வங்கதேசம் நடக்கும் அரசியலால் மீண்டும் கொந்தளிப்பு ஏற்பட்டுள்ளது. வங்கதேச முன்னாள் அதிபர் முகமது அப்துல் ஹமீத் நாட்டை விட்டு வெளியேறி உள்ளார். டாக்கா சர்வதேச விமான நிலையத்தில் இருந்து அதிகாலை 3 மணிக்கு தாய் ஏர்வேஸ் விமானத்தில் ஹமீத் மிகவும் ரகசியமாக ஏறி தாய்லாந்துக்குச் சென்றார். 

ஹமீத் நாட்டை விட்டு அவசரமாக வெளியேறி, லுங்கியுடன் விமானத்தில் ஏறினார். 81 வயதான அப்துல் ஹமீத் 2013 முதல் 2023 வரை பத்து ஆண்டுகள் வங்கதேச அதிபராக இருந்து வந்தார். ஷேக் ஹசீனாவின் அவாமி லீக் கட்சியைச் சேர்ந்தவர்.  பல வழக்குகளை எதிர்கொண்டு வந்தார். சமீபத்தில், அவாமி லீக்கிற்கும் தடை விதிக்கப்பட்டுள்ளது.

அப்துல் ஹமீத் நாட்டை விட்டு வெளியேறிய பிறகு, முகமது யூனுஸின் இடைக்கால அரசு பல விமான நிலைய அதிகாரிகளை இடைநீக்கம் செய்துள்ளது. இந்த விவகாரம் தொடர்பாக உயர்மட்ட விசாரணை தொடங்கப்பட்டுள்ளது. கடந்த ஆண்டு ஷேக் ஹசீனாவுக்கு எதிரான இயக்கத்தின் போது போராட்டக்காரர்கள் மீது எடுக்கப்பட்ட நடவடிக்கை, ஊழல் தொடர்பாக முன்னாள் ஜனாதிபதி ஹமீத் விசாரிக்கப்பட்டு வருகிறார். அவர் மீது பதிவு செய்யப்பட்ட வழக்குகளில் கொலை வழக்கும் உள்ளது.

இதையும் படிங்க: கருப்பையில் இறந்த குழந்தை..! பாவத்திற்கு பரிகாரம்... இந்து மதத்திற்கு மாறிய வங்கதேச இஸ்லாமிய பெண்..!

முகமது யூனுஸின் இடைக்கால அரசு கல்வி ஆலோசகர் சி.ஆர்.அப்ரார் தலைமையில் ஒரு உயர்மட்டக் குழுவை அமைத்துள்ளது. இந்த குழு முன்னாள் ஜனாதிபதி அப்துல் ஹமீத்தின் தாய்லாந்து வருகையை விசாரிக்கும். மறுபுறம், ஹமீத்தின் குடும்பத்தினர், அவர் தனது சகோதரர், மைத்துனருடன் சிகிச்சைக்காகச் சென்றுள்ளதாகக் கூறுகின்றனர். விசாரணையைத் தவிர்ப்பதற்காக ஹமீத் நாட்டை விட்டு ஓடிவிட்டதாக ஹமீத்தின் அரசியல் எதிரிகள் கூறுகின்றனர். டாக்காவில் உள்ள சில ஊடக இணையதளங்கள், ஹமீத் சக்கர நாற்காலியில் லுங்கி அணிந்து விமானத்தில் ஏறும் படங்களைப் பகிர்ந்துள்ளன

.

இந்த ஆண்டு ஜனவரியில் அப்துல் ஹமீத் ஒரு கொலை வழக்கில் குற்றம் சாட்டப்பட்டார். ஹசீனாவும் அவரது குடும்ப உறுப்பினர்களான ஷேக் ரெஹானா, சஜீப் வாஸெட் ஜாய், சைமா வாஸெட் புடுல் ஆகியோரும் ஹமீத்துடன் சேர்ந்து கொலை வழக்கில் இணை குற்றவாளிகளாக சேர்க்கப்பட்டுள்ளனர். கடந்த ஆண்டு பெரும் போராட்டங்களுக்குப் பிறகு வங்கதேசத்தில் அவாமி லீக் அரசு வீழ்ந்தது.

அப்போதைய பிரதமர் ஷேக் ஹசீனா நாட்டை விட்டு வெளியேற வேண்டியிருந்தது. போராட்டங்களின் போது ஏற்பட்ட மரணங்கள் தொடர்பாக அவாமி லீக்கின் பெரும்பாலான உயர்மட்டத் தலைவர்கள் தற்போது விசாரணையை எதிர்கொள்கின்றனர். ஷேக் ஹசீனா, அப்துல் ஹமீத் உட்பட டஜன் கணக்கான உயர்மட்ட அவாமி லீக் தலைவர்கள் வங்காளதேசத்தை விட்டு வெளியேறிவிட்டனர்.

இதையும் படிங்க: இந்தியாவை வைத்து பகடையாடும் பக்கத்து நாடுகள்... வங்கதேசத்தின் சீன- அமெரிக்க விசுவாசம்..!