திருச்சி முதலியார் சத்திரம் பகுதியைச் சேர்ந்தவர் சரவணகுமார் 55 வயதான இவர் ஒரு ரியல் எஸ்டேட் நிறுவனத்தில பணியாற்றி வருகிறார். இவருடைய உரிமையாளர் பாபுஜான் என்பவர் மண்ணடியில் இருக்கக்கூடிய கார்த்திக் என்பவரிடம் 40 லட்சம் ரூபாய் பணத்தை வாங்கி கொண்டு வருமாறு அனுப்பி இருக்கிறார்கள். அதன்படி நேற்று சென்னை வந்த அவர் சென்னை அண்ணா சாலையில் இருக்கக்கூடிய எல்ஐசி அருகே 40 லட்ச ரூபாயை கார்த்திக் என்பவரிடம் வாங்கிக்கொண்டு மாநகர பேருந்தில் பயணம் செய்திருக்கிறார். 

மவுண்ட் ரோடு எல்ஐசி அலுவலம் முன்பாக பணத்தை பெற்றுக்கொண்டு  இரவு 9:30 மணி அளவில் பேருந்தில் ஏறியுள்ளார். பெருங்களத்தூர் அருகே சென்று கொண்டிருந்த போது பேருந்தின் உள்ளே அமர்ந்திருந்த இரண்டு நபர்கள் அவரிடமிருந்த அந்த பணப்பையை பிடுங்கி இருக்கிறார்கள். ஓட்டுனர்கள் மற்ற பயணிகள் கேட்கும் போது தாங்கள் தனிப்படை போலீசார் என்றும், இவரது பையில் கஞ்சா மறைத்து வைத்திருப்பதால் இவரை கைது செய்ய அழைத்து செல்கிறோம் என்று கூறி பேருந்தை நிறுத்தி பின்தொடர்ந்து வந்த ஒரு காரில் ஏற்றி அவரை அழைத்து சென்றிருக்கிறார்கள்.

பொத்தேரி அருகே கத்தியை காட்டி மிரட்டி அவரிடம் இருந்த பணத்தை மட்டும் வாங்கிக்கொண்டு அவரை தாக்கி கீழே இறக்கிவிட்டு தப்பி சென்றிருக்கிறார்கள். இதுகுறித்து சரவணகுமார் பெருங்குளத்திலிருந்து சென்று கிளம்பாக்கம் காவல் நிலையத்தில் புகார் அளித்தன் பேரில் தற்போது சிசிடிவி காட்சிகளை ஆய்வு செய்து போலீசார் விசாரணை மேற்கொண்டு வருகிறார்கள்.

இதையும் படிங்க: திடீரென பள்ளிக்குள் புகுந்த ஆயுத கும்பல்..!! துப்பாக்கி முனையில் 303 மாணவர்கள் கடத்தல்..!! பெற்றோர் தவிப்பு!

 30 வயதிலிருந்து 35 வயது மதிக்கத்தக்க நான்கு நபர்கள் தன்னிடம் வழிப்பறியில் ஈடுபட்டதாக சரவணன் தனது வாக்குமூலத்தில் தெரிவித்துள்ளார்.  பேருந்தில் பயணம் செய்த ஒரு நபரை காரில் கடத்தி அவரிடம் இருந்த 40 லட்சம் ரூபாயை வழிப்பறி செய்த சம்பவம் பெரும் பரபரப்பை ஏற்படுத்தியுள்ளது. 

இதையும் படிங்க: கோவையில் இளம் பெண் கடத்தலில் நடந்தது என்ன?... காவல் துறை ஆணையர் விளக்கம்...!