நகைகள் என்றாலே பெண்களுக்கு ஒரு அலாதி பிரியம். தங்க நகை விலை ஏறினாலும் சரி, இறங்கினாலும் சரி அதை வாங்க மட்டும் பெண்கள் மறப்பதில்லை. எவ்வளவு விலை ஏறினாலும் அதை வாங்க ஒரு கூட்டம் உள்ளது. இது ஒருபுறம் இருக்க, மறுபக்கம் தங்கம் வாங்குவது கனவில் தான் என்று இருக்கின்றனர் நடுத்தர மக்கள். 

சர்வதேச பொருளாதார நிலைக்கு ஏற்ப தங்கம் விலை நாள்தோறும் நிர்ணயம் செய்யப்பட்டு வருகிறது. சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு உள்ளிட்ட பல்வேறு காரணிகள் தங்கம் விலையை நிர்ணயிப்பதில் முக்கிய பங்கு வகிக்கின்றன.

சமீபகாலமாக தங்கம் விலை ஏற்ற இறக்கத்தில் உள்ளது. 74 ஆயிரம் ரூபாயை கடந்து ஒரு சவரன் தங்கம் விற்பனை செய்யப்பட்டு வந்த நிலையில் தற்போது குறைந்துகொண்டே வருவது ஏழை எளிய மற்றும் நடுத்தர மக்களை நிம்மதி அடையச் செய்துள்ளது.  

இதையும் படிங்க: தங்கம் விலை ஏறவும் இல்ல.. குறையவும் இல்ல.. நகை வாங்க இதுதான் ரைட் டைம்..!!

தங்கம் விலை நிலவரம் (19/08/2025):

இந்நிலையில் கடந்த வாரம் முழுவதும் இறங்குமுகத்தில் இருந்த தங்கம் விலை, இந்த வாரமும் சரிவில் தான் உள்ளது. இன்று (செவ்வாய்கிழமை) தங்கம் விலை சற்று குறைந்துள்ளது. அதன்படி சென்னையில் 22 கேரட் ஆபரணத் தங்கத்தின் விலை, சவரனுக்கு ரூ.320 குறைந்து ஒரு சவரன் ரூ.73,880க்கும், கிராமுக்கு ரூ.40 குறைந்து ஒரு கிராம் ரூ.9,235-க்கும் விற்பனை செய்யப்படுகிறது. ரூ.76 ஆயிரத்தை தொட்ட தங்கம் விலை, தற்போது ரூ.74 ஆயிரத்திற்கு கீழ் இறங்கியுள்ளது இல்லதரிசிகளிடையே மகிழ்ச்சியை ஏற்படுத்தியுள்ளது. 

இன்றைய வர்த்தகத்தின் போது 24 காரட் சுத்த தங்கத்தின் விலை கிராமுக்கு ரூ.43 குறைந்து ஒரு கிராம் 10 ஆயிரத்து 075 ரூபாய்க்கும், சவரனுக்கு ரூ.344 குறைந்து ஒரு சவரன் 80 ஆயிரத்து 600 ரூபாய்க்கும் விற்பனையாகி வருகிறது.

வெள்ளி விலை நிலவரம்:

தங்கம் விலை குறைந்த நிலையில், வெள்ளியின் விலையும் குறைந்துள்ளது. அதன்படி கிராமுக்கு ரூ.1 குறைந்து ஒரு கிராம் ரூ.126க்கும், கிலோவிற்கு ரூ.1000 குறைந்து ஒரு கிலோ ரூ.1 லட்சத்து 26 ஆயிரத்திற்கும் விற்பனை செய்யப்பட்டு வருகிறது. 

சரிவுக்கான காரணம் என்ன?

அமெரிக்க டாலரின் மதிப்பு உயர்ந்துள்ளதால் சர்வதேச சந்தையில் தங்கத்தின் மீதான முதலீடு குறைந்துள்ளது.

இதையும் படிங்க: குறைந்துகொண்டே வரும் தங்கம் விலை.. மகிழ்ச்சியில் நகைப்பிரியர்கள்..!!