2026 சட்டமன்ற தேர்தலில் பாஜக - அதிமுக இணைந்து களம் காண்பது உறுதியாகியுள்ளது. இதனால் அதிமுகவில் வீச ஆரம்பித்த புயல் இன்னம் ஓய்ந்தபாடில்லை. எக்காரணம் கொண்டும் பாஜகவுடன் கூட்டணி வைக்க மாட்டேன் என கற்பூரம் அடித்து சத்தியம் செய்யாத கொடுமையாக சொன்ன எடப்பாடி பழனிசாமி திடீரென தேசிய ஜனநாயக கூட்டணிக்குள் அடியெடுத்து வைத்தது, அதிமுகவினரை கடும் அப்செட்டில் ஆழ்த்தியுள்ளது. விருந்து வைத்தும், கூட்டம் போட்டு பேசியும் அதிமுக மாவட்ட செயலாளர்கள், சீனியர் நிர்வாகிகள், மாஜி அமைச்சர்களை எடப்பாடி பழனிசாமி சமாதானப்படுத்தி வைத்தார்.
படாதபாடுபட்டு அதிமுகவை எடப்பாடி பழனிசாமி அமைதிப்படுத்திய நிலையில், பாஜக தலைவர் அமித் ஷா அடுத்த பூகம்பத்தை ஆரம்பித்துள்ளார். தமிழ்நாட்டில் கிட்டத்தட்ட 42 லட்சத்துக்கு மேற்பட்ட தெலுங்கு பேசக்கூடிய மக்களுடைய வாக்குகள் இருக்கு. அதை குறிவைத்து ஆந்திரா துணை முதலமைச்சர் பவன் கல்யாண் அவர தமிழ்நாட்டு அரசியலில் களமிறக்க பாஜக திட்டமிட்டுள்ளதாம்.
இதையும் படிங்க: ராஜ்யசபா சீட்டுக்கு அழுத்தம் தரும் தேமுதிக.. உட்கட்சி பூசலால் உடையும் பாமக.. யாரை தேர்ந்தெடுக்க போகிறார் இபிஎஸ்..!
அதற்கு முன்னோட்டமாக இங்க ஒரே நாடு ஒரே தேர்தல் ஓட்டி ஒரு கருத்தரங்கத்தையும் நடத்தி இருக்காங்க. ஜூன் 22 ஆம் தேதி மதுரையில் நடக்கவுள்ள முருகன் மாநாட்டிலும் அவரு பங்கேற்க இருக்காரு. அடுத்தடுத்து நிறைய பொதுக்கூட்டங்களை பங்கேற்பாரு அப்படிங்கிறாங்க.அதே நேரத்துல இதை முறியடிக்கிறதுக்காக திமுகவில்ல பார்த்தோம்னா கிட்டத்தட்ட ஒரு 4 தெலுங்கு மொழியை தாய்மொழியாக கொண்டிருக்கிற அமைச்சர்கள் இருக்காங்க.
அதுமட்டுமில்லாமல் சீனியர் அமைச்சரான எ.வ. வேலு அவருக்கும் கூடுதல் அசைன்மென்ட்டும் கொடுக்கப்பட்டிருக்கு. மொழி வழி சிறுபான்மையினருடைய வாக்குகளும் சிந்தாம சிதறாம திமுக பக்கம் வரணும். ஒருங்கிணைந்த எதிர்க்கட்சி பக்கம் அந்த வாக்குகள் போகாம பாத்துக்கணும். அப்படின்னு தலைமையிலிருந்து டாஸ்க் கொடுத்திருக்காங்க. அப்படின்னு அறிவாலய வட்டாரங்களில் செய்தி வெளியாகியிருக்கு.
ஆனால் இதில் அதிமுக தரப்பு தான் அப்செட்டில் இருக்கிறதாம். 42 லட்சம் வாக்குகளை தட்டித்தூக்க இப்படி பாஜக திட்டம் போடுகிறதே, அப்படியானால் நம்ப நிலைமை என்னவாகும் என்ற குழப்பம் தொண்டர்களிடையே வெடித்துள்ளதாக கூறப்படுகிறது.
இதையும் படிங்க: பொள்ளாட்சி வழக்கில் நியாயம் கிடைக்க ஆறரை ஆண்டு ஆனது... எடப்பாடியை வறுத்தெடுத்த கனிமொழி!!