தமிழ்நாட்டில் 2026-ஆம் ஆண்டு நடைபெறவுள்ள சட்டமன்றப் பொதுத் தேர்தலை முன்னிட்டு, ஆளும் திராவிட முன்னேற்றக் கழகம் தனது தேர்தல் தயாரிப்புகளை தீவிரப்படுத்தி வருகிறது. கட்சியின் சார்பில் சட்டமன்றத் தொகுதிகளில் போட்டியிட விருப்பம் தெரிவித்து வேட்பு மனு அளித்தவர்களைத் தேர்வு செய்யும் முக்கியமான நடைமுறையாக, முதலமைச்சரும் திமுக தலைவருமான மு.க. ஸ்டாலின் நேரடியாக ஆலோசனை மற்றும் நேர்காணல் நடத்தி வருகிறார்.
இதன் இரண்டாவது நாள் இன்று நடைபெறுகிறது.இந்த ஆலோசனை முன்னதாகவே திட்டமிடப்பட்டிருந்தது. திமுகவின் வேட்பாளர் தேர்வு குழு மற்றும் மூத்த தலைவர்களுடன் இணைந்து, அண்ணா அறிவாலயத்தில் நடைபெறும் இந்த நிகழ்வு, கட்சியின் உள் கட்டமைப்பை வலுப்படுத்துவதோடு, வலுவான மற்றும் வெற்றி பெறக்கூடிய வேட்பாளர்களைத் தேர்ந்தெடுப்பதற்கான முயற்சியாகக் கருதப்படுகிறது.
முதல் நாள் ஆலோசனையின் போது பல்வேறு தொகுதிகளைச் சேர்ந்த விருப்பக்காரர்களுடன் விரிவான விவாதங்கள் நடைபெற்றன. அவர்களின் அரசியல் பின்னணி, தொகுதியில் உள்ள செல்வாக்கு, கட்சிப் பணிகளில் ஈடுபாடு, மக்களுடனான தொடர்பு ஆகியவை ஆராயப்பட்டன.இரண்டாவது நாளான இன்று, மேலும் பல தொகுதிகளைச் சேர்ந்த வேட்பாளர் விருப்பக்காரர்களுடன் முதலமைச்சர் ஸ்டாலின் நேரடியாக உரையாடி, ஆலோசனை வழங்கி வருகிறார்.
இதையும் படிங்க: #BREAKING: இந்திய கம்யூனிஸ்ட்க்கு 5 தொகுதிகள் ஒதுக்கீடு... தொகுதி பங்கீடு ஒப்பந்தம் கையெழுத்தானது..!!
தூத்துக்குடி, நெல்லை, தென்காசி, கன்னியாகுமரி மாவட்டங்களை சேர்ந்த விருப்ப மனு கொடுத்தவர்களிடம் முதல்வர் ஸ்டாலின் இன்று நேர்காணல் நடத்துகிறார். வேட்பாளர்கள் தேர்ந்தெடுக்கப்பட்ட பிறகு இறுதி வேட்பாளர் பட்டியலை திமுக விரைவில் வெளியிடும் என கூறப்பட்டுள்ளது.
இதையும் படிங்க: கப்பல் கனவு கரைஞ்சது..! வலியுடன் வழி தேடுகிறேன்... மாணவி கொலையில் ஆதங்கத்தை கொட்டிய தமிழிசை..!!