உக்ரைன் மீது ரஷ்யா போர் ஆரம்பிச்சதால, அமெரிக்கா உள்ளிட்ட மேற்கத்திய நாடுகள் ரஷ்யா மீது கடுமையான பொருளாதாரத் தடைகள் விதிச்சாங்க. இதனால ரஷ்யாவுக்கு பணப் பிரச்சினை ஆரம்பிச்சு, அவங்க கச்சா எண்ணெயை தள்ளுபடி விலையில் விக்க ஆரம்பிச்சாங்க. இந்த சான்ஸை பயன்படுத்தி, இந்தியா உள்ளிட்ட சில நாடுகள் ரஷ்யாவிடம் இருந்து மலிவா எண்ணெய் வாங்கினாங்க. இந்தியாவுக்கு இது சூப்பர் லாபமா இருந்துச்சு. ஆனா, இது அமெரிக்காவுக்கு புடிக்கல.

அமெரிக்க அதிபர் டொனால்டு ட்ரம்ப் இதனால கடுப்பாகி, இந்தியாவுக்கு எச்சரிக்கை விடுத்தார். ஆகஸ்ட் 1-ல இருந்து இந்தியப் பொருட்களுக்கு 25% வரி போடுவேன்னு சொன்னார். ரஷ்யாவிடம் எண்ணெய் வாங்கினா அபராதமும் விதிக்கப்படும்னு அறிவிச்சார். இந்தியா-ரஷ்யா பொருளாதார உறவு "செத்துப் போச்சு"னு கடுமையா விமர்சிச்சார். இது இந்தியாவை கொஞ்சம் தர்மசங்கடத்துல ஆழ்த்திடுச்சு. 

இப்போ இந்தியாவோட பொதுத்துறை எண்ணெய் நிறுவனங்கள் ரஷ்யாவிடம் எண்ணெய் வாங்கறதை நிறுத்திட்டாங்க. இதுக்கு ரஷ்யாவோட தள்ளுபடி விலை இப்போ கிடைக்காததும், அமெரிக்காவோட வரி மிரட்டலும் காரணமா சொல்றாங்க. இதப் பத்தி ட்ரம்ப் நிருபர்களிடம் பேசும்போது, "இந்தியா இனி ரஷ்யாவிடம் எண்ணெய் வாங்கப் போறதில்லைனு கேள்விப்பட்டேன். அது சரியா, தப்பா தெரியல. ஆனா, இது நல்ல முடிவு. இனி என்ன ஆகுதுனு பாப்போம்,"னு சொன்னார். இதை வச்சு பார்க்கும்போது, ட்ரம்போட மிரட்டல் ஒரு காரணமா இருக்கலாம்னு தோணுது. 

இதையும் படிங்க: உக்ரைனை சிதைத்த ரஷ்ய ஏவுகணைகள்.. 309 ட்ரோன் தாக்குதல்.. ஓயாத மரண ஓலம்..

இந்த முடிவு நிறைய கேள்விகளை எழுப்புது. ட்ரம்போட மிரட்டல் மட்டும் தான் காரணமா, இல்ல பொருளாதாரக் காரணங்களும் இருக்கா? இந்தியாவுக்கு கச்சா எண்ணெய் இறக்குமதி ரொம்ப முக்கியம். ரஷ்யாவோட மலிவு விலை இல்லைனா, மத்திய கிழக்கு நாடுகளிடம் இருந்து வாங்கும்போது செலவு அதிகமாகலாம். இது பெட்ரோல், டீசல் விலையை உயர்த்தலாம், பொருளாதாரத்தையும் பாதிக்கலாம். 

அமெரிக்காவோட இந்த அழுத்தம் இந்தியாவோட வெளியுறவுக் கொள்கையை எப்படி பாதிக்கும்னு தெரியல. இந்தியா எப்பவும் தன்னோட பொருளாதார நலன்களை முன்னுபோட்டு, எல்லா நாடுகளையும் பேலன்ஸ் பண்ணி வந்திருக்கு. ஆனா, இப்போ அமெரிக்காவோட அழுத்தத்துக்கு இந்தியா மசிஞ்சிருக்கா மாதிரி தெரியுது. இது உலக அரசியல் மேடையில் புது விவாதங்களைத் தூண்டியிருக்கு. 

இந்தியாவோட இந்த முடிவு தற்காலிகமா, இல்ல நிரந்தரமானதா? இனிவரும் நாட்கள்ல தான் தெரியும். அதுவரை, இந்தியாவோட எண்ணெய் இறக்குமதி திட்டங்களையும், அமெரிக்காவோட உறவையும் கூர்ந்து கவனிக்கணும்.

இதையும் படிங்க: புதினை மாத்தினா எல்லாம் சரியாகிடும்!! கூட்டாளி நாடுகளுக்கு உக்ரைன் கோரிக்கை!!