பாகிஸ்தானில் ரயில் கடத்தலுக்குப் பிறகு, பலுசிஸ்தானின் பலூச் விடுதலைப்படை உலகம் முழுவதும் விவாதிக்கப்படுகிறது. 40 பலூச் போராளிகள் பாகிஸ்தான் இராணுவத்தை மண்டியிட வைத்துள்ளனர். 2000 ஆம் ஆண்டு உருவாக்கப்பட்ட பலூச் விடுதலைப் படை, தற்போது பஷீர் ஜெப் தலைமையில் உள்ளது. பஷீர் ஜெப் பலூச் விடுதலை படையில் தலைமைத் தளபதி பதவியை வகிக்கிறார்.

பஷீர் ஜெப் 2018-ல் பலூச் விடுதலை படையின் கட்டளைப் பொறுப்பை ஏற்றுக்கொண்டார். தலைவராவதற்கு முன்பு, பஷீர் ஜெப் மையக் குழுவின் முக்கிய உறுப்பினராக இருந்தார். பஷீர் ஜெப் வந்ததிலிருந்து, பலுசிஸ்தானில் பலூச் விடுதலைப் படையின் போராட்டங்கள் அதிகரிக்கத் தொடங்கின. பலுசிஸ்தான் மீதான கட்டுப்பாட்டை அரசு இழந்து வருவதாக நாட்டின் உயர்மட்டத் தலைவர்கள் கூட கூற வேண்டியுள்ளது.

பாகிஸ்தானின் மூத்த பத்திரிகையாளர் கியா பலோச் கூறிய தகவல்படி, ''40 வயதான பஷீர் ஜெப் ஒரு நடுத்தர குடும்பத்தைச் சேர்ந்தவர். சுதந்திரத்திற்காகப் போராடும் நோக்கத்துடன் அவர் பலூச் விடுதலை படையில் சேர்ந்தார். படிப்படியாக, அவரது உத்தியின் அடிப்படையில், ஜெப் பஷீர் பலூச் விடுதலை இராணுவத்தின் உயர் பதவியை அடைந்தார்.

இதையும் படிங்க: #BREAKING: தீவிரவாதிகளை வேட்டையாடியது பாகிஸ்தான்..! அனைத்து பயணிகளும் மீட்பு

பாகிஸ்தான் செய்தித்தாள் ட்ரிப்யூனின் தகவல்படி, டிசம்பர் 2018-ல், ஒரு ரகசிய நடவடிக்கை மூலம், பாகிஸ்தான் இராணுவம் காபூலில் பலூச் விடுதலை இராணுவத் தலைவர் அஸ்லம் பலூச்சைக் கொன்றது. அதன் பிறகு பலூச் விடுதை படையின் கட்டளை ஜெப் பஷீரிடம் ஒப்படைக்கப்பட்டது.

ஜெப் பஷீரின் தந்தை பலுசிஸ்தானின் பிரபல மருத்துவர். பலுசிஸ்தானின் மாகாணத் தலைநகரான குவெட்டாவிலிருந்து கிழக்கே சுமார் 145 கி.மீ தொலைவில் உள்ள நுஷ்கி நகரில் ஜெபின் வீடு உள்ளது. தெற்கு பலுசிஸ்தானின் பல மாவட்டங்களில் பரவியுள்ள மிகப்பெரிய பழங்குடியினரில் ஒன்றான ஹசானி பழங்குடியினத்தைச் சேர்ந்தவர் ஜெப் முகமது.

ஜெப் பொறியியல் பட்டம் பெற்றவர். ஜெப் தனது ஆரம்பக் கல்வியை குவெட்டாவில் உள்ள டிகிரி கல்லூரியில் முடித்தார். 2012 ஆம் ஆண்டில், ஜெப் ஆசாத் மிஷனின் கீழ் பலூச் விடுதலை படையில் சேர்ந்தார். அதன் பிறகு அவர் அதே அமைப்பில் இருக்கிறார்.

கியா பலோச்சின் தகவல்படி, ஜெப் பஷீர் அமைப்பில் இணைந்ததன் மூலம் பலூச் விடுதலைப்படை மிகவும் வலுவடைந்தது. தாக்குதல் நடத்தப்பட்ட இடங்களில் பதுங்கியிருந்து தாக்குதல் நடத்துவதை கைக்குள் வைத்திருந்தனர். அவரது பதவிக் காலத்தில், பலூச் போராளிகள் சமூக ஊடகங்களைப் பயன்படுத்தத் தொடங்கினர். ஒவ்வொரு நாளும்,பலூச் போராளிகள் சமூக ஊடகங்கள் மூலம் சீனா, பாகிஸ்தான் படைகளை அச்சுறுத்துகின்றனர்.

தளபதியான பிறகு, ஜெப் தற்கொலை குண்டுதாரிகளைத் தயாரித்தார். இதற்காக, அவர் பலூச் பகுதியில் பெண்களை முன்னெடுத்து வந்தார். பலூச் பெண் தற்கொலை குண்டுதாரிகள் பர்தாக்கள் மற்றும் ஜாக்கெட்டுகள் அணிந்து குண்டுகளை எடுத்துச் செல்கின்றனர்.

பாகிஸ்தானிய, சீன வீரர்களைக் கொல்வதில் ஜெப் தலைமையிலான பலூச் படையினர் பின்தங்கி இருக்கவில்லை. ஜெப் தலிபான்களுடனும் நல்ல உறவைக் கொண்டுள்ளார். இதன் காரணமாக பாகிஸ்தான் இராணுவம் இந்தப் பகுதியில் உதவியற்றதாக உணர்கிறது.

பலூச் விடுதலை இராணுவத்தில் புதிய ஆட்களைச் சேர்த்தார். இதன் விளைவாக பாகிஸ்தான் இராணுவத்தை விட பலூச் படையில் அதிகம் படித்த போராளிகள் இருந்தனர். இதன் காரணமாகவும் பாகிஸ்தான் இராணுவம், பலூச் விடுதலை படைகளால் தோற்கடிக்கப்படுகிறது.

இதையும் படிங்க: பாகிஸ்தானில் நடக்கும் ரத்த வெறியாட்டம்... சீனாவால் ஏற்பட்ட கேடு- உரிமைக்காக போராடும் பி.எல்.ஏ..!