காதல் என்றால் இன்றும் பலரது நினைவில் வரும் ஒரே படம் ஆட்டோகிராப். தற்பொழுது "வலி என்றால் காதலின் வலி தான் கொடிது" என்றும் "யம்மா யம்மா காதல் சொல்லம்மா" என பல பாடல்கள் வந்தாலும், அன்று முதல் இன்று வரை காதல் என்றாலே நினைவுக்கு வரும் ஒரே பாடல், கோவை கமலா மற்றும் கார்த்திக் பாடிய "மனசுக்குள்ளே தாகம் வந்துச்சா" என்ற பாடல். அதையும் தாண்டி பரத்வாஜ் பாடிய "ஞாபகம் வருதே ஞாபகம் வருதே" என்ற பாடல். இந்த பாடல்கள் இப்பொழுது கேட்டாலே மனதை சுக்குநூறாக உடைத்து அழ வைக்கிறது என்றால் படம் வந்த பொழுது கேட்டிருந்தால் எப்படி இருந்திருக்கும்.
நினைத்த நேரத்தில் பாட்டுகளை கேட்கும் அளவிற்கு தொழில்நுட்பம் இல்லாத காலத்தில், ரேடியோக்களிலும், வாரம் ஒரு முறை தொலைக்காட்சிகளில் ஒளிபரப்பப்படும் "ஒளியும் ஒலியும்" நிகழ்ச்சிகளிலும் மட்டுமே இந்த பாடல்களை கேட்க முடியும். இப்படி இருக்க, பல பெண்கள் தங்கள் காதலர்களை நினைத்தும், பல ஆண்கள் தங்கள் காதலிகளை நினைத்தும் இந்தப் பாடலை சலிக்க சலிக்க கேட்ட நாட்களும் உண்டு. காதல் என்றால் இப்படித்தான் இருக்க வேண்டும் என்று பல படங்கள் வந்தாலும், காதல் பிரிவையே அழகாக படமாக்கிய ஒரே படம் என்றால் அதோ "ஆட்டோகிராப்" தான். இந்தப் படம் வந்த பொழுது, அதை பார்த்த பலர்; தங்களது காதல் நினைவுகளை எண்ணி மனவேதனை அடைந்து வீட்டில் கதவை பூட்டி கதறி அழுத நாட்கள் உண்டு. இன்றும் தனியார் தொலைக்காட்சியில் இந்த படத்தை போட்டால், அதைப் பார்க்க ஒரு கூட்டமே உண்டு.
இதையும் படிங்க: ஒழுங்கா போய் படிங்கடா... இன்ஜினியர் ஆகுறதுலாம் கஷ்டம் டா..! பிரதீப் ரங்கநாதனை கிழித்து தொங்கவிட்ட இன்ஸ்டா பெண் ..!
நம் கண்களுக்கு விருந்தாகவும் மனதிற்கு இன்பத்தையும் கொடுத்த இப்படத்தை எடுக்க சேரன் பட்ட பாடுகள் அதிகம். பல நடிகர்களை சந்தித்த இயக்குநர் சேரன், ஆட்டோகிராப் படத்தின் கதையை சொன்ன பொழுது ஒருவரும் நடிக்க முன் வரவில்லை. இதனால் மனம் உடைந்த சேரன், நம் கதைக்கு நாம் தான் கதாநாயகன் என முடிவு செய்து, தானே கதாநாயகனாக களம் இறங்கி, சினேகா, கோபிகா, மல்லிகா, கனிகா, இளவரசு, கிருஷ்ணா உள்ளிட்ட பல நடிகர்களுடன் இணைந்து நடித்தும் இயக்கியும் 2004 ஆம் ஆண்டு "ஆட்டோகிராப்" படத்தை ஆண்டு வெளியிட்டார்.
பல நடிகர்கள் நிராகரித்த ஆட்டோகிராப் சேரனின் நடிப்பிற்கும், இயக்கத்திற்கும் அடுத்த மைல்கல்லாய் அமைந்தது. இப்படி ஒரு படமா என நடிகர்கள் வியந்து பார்த்து, பேசாமல் இப்படத்தில் நடித்திருக்கலாமே என்று யோசிக்க கூடிய அளவிற்கு அபார வெற்றியை தேடித்தந்தது இப்படம். நட்பு, காதல், பிரிவு, வலி என அனைத்தும் கலந்த ஆட்டோகிராப், தேசிய விருது, சிறந்த படத்துக்கான பிலிம்பேர் விருது என பல்வேறு விருதுகளை பெற்று தந்தது. காதல் படம் என்றால் அன்றும் இன்றும் என்றென்றும் நினைவுக்கு வரும் ஒரே திரைப்படம் ஆட்டோகிராப் என்ற பெயரை பெற்ற ஒரே திரைப்படம் என்ற பெருமையும் உள்ளது.
இந்த நிலையில், அப்பொழுதே நூறு நாட்களைக் கடந்து வசூலில் சாதனை படைத்த ஆட்டோகிராப் திரைப்படம் வெளியாகி "21 ஆண்டுகள்" நிறைவடைந்து உள்ளது. இயக்குநர் சேரனின் திரையுலக பயணத்தில் ஹிட் கொடுத்த இந்த படம் மீண்டும் AI தொழில்நுட்பத்தில் கண்களுக்கு விருந்தாக, புதிய பரிமானத்தில் ரீரிலிஸ் செய்யப்பட இருப்பதாக தகவல்கள் வெளியாகி உள்ளது. அதுமட்டும் இல்லாமல் AI தொழில்நுட்பத்தில் இப்படத்திற்கான ட்ரைலரும் வெளியாகி உள்ளது.அதில் மண்புழுதியில் சைக்கிள் ஒட்டிய சேரன், தற்போதைய ட்ரெண்டில் உடை அணிந்து வயல்வெளிகளிலும் வெளிநாடுகளிலும் சைக்கிள் ஓட்டி பாடுகிறார். சினேகா அதை விட சூப்பர் லொகேஷனில் பார்க்க அழகாக இருக்கிறார். இதை பார்த்த ரசிகர்கள் படத்தின் ரிலீ(ஸ்க்)காக காத்திருக்கின்றனர்.
பாட்ஷா, கில்லி, சச்சின், ரஜினி முருகன் போன்ற ரீ ரிலீஸ் படங்கள் லிஸ்டில் புதிதாக இணைந்துள்ளது சேரனின் ஆட்டோகிராப்.
இதையும் படிங்க: ஜுன் 5-ல் Thug Life ரிலீஸ்... உறுதி செய்த கமல்ஹாசன்...