சின்னத்திரையில் அதிகமான ரசிகர்களால் பார்க்கப்படும் சீரியல்களில் ஒன்றான 'சிறகடிக்க ஆசை' சீரியலில், சில மாதங்களுக்கு முன்பு ரோகிணியின் மலேசியா மாமாவாக நடிப்பதற்காக கறி கடைக்காரர் கேரக்டரில் என்ட்ரி கொடுத்த ஜெயமணிக்கு அதிகமான ரசிகர்கள் உருவாகினர். இவர் ஏற்கனவே சன் டிவியில் ஒளிபரப்பான "திருமதி செல்வம்" சீரியலில் பூங்காவனம் கேரக்டரில் பலருடைய மனதையும் கவர்ந்தவர் தான்.
இவர் பல நாடகங்களில் குழந்தை நட்சத்திரமாக நடித்துள்ளார். மேலும் 40 சீரியல்களை இயக்கியுள்ளார். அதுமட்டுமின்றி ஆர்ஜே பாலாஜி கதாநாயகனாக நடித்துள்ள "சொர்க்கவாசல்" என்ற திரைப்படத்தில் நல்ல கேரக்டரில் நடித்திருக்கிறார். நடிகர், இயக்குனரை தாண்டி, இவர் நடிகர் சங்கம் மற்றும் டப்பிங் யூனியன் உறுப்பினராகவும் இருந்துள்ளார். அதேபோல் ஜெயமணியின் மனைவி மாலதி டப்பிங் ஆர்டிஸ்ட் ஆக இருக்கிறார். இவர்களின் மகள் நந்தினி டீச்சராக வேலை பார்த்து வருகிறார்.
இதையும் படிங்க: அரசியலா.. சினிமாவா.. ‘தலைவர் தனுஷ்’ போஸ்டர் வைரல்..!! பிறந்தநாளில் ரசிகர்களுக்கு சர்ப்ரைஸ் கொடுத்த ‘ஓம்’ படக்குழு..!
இந்நிலையில் சென்னை வடபழனியில் உள்ள வீட்டில் நடிகர் VC ஜெயமணி, திடீர் மாரடைப்பால் தனது 76 வயதில் காலமானார். அவரது மறைவை அறிந்த திரையுலகினர் சோகத்தில் மூழ்கியுள்ளனர். அவரது மறைவிற்கு பலர் இரங்கல் தெரிவித்து வருகின்றனர்.
இதையும் படிங்க: மீண்டும் மொட்டை மாடி போட்டோஷூட்டில் ரம்யா பாண்டியன்..!! கருப்பு–வெள்ளை சேலையில் ரசிகர்களை கவர்ந்த நடிகை..!