திமுக நாடாளுமன்ற உறுப்பினரும் தேர்தல் அறிக்கை தயாரிப்பு குழு தலைவருமான கனிமொழி செய்தியாளர்களை சந்தித்து பேசினார். கடந்த முறை அளித்த 505 வாக்குறுதிகளில் 404 வாக்குறுதிகள் நிறைவேற்றப்பட்டு இருப்பதாக தெரிவித்துள்ளார். 64 வாக்குறுதிகளை அந்த பகுதி மக்களின் எதிர்ப்பு மற்றும் சூழல் காரணமாக நிறைவேற்ற முடியவில்லை என்று தெரிவித்துள்ளார்.

காலை உணவு, புதுமைப் பெண், நான் முதல்வன் போன்ற திட்டங்கள் நிறைவேற்றப்பட்டதாக தெரிவித்தார். வாக்குறுதிகளில் சொல்லப்படாத பல திட்டங்கள் கொண்டு வரப்பட்டிருப்பதாகவும் கூறினார். பல்வேறு தரப்பினரும் பாராட்டக்கூடிய தேர்தல் அறிக்கையாக திமுகவின் தேர்தல் அறிக்கை இருக்கிறது என்று கனிமொழி தெரிவித்துள்ளார். 80 ஆயிரம் கருத்துக்களை பெற்று திமுக தேர்தல் அறிக்கை தயாரிக்கப்பட்டு இருக்கிறது என்று தெரிவித்துள்ளார்.

நிறைவேற்றக்கூடிய வாக்குறுதிகளாக இருக்க வேண்டும் என முதலமைச்சர் தெரிவித்துள்ளதாகவும் அதிமுக திராவிட மாடல் அரசின் தேர்தல் அறிக்கையை காப்பி அடித்துள்ளதாகவும் தெரிவித்துள்ளார். நடைமுறையில் உள்ள பல திட்டங்களை அதிமுக தேர்தல் அறிக்கையாக தெரிவித்துள்ளது என்றும் மகளிர் உரிமைத்தொகை 2000 என எடப்பாடி பழனிச்சாமி கூறி இருப்பதாகவும் கூறினார்.

இதையும் படிங்க: சூடு பிடித்த அரசியல் களம்.. கூட்டணி தலைவர்களுக்கு தேநீர் விருந்து..! முதல்வர் ஸ்டாலின் இன்று முக்கிய ஆலோசனை..!!

அதிமுக வாக்குறுதிகளை படிக்கவில்லை என்றும் அதற்கான நேரமும் கிடையாது எனவும் கனிமொழி தெரிவித்துள்ளார். திமுக ஆட்சி ஒரு குற்றம் நிகழ்ந்தால் அந்த சம்பவத்தில் நீதி கிடைக்க வேண்டும் என்பதை முதல்வர் ஸ்டாலின் ஒவ்வொரு முறையும் உறுதிப்படுத்தி இருப்பதாக தெரிவித்துள்ளார். மக்கள் பணம் மக்களுக்கு சென்று சேர்ந்தால் தான் அது பொருளாதார வளர்ச்சி என்று கூறியுள்ளார். 

இதையும் படிங்க: பாலியல் குற்றமும்... மரண தண்டனையும்..! கவனத்தை ஈர்த்த திமுகவின் வாக்குறுதி..!