சமீபத்தில் ரஜினிகாந்த் நடிப்பில் வெளிவந்த "கூலி" திரைப்படம், ரசிகர்கள் மத்தியில் பெரும் வரவேற்பைப் பெற்றது. இயக்குநர் லோகேஷ் கனகராஜின் வேறுபட்ட கதை சொல்லல், ஸ்டைல், மற்றும் பல பிரபலங்களை இணைத்த உருவாக்கம் இது. இத்திரைப்படத்தில், நடிகர் சத்யராஜின் மகள்களில் ஒருவராக சிறிய, ஆனால் முக்கியமான ரோலில் நடித்திருந்த மோனிஷா, இப்படம் தொடர்பான தன் அனுபவங்களை பகிர்ந்துள்ளார்.

இப்படி இருக்க படப்பிடிப்பு அனுபவங்களை குறித்து மோனிஷா கூறுகையில், “இப்படத்தில் நடிகர் ரஜினிகாந்த், உபேந்திரா, மற்றும் அமீர் கான் ஆகியோருடன் நடித்தது தான் எனக்கு கிடைத்த மிகப்பெரிய வாய்ப்பு மற்றும் அதிர்ஷ்டம். நான் பொதுவாக ஒரு கூச்சம் மிக்க நபர். நான் யாரையும் முன்னேறி அணுகிப் பேசமாட்டேன். என்னிடம் அதிக சினிமா அனுபவம் இல்லாததால், அத்தகைய பெரியவர்களிடம் பேசுவதற்கு தைரியம் வரவே இல்லை. அதேபோல் அமீர் கான் சார் தானாகவே என்னிடம் வந்து பேசியது என்னை மிகவும் ஆச்சர்யப்படுத்தியது. அதுமட்டுமல்லாமல் அவர் என்னிடம் நேராக வந்து, ‘உன் பெயர் என்ன?’ என்று கேட்டார். நான் உடனே என் பெயரைச் சொன்னேன். அவருடைய ரசிகை என்றும் சொன்னேன். அவர் உடனே சிரித்தார்” என்று கூறினார். இந்த அனுபவம், நடிகையாக தனது பயணத்தில் தனக்கு ஏற்பட்ட முதல் பெரிய மைல்கல்லாகவே இருப்பதாகவும் அவர் கூறியிருக்கிறார். இந்த சூழலில் மோனிஷா நடித்த காட்சிகள் வெறும் நிமிடங்களுக்கு மட்டுமே இருந்தாலும், அதன் தாக்கம் திரைப்படத்தில் மிக முக்கியமானதாக அமைந்தது. இதுவே எதிர்காலத்தில் மேலும் தரமான வாய்ப்புகளுக்கான கதவுகளைத் திறக்கும் என்பதில் அவர் நம்பிக்கை வைத்துள்ளார்.

“நான் நடிப்பை பெரிதும் விரும்புகிறேன். இதில் நான் மேலும் மேம்பட விரும்புகிறேன். ‘கூலி’ என்பது எனக்கு ஒரு துவக்கமே” என்று அவர் கூறுகிறார். மேலும் தனது கதாபாத்திரம் குறித்தும் அவர் சில தகவல்களை பகிர்ந்தார். “சத்யராஜ் சார் நடித்த கதாபாத்திரம் ஒரு சமூக நீதிக்காக போராடும் தலைவர். அவருடைய குடும்பத்தினராக நடித்த எனது வேடம், அந்த மனநிலையை பிரதிபலிக்கவே தயாரிக்கப்பட்டது. அதை உணர்ந்து நடிப்பதே எனக்கு ஒரு பாடமாக இருந்தது” என்றார். அதோடு ரஜினிகாந்த் பற்றி கூறும்போது, அவர் மிகவும் பயப்படத்தக்க மனிதராக அல்ல என்றும், எல்லோரிடமும் அன்புடன் பழகுவதாகவும் மோனிஷா புகழ்ந்தார்.

இதையும் படிங்க: பீடி பத்தவச்சது ஒரு குத்தமா.. கூலி படத்துல ரஜினிக்கு சிகரெட் பற்ற வைத்த சர்ச்சை - அமீர்கான் ஓபன் டாக்..!

உபேந்திரா குறித்து அவர் கூறும்போது, “அவர் மிகவும் பிசியானவர். ஆனால் அவர் நடித்த ஷாட்கள் பார்ப்பதே ஒரு கற்றல் அனுபவம் கிடைத்தது. நேரடியாக பேச வாய்ப்பு இல்லை என்றாலும், அவர் பணியாற்றும் முறை எனக்கு ஒரு சவாலாக இருந்தது” எனவும் கூறியுள்ளார். “கூலி” படம் வெளியாகிய பிறகு, மோனிஷாவின் கேமியோ காட்சிக்கே சமூக வலைதளங்களில் ரசிகர்கள் பெரிதும் பாராட்டு தெரிவித்துள்ளனர். மோனிஷா தற்போது சில புதிய திட்டங்களில் பேச்சுவார்த்தையில் உள்ளதாகவும், அவை முறையாக ஒப்பந்தமாகும் வரை எந்த தகவலையும் பகிரமாட்டேன் என்றும் தெரிவித்துள்ளார். “நான் இப்போது என்னுடைய கலைத்திறனை மேம்படுத்திக் கொண்டு இருக்கிறேன். நடிப்பு, நடனம், மற்றும் சினிமா தொழில்நுட்பம் குறித்தும் கற்றுக்கொள்கிறேன். எனக்கு இது போன்ற வாய்ப்புகள் தொடர்ந்து கிடைத்தால், நான் நிச்சயமாக ஒரு முழு நேர நடிகையாக மாறுவேன்” என்றார்.

ஆகவே மிகவும் சுருக்கமாக இருந்தாலும், மோனிஷாவின் “கூலி” அனுபவம், ஒரு புதுமுகம் எவ்வாறு சினிமாவின் பெரிய நட்சத்திரங்களை சந்தித்து, தன் பயணத்தை துவங்குகிறார் என்பதை தெளிவாக காட்டுகிறது. இது அவருடைய தன்னம்பிக்கை, இயல்பு, மற்றும் கலைத்திறனின் ஆரம்ப விழிப்புணர்வைத் தருகிறது. அவருடைய எதிர்கால முயற்சிகளுக்கு ரசிகர்கள் ஆதரவைத் தெரிவித்துக் கொண்டுள்ளனர். 

இதையும் படிங்க: ஜெயிலர் வசூலை வேகமாக நெருங்கும் 'கூலி'..! இதுவரை மட்டும் எத்தனை கோடி தெரியுமா..!