திபெத்தில், இந்திய எல்லையான அருணாசல பிரதேசத்துக்கு அருகே, பிரம்மபுத்திரா நதியின் குறுக்கே சீனா உலகின் மிகப் பெரிய அணையை கட்ட ஆரம்பிச்சிருக்கு. இந்த அணையோட கட்டுமானப் பணிகள் ஜூலை 19, 2025 சனிக்கிழமை அடிக்கல் நாட்டு விழாவோட தொடங்கியிருக்கு. இந்த விழாவுல சீன பிரதமர் லி கியாங் கலந்துக்கிட்டு, பணிகளை தொடங்கி வச்சாரு. இந்த அணை இந்தியாவுக்கும், வங்கதேசத்துக்கும் பெரிய கவலையை உருவாக்கியிருக்கு.

இந்த அணை, திபெத்துல நியிங்சி (Nyingchi) நகரத்துக்கு அருகே, மைன்லிங் நீர் மின் நிலையத்தில், பிரம்மபுத்திரா நதி (சீனாவுல ‘யார்லுங் சாங்போ’னு சொல்றாங்க) ஒரு பெரிய பள்ளத்தாக்குல U வடிவ திருப்பம் எடுக்குற இடத்துல கட்டப்படுது. இந்த அணை, 1.2 டிரில்லியன் யுவான் (சுமார் 167.8 பில்லியன் டாலர்) செலவுல, 5 கேஸ்கேட் நீர் மின் நிலையங்களோட கட்டப்படுது. 

இதனால ஆண்டுக்கு 300 பில்லியன் கிலோவாட் மின்சாரம் தயாரிக்க முடியும், இது 30 கோடி மக்களோட மின்சார தேவையை பூர்த்தி செய்யும். இப்போ உலகின் மிகப் பெரிய அணையான சீனாவோட ‘த்ரீ கார்ஜஸ்’ அணையை விட இது மூணு மடங்கு பெருசு. இந்த திட்டம், சீனாவோட 14வது ஐந்தாண்டு திட்டத்துல (2021-2025) அங்கீகரிக்கப்பட்டது, கடந்த டிசம்பர்ல இறுதி ஒப்புதல் கிடைச்சுது.

இதையும் படிங்க: இது பிரமோஸ் மேஜிக்.. பாகிஸ்தனை பந்தாடிய இந்தியா.. உலக அளவில் அதிகரிக்கும் டிமாண்ட்..

இந்த அணை, இந்தியாவுக்கு பல ஆபத்துகளை உருவாக்குது. முதல்ல, இந்த அணை சீனாவுக்கு பிரம்மபுத்திரா நதியோட நீர் ஓட்டத்தை கட்டுப்படுத்துற சக்தியை கொடுக்குது. மோதல் காலங்கள்ல, சீனா திடீர்னு பெரிய அளவு நீரை திறந்து விடலாம், இது அருணாசல பிரதேசம், அசாம் மற்றும் வங்கதேசத்துல வெள்ளப் பெருக்கை உருவாக்கலாம். இது “வாட்டர் பாம்”னு அருணாசல முதல்வர் பெமா காண்டு சொல்லியிருக்கார். 

இரண்டாவதா, நீர் ஓட்டம் குறைஞ்சா, இந்தியாவோட வடகிழக்கு மாநிலங்கள்ல விவசாயம், மீன்பிடித்தொழில், குடிநீர் தேவை எல்லாம் பாதிக்கப்படும். மூணாவதா, இந்த அணை அருணாசல பிரதேசத்துக்கு அருகே, சீனா “தெற்கு திபெத்”னு உரிமை கோருற இடத்துல கட்டப்படுது, இது இரு நாடுகளுக்கும் இடையிலான எல்லைப் பிரச்சனையை மேலும் சிக்கலாக்குது. 2017-ல டோக்லாம் மோதலின்போது, சீனா நீர் ஓட்ட தரவுகளை பகிர்ந்துக்காம நிறுத்துனது, இந்தியாவுக்கு பெரிய பின்னடைவா இருந்துச்சு.

