பெண்களுக்கு 33 சதவீத இட ஒதுக்கீடு வழங்கும் மசோதாவுக்கு எதிராக திமுக ஓட்டு போட்டதற்கு எதிர்ப்பு தெரிவித்து பாஜக மற்றும் அதன் கூட்டணி கட்சியினர் சமூக வலைதளங்களில் தீவிர பிரசாரத்தில் ஈடுபட்டுள்ளனர்.
லோக்சபா மற்றும் மாநில சட்டசபைகளில் பெண்களுக்கு இட ஒதுக்கீடு அளிக்கும் வகையில் தொகுதி மறுவரையறை மசோதாவை பார்லிமென்ட்டில் தாக்கல் செய்ய பாஜக திட்டமிட்டிருந்தது. எதிர்க்கட்சிகளின் கடும் எதிர்ப்புக்கு இடையில் நேற்று இந்த மசோதாவுக்கு ஓட்டெடுப்பு நடைபெற்றது.
பெரும்பான்மைக்கு 352 எம்.பி.க்களின் ஆதரவு தேவைப்பட்ட நிலையில், மசோதாவுக்கு ஆதரவாக 298 பேரும், எதிராக 230 பேரும் ஓட்டளித்தனர். இதனால் மசோதா தோல்வியடைந்தது.
இதையும் படிங்க: இன்று இரவு 08.30 மணி! மறந்திராதீங்க மக்களே! நாட்டு மக்களிடம் உரையாடுகிறார் பிரதமர் மோடி!!
காங்கிரஸ், திமுக, கம்யூனிஸ்ட் உள்ளிட்ட எதிர்க்கட்சிகள் இந்த மசோதாவுக்கு எதிராக ஓட்டு போட்டன. இதை பாஜகவினர் கடுமையாக விமர்சித்தனர். பெண்கள் பார்லிமெண்டுக்கு வருவதை திமுக தலைவர் ஸ்டாலின் விரும்பவில்லை என்று குற்றம் சாட்டிய பாஜகவினர், திமுக பெண்களுக்கு துரோகம் இழைத்துவிட்டதாக கூறி வருகின்றனர்.
இந்த சூழலில் சமூக வலைதளங்களில் பெரும் கருத்து மோதல் ஏற்பட்டுள்ளது. பாஜக மற்றும் அதன் கூட்டணி கட்சியினர் #DMKBackstabsWomen என்ற ஹேஷ்டேக்கை டிரெண்ட் செய்து, திமுகவுக்கு எதிரான பிரசாரத்தை தீவிரப்படுத்தியுள்ளனர். அதே நேரத்தில் தமிழகத்துடன் துணை நிற்பதாக #NDAWithTamilNadu என்ற ஹேஷ்டேக்கையும் வைரலாக்கி வருகின்றனர்.
திமுகவின் இந்த நிலைப்பாடு பெண்களுக்கு எதிரானது என்று பாஜகவினர் தொடர்ந்து விமர்சித்து வருகின்றனர். மகளிர் இட ஒதுக்கீடு மசோதா தோல்வியடைந்ததற்கு திமுக மற்றும் எதிர்க்கட்சிகளே காரணம் என்று அவர்கள் குற்றம் சாட்டுகின்றனர். இந்த விவகாரம் தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.
தேர்தல் சூழல் நெருங்கும் நிலையில், சமூக வலைதளங்களில் ஹேஷ்டேக்குகள் டிரெண்ட் ஆவது அரசியல் கட்சிகளுக்கு இடையேயான போட்டியை மேலும் சூடுபிடிக்கச் செய்துள்ளது. பெண்கள் உரிமை குறித்த விவாதம் தேசிய அளவில் தீவிரமடைந்துள்ளது.
பாஜகவின் இந்த ஹேஷ்டேக் பிரசாரம் திமுகவுக்கு பெரும் அழுத்தத்தை ஏற்படுத்தியுள்ளது. திமுக தரப்பிலும் இந்த விவகாரத்துக்கு பதிலடி கொடுக்கும் வகையில் சமூக வலைதளங்களில் பதில்கள் வெளியாகி வருகின்றன.
இதையும் படிங்க: இந்திய பெண்களிடம் பிரதமர் மோடி மன்னிப்பு கேட்கணும்!! குற்றம் சாட்டும் காங்.,!