இந்த வருடத்தில் பொங்கல் பண்டிகைக்கு ஷங்கரின் கேம் சேஞ்சர், காதலிக்க நேரமில்லை, தருணம், பாலா இயக்கியத்தில் அருண்விஜய் நடிப்பில் வணங்கான் மற்றும் நேசிப்பாயா என பல படங்கள் வெளியானது. இதில், இயக்குனர் சுந்தர் சி-யின் மதகஜராஜா திரைப்படம் வசூலை வாரி குவித்தது.  இப்படி சுந்தர் சி இயக்கத்தில் 12 ஆண்டுகளுக்கு முன் எடுக்கப்பட்டு மக்களிடத்தில் பெரிதும் எதிர்பார்க்கப்பட்ட மதகஜராஜா திரைப்படம் பல போராட்டங்களுக்கு பின் கடந்த பொங்கல் பண்டிகைக்கு வெளியாகி ஹிட் கொடுத்தது. 

இந்தப் படத்தில் நடிகர் விஷால், சந்தானம், அஞ்சலி, வரலட்சுமி சரத்குமார், சதீஷ், நிதின் சத்யா, சோனு சூட் உள்ளிட்ட பலர் நடித்திருந்தனர். இந்தப் படத்தில் விஷால் பாடிய "டியர் லவ்வரு.. டியர் லவ்வரு" பாடல் மிகப்பெரிய அளவில் ஹிட்டானது. இந்த நிலையில் தான், 12 வருடம் கழித்து படம் வெளியானாலும் இயக்குனர் சுந்தர் சியின் படைப்புகள் மீது நம்பிக்கை வைத்து மக்கள் அப்படத்தை பார்த்து மகிழ்ச்சியடைந்தனர். அந்த அளவிற்கு சுந்தர் சி-யின் படைப்புகள் இருக்கும். 

இதையும் படிங்க: கிளாமர் லுக்கில் நடிகைகளுக்கு டஃப் பொடுக்கும் குஷ்பூ மகள்..! 

இப்படி இருக்க, இதுவரை இயக்குனர் சுந்தர் சி, "முறைமாமன், அருணாச்சலம், தலைநகரம், வீராப்பு, சண்டை, ஆயுதம் செய்வோம், பெருமாள், தீ, ஐந்தாம் படை, குரு சிஷ்யன், வாடா, நகரம் மறுபக்கம், முரட்டுக்காளை, கலகலப்பு, அரண்மனை, மத கஜ ராஜா, ரெண்டு, லண்டன் சின்னா, தக்கத்திமிதா, கிரி, வின்னர், இன்னும் நிறைய படங்களில் இயக்குனராகவும் நடிகராகவும் இருந்து உள்ளார்.

தற்பொழுது இயக்குனர் சுந்தர் சி யின் இயக்கத்தில் தயாராகி வரும் "மூக்குத்தி அம்மன்-2" திரைப்படத்திற்கான முக்கிய விழா சென்னையில் மார்ச் 6ம் தேதி பிரமாண்டமான கோவில் செட் அமைத்து நடைபெற்றது. இப்படம் தற்பொழுது ரூ.100 கோடி பட்ஜெட்டில் உருவாகி வருகிறது. 

இவரை போல தமிழ் சினிமாவில் அனைவரது மனதிலும் நீங்கா இடம் பிடித்தவர் காமெடி நடிகரான வடிவேலு. இவரது திரையுலக பயணம் 1988 ஆம் ஆண்டு தொடங்கி 2025ம் ஆண்டு வரை நீடித்து கொண்டே இருக்கிறது. ஆனால் இவர் கதாநாயகனாக நடித்த முதல் படம் என்றால் அது கடந்த 2006 ஆம் ஆண்டு இயக்குநர் சங்கரின் தயாரிப்பில் சிம்புதேவனின் இயக்கத்தில் வெளிவந்த ‘இம்சை அரசன் 23ம் புலிகேசி’  தான். இப்படத்தில் தான் முதன் முதலாக இரட்டை வேடங்களில் கதாநாயகனாக நடித்தார்.

இதனை தொடர்ந்து, 2008 ஆம் ஆண்டு தம்பிராமையா இயக்கத்தில் ‘இந்திரலோகத்தில் நான் அழகப்பன்’ என்ற திரைப்படத்தில் நடித்தார். அதேபோல் தெனாலிராமன், எலி, நாய் சேகர் ரிட்டன்ஸ் போன்ற படங்களில் நடித்தார். இதற்கிடையில் அரசியல் விளையாட்டில் சிக்கிய வடிவேலு பலவருடங்களாக படத்தில் நடிக்க முடியாத நிலைக்கு தள்ளப்பட்டார். பின் அவர் மீது உள்ள தடைகள் யாவும் நீங்கி தற்பொழுது பல படங்களில் நடித்து வருகிறார்.

அந்த வகையில், சுந்தர் சி மற்றும் வடிவேலு இணைந்து பல படங்களில் நடித்து உள்ளனர்.குறிப்பாக இவர்கள் கூட்டணியில் வெளியான வின்னர், லண்டன், கிரி, ரெண்டு, தலைநகரம், நகரம் மறுபக்கம் ஆகிய படங்கள் மிகப்பெரிய அளவில் வெற்றி பெற்றன.இந்த நிலையில், இவர்கள் இருவரின் காம்போவில் உருவாகியுள்ள திரைப்படமான 'கேங்கர்ஸ்' படத்தை சுந்தர் சி இயக்கியுள்ளார். மேலும் இப்படத்தில், கேத்ரின் தெரசா, வாணி போஜன், முனீஸ்காந்த் ஆகியோருடன் நடிகர் வடிவேலும் நடித்துள்ளனர்.  

இப்படத்தின் படப்பிடிப்பு விறுவிறுப்பாக நடந்து வரும் நிலையில், இப்படத்தின் டிரைலர் நேற்று வெளியானது. இந்த டிரைலரில் ரூ.100 கோடி பணத்தை கொள்ளை அடிக்க அனைவரும் முயற்சி செய்கின்றனர். அவர்களால் முடியாமல் போக கடைசியில் நீண்ட இடைவெளிக்கு பிறகு சுந்தர்.சி மற்றும் வடிவேலு கூட்டு சேர்ந்து பணத்தை எடுப்பது போல் ட்ரைலர் உள்ளது. மேலும், டிரைலரில் வடிவேலு பலவிதமான கெட்டப்பில் சிரிக்க வைத்துள்ளார். 

இப்படிப்பட்ட நகைச்சுவையான படம், வருகின்ற ஏப்ரல் 24ம் தேதி வெளியாக உள்ள நிலையில் மக்கள் ஆவலுடன் எதிர்பார்த்து காத்து கொண்டு இருக்கின்றனர். 
 

இதையும் படிங்க: குஷ்பூவுக்காக 'மொட்டை பாஸ்' ஆக மாறிய சுந்தர்.சி...! மனைவிக்காக சிறப்பு வேண்டுதல்..!