மேற்கு வங்க மாநிலச் சட்டமன்றத் தேர்தல் முடிவுகளில் பாரதிய ஜனதா கட்சி (பாஜக) அமோக வெற்றி பெற்று, அம்மாநிலத்தில் முதல்முறையாகத் தாமரையை மலரச் செய்துள்ளது. பல தசாப்தங்களாக நீடித்த அரசியல் மாற்றங்களுக்குப் பிறகு, பாஜக பெற்றுள்ள இந்த வெற்றி தேசிய அரசியலில் ஒரு முக்கிய மைல்கல்லாகப் பார்க்கப்படுகிறது.

மேற்கு வங்கத்தில் பாஜக வெற்றி பெற்றுள்ளதைத் தொடர்ந்து, பிரதமர் நரேந்திர மோடி தனது மகிழ்ச்சியையும் பெருமிதத்தையும் வெளிப்படுத்தியுள்ளார். 2026 மேற்கு வங்க சட்டசபைத் தேர்தல் முடிவுகள் இந்திய ஜனநாயக வரலாற்றில் என்றென்றும் நினைவில் இருக்கும் வகையில் அமைந்துள்ளதாக அவர் குறிப்பிட்டுள்ளார். இந்தத் தேர்தல் முடிவுகள் மூலம் மக்கள் சக்தி மேலோங்கியுள்ளது என்றும், மாநிலத்தின் வளர்ச்சிக்காக மக்கள் பாஜக-வைத் தேர்ந்தெடுத்துள்ளனர் என்றும் அவர் பெருமிதம் தெரிவித்துள்ளார்.

மேற்கு வங்கத்தில் பாஜக-வின் வெற்றி, மாற்றத்தை விரும்பும் மக்களின் வெற்றியாகக் கருதப்படுகிறது.
தமிழகச் சட்டமன்றத் தேர்தல் முடிவுகளில் தமிழக வெற்றிக் கழகம் (தவெக) அசுர பலத்துடன் முன்னிலை பெற்று வரும் வேளையில், மேற்கு வங்கத்தில் பாஜக பெற்றுள்ள இந்த வெற்றி தேசிய அளவில் அக்கட்சிக்குக் கூடுதல் பலத்தைச் சேர்த்துள்ளது. தமிழகத்தில் பாஜக போட்டியிட்ட 27 தொகுதிகளிலும் பின்னடைவைச் சந்தித்தாலும், மேற்கு வங்கத்தில் கிடைத்துள்ள இந்த வெற்றி அக்கட்சியினரை உற்சாகத்தில் ஆழ்த்தியுள்ளது.

இதையும் படிங்க: மேற்கு வங்க வாக்கு எண்ணிக்கை..! ட்விஸ்ட்..! தேர்தல் ஆணையத்துக்கு சுப்ரீம்கோர்ட் முக்கிய உத்தரவு..!!

பிரதமர் மோடி ஏற்கனவே தமிழகத் தேர்தலில் வெற்றி பெற்ற தவெக தலைவர் விஜய்க்கும் வாழ்த்துகளைத் தெரிவித்துள்ள நிலையில், மேற்கு வங்க வெற்றி குறித்து அவர் வெளியிட்டுள்ள அறிக்கை தேசிய அரசியலில் பெரும் விவாதத்தை ஏற்படுத்தியுள்ளது.

இதையும் படிங்க: மேற்கு வங்கத்தில் 15 வாக்குச்சாவடிகளில் நாளை மறுவாக்குப்பதிவு - தேர்தல் ஆணையம் அறிவிப்பு!