அதிமுகவில் வெடித்துள்ள உட்கட்சி பூசல் உச்சக்கட்டத்தை எட்டியுள்ளதை இன்று முன்னாள் அமைச்சர் சி.வி.சண்முகம் நடத்திய செய்தியாளர் சந்திப்பு மூலம் வெட்ட வெளிச்சத்திற்கு வந்துள்ளது. நடந்து முடிந்த சட்டமன்ற தேர்தலில் விஜய் முதலமைச்சராக வேண்டுமென மக்கள் விரும்பினர். ஆனால் திமுக ஆதரவோடு ஆட்சி அமைக்க எடப்பாடி திட்டமிட்டார்.  அதிமுகவின் சட்டமன்ற உறுப்பினர்களும் இந்தத் திட்டத்திற்கு எதிர்ப்பு தெரிவித்தனர்.

அதிமுக என்ற கட்சியே திமுக எதிர்ப்பில் பிறந்தது. நாம் திமுகவை கடுமையாக எதிர்த்த கட்சி. நாம் எப்படி திமுக உடன் கூட்டணி வைக்க முடியும். திமுக நம்முடைய கொள்கை ரீதியிலான எதிர்க்கட்சி. அப்படி இருக்க அவர்களுடன் எப்படி இணைய முடியும். அப்படி இருக்க அவர் திமுக உடன் கூட்டணி வைக்க வேண்டும் என்று கூறினார். 

அதிமுகவில் இப்படி இரண்டு துண்டாக பிரிய பாஜக தான் காரணமா? இதற்கு முன்னாள் பாஜ்க கூட்டணி வைத்த பல மாநிலங்களில் மாநில கட்சிகளுக்கு ஏற்பட்ட நிலை தான் அதிமுகவிற்கும் ஏற்படுமா? என்றெல்லாம் பல்வேறு கருத்துக்களை அரசியல் விமர்சகர்கள் முன்வைத்து வந்த நிலையில், பாஜகவின் நீண்ட நாள் கனவு பலித்துள்ளதாக காங்கிரஸ் எம்.பி. மாணிக்கம் தாகூர் தெரிவித்துள்ள கருத்து சர்ச்சையைக் கிளப்பியுள்ளது. 

இதையும் படிங்க: "விஜய்"..! ஒத்த ஆள எதிர்த்து ஒரே நைட்ல ஒன்னாகிட்டாங்க..! மாணிக்கம் தாகூர் விமர்சனம்..!

இதுகுறித்து தனது சோசியல் மீடியா பக்கத்தில் பதிவிட்டுள்ள மாணிக்கம் தாகூர், அதிமுகவை அழிக்க வேண்டும் என்ற பாஜகவின் நீண்டநாள் கனவு இன்று நனவாகிக் கொண்டிருக்கிறது. எம்.ஜி.ஆர்., ஜெயலலிதா போன்ற மக்களால் நேசிக்கப்பட்ட வலுவான தலைவர்களால் வழிநடத்தப்பட்ட கட்சி இன்று மீண்டும் பிளவின் விளிம்பில் நிற்கிறது.

இந்திய அரசியலில் பாஜகவுடன் கூட்டணி வைத்த பல பிராந்திய கட்சிகளின் நிலை என்ன ஆனது என்பதை நாடு பார்த்திருக்கிறது.
சிவசேனை உடைந்தது. ஜேட்யூ பலவீனமடைந்தது. அடுத்த இலக்கு அதிமுகவா என்ற கேள்வி இன்று எழுகிறது. நண்பர்களை முதலில் அழித்துவிட்டு, பின்னர் அவர்களின் இடத்தை கைப்பற்றுவது தான் பாஜகவின் அரசியல் முறை. “Parasite politics” மீண்டும் நிரூபிக்கப்பட்டுள்ளது எனக்கூறி பகீர் கிளப்பியுள்ளார். 
 

இதையும் படிங்க: திமுக மீது வீண்பழி..! அதிமுகவுடன் கூட்டணி முயற்சியா..? ஆர்.எஸ்.பாரதி விளக்கம்..!