இசையுலகின் தேனிசைத் தென்றல் என அழைக்கப்படும் பிரபல இசையமைப்பாளரும், பாடகருமான தேவா உயிரிழந்த செய்தி ஒட்டுமொத்த திரையுலகையே உலுக்கியுள்ளது. இன்று காலை தேவாவுக்கு மாரடைப்பு ஏற்படதையடுத்து வீட்டில் இருந்தவர்கள் அவரை அருகேயுள்ள கோடம்பாக்கம் சூர்யா மருத்துவமனைக்கு கொண்டு சென்றுள்ளனர். அங்கு அவரை பரிசோதித்த மருத்துவர்கள் உயிர் பிரிந்ததை உறுதி செய்துள்ளனர். 

தேவாவிற்கு என்ன பிரச்சனை ஏற்பட்டது, அவர் உயிரிழப்பிற்கான காரணம் குறித்து சூர்யா மருத்துவமனையின் மயக்கவியல் மற்றும் தீவிர சிகிச்சைப் பிரிவு தலைவர் சிவதர்ஷினி செய்தியாளர்களுக்கு விளக்கமளித்துள்ளார். அப்போது பேசிய அவர், தேவா சாரை மருத்துவமனைக்குக் கொண்டுவரும்போதே இதயத் துடிப்பு மற்றும் நாடித் துடிப்பு இல்லை. ஏற்கெனவே உயிர் காக்கும் சிகிச்சைகள் தொடங்கப்பட்டிருந்தன. இதுபோன்ற நிலையில், மேம்பட்ட இதய உயிர் காக்கும் சிகிச்சை (Advanced Cardiac Life Support) அளிக்கப்படும்.

இதில் மார்பு அழுத்தம் கொடுப்பது, மின்சார அதிர்ச்சி அளிப்பது உள்ளிட்ட சிகிச்சைகள் வழங்கப்படும். சர்வதேச மருத்துவ வழிகாட்டுதல்களின்படி, அதிகபட்ச சிகிச்சைகளை அளித்தும், சுமார் ஒன்றரை மணி நேரத்திற்கும் மேலாக முயற்சி செய்தும் இதயத் துடிப்பை மீண்டும் கொண்டுவர முடியவில்லை. அவரைமீண்டும் உயிர்ப்பிக்க இயலவில்லை. இதையடுத்து, குடும்பத்தினருக்கு நிலைமையை விளக்கி, அவர்களின் ஒப்புதலைப் பெற்ற பின்னரே உயிர் காக்கும் சிகிச்சைகள் நிறுத்தப்பட்டன என்றார். 

இதையும் படிங்க: சேலையில் இவ்வளவு அழகா..!! எதிர்நீச்சல் மோனிஷா விஜய்யின் லேட்டஸ்ட் போட்டோஸ் வைரல்..!

தேவாவிற்கு ஏற்கெனவே இதயப் பிரச்சினை இருந்ததா?,  ஆம். அவருக்கு ஏற்கெனவே இதயப் பிரச்சினை இருந்துள்ளது. தற்போது ஏற்பட்டது மிகக் கடுமையான இதயச் செயலிழப்பு (Massive Cardiac Arrest). இந்தச் சம்பவம் மருத்துவமனைக்கு வெளியே நிகழ்ந்துள்ளது. அங்கிருந்து மருத்துவமனைக்குக் கொண்டுவருவதற்கான போக்குவரத்து நேரம் உள்ளிட்ட காரணங்களால், அவர் மீண்டும் உயிர் பெறுவதற்கான வாய்ப்பு குறைந்திருக்கலாம்.

மாரடைப்புக்கும் இதயச் செயலிழப்புக்கும் என்ன வித்தியாசம்? எது அதிக பாதிப்பை ஏற்படுத்தும்? என்ற கேள்விக்கு, இதயத்தின் முக்கியப் பகுதிகளுக்குக் குருதியை எடுத்துச் செல்லும் பெரிய ரத்தக் குழாயில் அடைப்பு ஏற்படும்போது, இதயத்தின் ஒரு முக்கியப் பகுதி சரியாகச் செயல்படாமல் போகலாம். இதனால் இதயம் ரத்தத்தை உந்திச் செலுத்த முடியாத நிலை ஏற்படலாம். இதயத் துடிப்பு முற்றிலும் நின்று, இதயம் ரத்தத்தை உந்திச் செலுத்துவதை நிறுத்தும் நிலையை இதயச் செயலிழப்பு (Cardiac Arrest) என்கிறோம்.

இதுபோன்ற பாதிப்பு மருத்துவமனைக்குள் இருக்கும்போது ஏற்பட்டால், உடனடியாகச் சிகிச்சை அளித்து நோயாளியை மீண்டும் உயிர்ப்பிப்பதற்கான வாய்ப்புகள் அதிகமாக இருக்கும். இதயம் நின்றிருக்கும் காலத்தில், உடலுக்கும் இதயத்திற்கும் தேவையான ரத்த ஓட்டம் பாதிக்கப்படும். இதனுடன், நோயாளியின் வயது மற்றும் ஏற்கெனவே இருந்த இதயப் பிரச்சினைகளும் மீண்டும் உயிர் பெறுவதற்கான வாய்ப்பைக் குறைக்கலாம்.

இருப்பினும், எங்களால் இயன்ற அதிகபட்ச சிகிச்சைகளை அளித்தோம். ஏறக்குறைய ஒன்றரை மணி நேரத்திற்கும் மேலாக முயற்சி செய்தோம். அதன் பின்னர், குடும்பத்தினருக்கு நிலைமையை விளக்கி, அவர்கள் அதை ஏற்றுக்கொண்ட பிறகே உயிர் காக்கும் சிகிச்சைகளை நிறுத்தினோம் என விளக்கமளித்தார். 

இதையும் படிங்க: மமிதா பைஜு ஒரு நடிப்பு அரக்கி..!! ஆலியா பட்டையும் விட்டு வைக்காத நடிப்பு அரக்கன் எஸ்.ஜே. சூர்யா.. ஓபன் டாக்.!