நடிகர்கள் பஹத் பாசில் - வடிவேலு இருவரும் இணைந்திருக்கும் 'மாரீசன்' திரைப்படத்தின் வெளியீடு குறித்த புதிய தகவலை படக் குழுவினர் பிரத்யேக போஸ்டருடன் அதிகாரப்பூர்வமாக தெரிவித்துள்ளனர்.

இயக்குநர் சுதீஷ் சங்கர் இயக்கத்தில் உருவாகியுள்ள 'மாரீசன்' திரைப்படத்தில் பகத் பாசில், வடிவேலு, விவேக் பிரசன்னா, ரேணுகா, சித்தாரா மற்றும் பலர் நடித்துள்ளனர். வி. கிருஷ்ணமூர்த்தி கதை, திரைக்கதை, வசனம் எழுதி, கிரியேட்டிவ் டைரக்டராக பணியாற்றி இருக்கும் இந்த திரைப்படத்திற்கு யுவன் சங்கர் ராஜா இசையமைத்திருக்கிறார். 

கலைச்செல்வன் சிவாஜி ஒளிப்பதிவு செய்ய, படத்தொகுப்பு பணிகளை ஸ்ரீஜித் சாரங் மேற்கொள்ள, மகேந்திரன் கலை இயக்கத்தை கவனித்திருக்கிறார். டிராவலிங் திரில்லராக தயாராகி இருக்கும் இந்தத் திரைப்படத்தை சூப்பர் குட் பிலிம்ஸ் நிறுவனம் சார்பில் தயாரிப்பாளர் ஆர். பி. சௌத்ரி தயாரித்திருக்கிறார்.

இதையும் படிங்க: தொடர்ந்து அழுத்தம் கொடுத்த வடிவேலு...! விரட்டி அடித்த பாரதிராஜா...! வடிவேலுக்கு இப்படி ஒரு நிலைமையா...!

இப்படத்தின் படப்பிடிப்பு பணிகள் நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் இந்த திரைப்படம் எதிர்வரும் ஜூலை மாதம் வெளியாகும் என படக் குழுவினர் உற்சாகத்துடன் தெரிவித்துள்ளனர்.

இதனிடையே சூப்பர் குட் பிலிம்ஸ் நிறுவனத்தின் 98 ஆவது திரைப்படம் இது என்பதும், 'மாமன்னன்' படத்திற்குப் பிறகு வடிவேலு - பகத் பாசில் மீண்டும் இணைந்திருக்கும் திரைப்படம் என்பதால் படம் மீதான எதிர்பார்ப்பும் அதிகரித்துள்ளது. இந்த படம் காமெடி கலந்த எமோஷ்னல் படமாக இருக்கும் என கூறப்படுகிறது. அதே போல் 'மாமன்னன்' படத்தை போல், இந்த படத்திலும் வடிவேலு ஒரு குணச்சித்திர நாயகனாக மின்னியுள்ளார். இப்படம் முழுக்க முழுக்க பகத் பாசில் மற்றும் வடிவேலு இடையே நடக்கும் சம்பவங்களை அடிப்படையாக வைத்து உருவாகி உள்ளது குறிப்பிடத்தக்கது.

இதையும் படிங்க: சிறப்பான தரமான படம் தான் 'கேங்கர்ஸ்' திரைப்படம்... சிறப்பு காட்சியில் ரசிகர்களை சிரிக்க வைத்த வடிவேலு..!