இந்தியா இந்த திட்டத்துக்கு கடுமையா எதிர்ப்பு தெரிவிச்சிருக்கு. வெளியுறவு அமைச்சக செய்தித் தொடர்பாளர் ரந்தீர் ஜெய்ஸ்வால், “பிரம்மபுத்திரா நதியோட கீழ்நிலை மாநிலங்களோட நலன்களை பாதுகாக்க சீனாவை வற்புறுத்தியிருக்கோம்”னு சொல்லியிருக்கார்.

இந்தியா, “நாங்க எங்களோட உரிமைகளை பாதுகாப்போம்”னு தெளிவா சொல்லியிருக்கு. 2006-ல இந்தியாவும் சீனாவும் உருவாக்கின “எக்ஸ்பர்ட் லெவல் மெகானிசம்” (ELM) மூலமா, வெள்ள காலத்துல பிரம்மபுத்திரா, சட்லெஜ் நதிகளோட நீர் தரவுகளை சீனா இந்தியாவுக்கு கொடுக்குது. ஆனா, இந்த அணையோட முழு விவரங்களை பகிர்ந்துக்க சீனா இன்னும் முழுமையா ஒத்துழைக்கல. 

கடந்த டிசம்பர் 18, 2024-ல இந்திய தேசிய பாதுகாப்பு ஆலோசகர் அஜித் தோவலும், சீன வெளியுறவு அமைச்சர் வாங் யியும் இதைப் பத்தி பேசியிருக்காங்க. இந்தியா, அருணாசல பிரதேசத்துல சியாங் நதியில (பிரம்மபுத்திராவோட ஒரு பகுதி) 11,000 மெகாவாட் திறன் கொண்ட ‘சியாங் அப்பர் மல்டிபர்ப்பஸ் ப்ராஜெக்ட்’ (SUMP) கட்டி, சீனாவோட அணைக்கு பதிலடியா தயாராகுது. ஆனா, இந்த திட்டத்துக்கு அருணாசல பழங்குடி மக்கள் எதிர்ப்பு தெரிவிச்சு, ஆர்ப்பாட்டம் பண்ணுறாங்க.

இந்த அணை, பூகம்பம் அதிகம் ஏற்படுற டெக்டோனிக் பிளேட் எல்லையில கட்டப்படுது, இது பெரிய பொறியியல் சவால்களை உருவாக்குது. திபெத்து பீடபூமி, “உலகின் கூரை”னு சொல்லப்படுற இடமா, அடிக்கடி பூகம்பம் வருது. சீனா, “விரிவான புவியியல் ஆய்வுகள் மற்றும் தொழில்நுட்ப முன்னேற்றங்கள் மூலமா இது பாதுகாப்பான திட்டம்ங்குறாங்க”. ஆனா, இந்தியாவும், வங்கதேசமும் இதனால ஏற்படுற சுற்றுச்சூழல் பாதிப்புகள், விவசாய இழப்பு, மீன்பிடித்தொழில் பாதிப்பு, வெள்ள அபாயம் மாதிரி விஷயங்களை பத்தி கவலைப்படுறாங்க.

இந்த அணை, சீனாவுக்கு மின்சாரம் மட்டுமில்ல, இந்தியா, வங்கதேசத்துக்கு மேல ஒரு முக்கியமான புவி-அரசியல் ஆயுதமா மாறப் போகுது. இந்தியா இதுக்கு எப்படி பதிலடி கொடுக்குது, எப்படி பேச்சுவார்த்தை நடத்துதுன்னு பார்க்க வேண்டியிருக்கு.

இதையும் படிங்க: அடிமடியில் கை வைத்த அமெரிக்கா.. காசு வராதே! கவலையில் பாக்., அறிவித்த உலக மகா உருட்டு!!