தேர்தல் ஆணையம், ஆதார் அட்டையுடன் வாக்காளர் அடையாள அட்டையை இணைப்பது தொடர்பாக ஆதார் தலைமை நிர்வாக அதிகாரி, மத்திய உள்துறை செயலாளர் உள்ளிட்ட அதிகாரிகளுடன் இன்று ஒரு சந்திப்பு நடைபெற்றது. இதில், உச்ச நீதிமன்றத்தின் உத்தரவுகளை மீறாமல் நாடு முழுவதும் வாக்காளர் அட்டையின்  எண்ணை ஆதாருடன் எப்படி இணைக்க முடியும் என்பது குறித்து ஆலோசனை நடைபெற்றது. இதற்காக, நிபுணர்களிடையே தொழில்நுட்ப ஆலோசனை மேற்கொள்ளப்பட்டது. அதற்கான பணிகள் விரைவில் தொடங்கப்பட உள்ளது.

தொழில்நுட்ப ஆலோசனைக்குப் பிறகுதான் வாக்காளர் அட்டை எண்ணை ஆதாருடன் எப்படி இணைக்க முடியும் என்பது தெரியவரும் என்று தேர்தல் ஆணையம் தெரிவித்துள்ளது. தேர்தல் ஆணையத்தின் சார்பாக, தலைமைத் தேர்தல் ஆணையர் ஞானேஷ் குமார் தலைமையில், தேர்தல் ஆணையர்கள் டாக்டர் சுக்பீர் சிங் சந்து, டாக்டர் விவேக் ஜோஷி ஆகியோருடன், இந்த முக்கியமான கூட்டம்  இன்று தேர்தல் ஆணையத்தில் நடைபெற்றது.

இதையும் படிங்க: தேர்தல் கமிஷன் மீதான புகார்கள்! தீர்வு காண அரசியல் கட்சிகளுக்கு அழைப்பு.

இதில், ஆணையத்தின் தொழில்நுட்ப நிபுணர்களைத் தவிர, மத்திய உள்துறை செயலாளர், சட்டமன்றத் துறை செயலாளர், மெய்டி செயலாளர் மற்றும் ஆதார் தலைமை நிர்வாக அதிகாரி ஆகியோர் கலந்து கொண்டனர். இந்திய அரசியலமைப்பின் பிரிவு 326 இன் படி, வாக்களிக்கும் உரிமையை இந்திய குடிமகனுக்கு மட்டுமே வழங்க முடியும் என்று ஆணையம் கூறியது.

ஆதார் அட்டை ஒரு நபரின் அடையாளத்தை மட்டுமே நிறுவுகிறது.எனவே, வாக்காளர் அடையாள அட்டை எண்ணை, ஆதாருடன் இணைப்பது அரசியலமைப்பின் பிரிவு 326, மக்கள் பிரதிநிதித்துவச் சட்டம், 1950-ன் பிரிவுகள் 23(4), 23(5) மற்றும் 23(6) மற்றும் (சிவில்) எண். 177/2023- ல் உச்ச நீதிமன்றத்தின் தீர்ப்பின் படி மட்டுமே செய்யப்படும் என்று முடிவு செய்யப்பட்டது.

இதையும் படிங்க: அனைத்து தலைமை தேர்தல் அதிகாரிகள் மாநாடு! புது முயற்சியுடன் களமிறங்கும் தேர்தல் ஆணையம்.