ராஜஸ்தானின் ஜெய்சால்மரில் உள்ள சந்தன் பீல்ட் துப்பாக்கிச் சூடு பயிற்சி மையத்துக்கு அருகே, மத்திய பாதுகாப்பு மேம்பாடு மற்றும் ஆராய்ச்சி மையத்தோட (DRDO) விருந்தினர் மாளிகை இருக்கு. இந்த விருந்தினர் மாளிகையோட மேலாளரா, உத்தரகாண்ட் மாநிலம் பால்யூனைச் சேர்ந்த 32 வயசு மகேந்திர பிரசாத் தற்காலிக அடிப்படையில் வேலை பார்த்துட்டு இருந்தார்.

ஆனா, இப்போ இவரு பாகிஸ்தானின் உளவு அமைப்பான ஐஎஸ்ஐ-க்கு உளவு பார்த்ததா சந்தேகம் எழுந்து, கைது செய்யப்பட்டிருக்கார். இந்த சம்பவம் இந்திய பாதுகாப்பு துறையில் பெரிய அதிர்ச்சியை ஏற்படுத்தியிருக்கு.

மகேந்திர பிரசாத், 2018-லிருந்து இந்த விருந்தினர் மாளிகையில் மேலாளரா வேலை பார்த்துட்டு இருந்தார். இந்த இடம், பொக்ரான் துப்பாக்கிச் சூடு மையத்துக்கு அருகே இருக்குற முக்கியமான இடம். இங்கே DRDO விஞ்ஞானிகளும், மூத்த ராணுவ அதிகாரிகளும் ஏவுகணை, ஆயுத சோதனைகளுக்காக அடிக்கடி தங்குவாங்க.

இதையும் படிங்க: இந்தியாவை சும்மா விடமாட்டோம்!! தாக்கி அழிப்போம்!! கொக்கரிக்கும் பாக்., ராணுவ தளபதி!!

இந்த சூழல்ல, மகேந்திர பிரசாத் இந்த முக்கியமான நபர்களோட நடமாட்டம், சோதனைகளோட விவரங்கள் உள்ளிட்ட ரகசிய தகவல்களை சமூக ஊடகங்கள் மூலமா பாகிஸ்தானுக்கு அனுப்பியதா உளவுத்துறைக்கு தகவல் கிடைச்சது.

இதையடுத்து, ராஜஸ்தான் உளவுத்துறையும், மத்திய புலனாய்வு அமைப்புகளும் மகேந்திரவோட நடவடிக்கைகளை ரகசியமா கண்காணிக்க ஆரம்பிச்சாங்க. இந்த கண்காணிப்பில், இவர் ஐஎஸ்ஐ உளவு அமைப்புக்கு ஏவுகணை சோதனைகள், விருந்தினர் மாளிகைக்கு வர்றவங்க பற்றிய தகவல்கள், ராணுவ நடவடிக்கைகள் ஆகியவற்றை PDF கோப்புகளா அனுப்பியது உறுதியாச்சு.

இவரோட செல்போனை கைப்பற்றி, தொழில்நுட்ப ஆய்வு செய்ததுல, பாகிஸ்தானுக்கு அனுப்பப்பட்ட முக்கிய தகவல்களும், அங்கிருந்து வந்த சந்தேகத்துக்கிடமான தொடர்புகளும் கண்டுபிடிக்கப்பட்டது.

ஆரம்ப விசாரணையில், மகேந்திர பிரசாத் 2020-ல் பாகிஸ்தானில் இருந்து ஒரு சந்தேகத்துக்கிடமான அழைப்பு வந்ததா ஒப்புக்கொண்டிருக்கார். அந்த அழைப்புல, விருந்தினர் மாளிகையில் தங்குறவங்க பற்றிய விவரங்களை அனுப்பச் சொன்னாங்கன்னு சொல்லியிருக்கார்.

ஆனா, இது ஒரு தடவை மட்டுமே நடந்ததுன்னு மகேந்திர மறுத்தாலும், உளவுத்துறை இவரோட தொடர்பு நீண்ட காலமா இருந்ததா சந்தேகிக்குது. இவரோட செல்போனை பரிசோதிச்சதுல, பாகிஸ்தானுக்கு அனுப்பப்பட்ட சாட்கள், புகைப்படங்கள் ஆகியவை உளவு நடவடிக்கைகளை உறுதி செய்திருக்கு.

ஜெய்பூர் மத்திய புலனாய்வு மையத்துக்கு இவரை கொண்டு போய், மத்திய உளவுத்துறை, ராணுவ உளவுத்துறை, BSF அதிகாரிகள் உள்ளிட்ட கூட்டு விசாரணைக் குழு (JIC) தீவிர விசாரணை நடத்துது. இதுல, மகேந்திர தனியா செயல்பட்டாரா, இல்லை பெரிய உளவு கும்பலோட பகுதியா இருந்தாரான்னு ஆராய்ஞ்சுட்டு இருக்காங்க.

ஜெய்பூர் சிஐடி இன்ஸ்பெக்டர் விஷ்ணுகாந்த், “மகேந்திர பிரசாத் பாகிஸ்தானுக்கு உளவு பார்த்தது உறுதியாகியிருக்கு. இவரை கைது செஞ்சு, நீதிமன்றத்துல ஆஜர்படுத்தி முழு விசாரணை நடத்துவோம்”னு தெரிவிச்சிருக்கார்.

ஜெய்சால்மர், பாகிஸ்தான் எல்லையோட 1,070 கிமீ தொலைவு கொண்ட முக்கியமான மூலோபாய பகுதி. இங்கே பொக்ரான் துப்பாக்கிச் சூடு மையத்துல முக்கியமான ஆயுத, ஏவுகணை சோதனைகள் நடக்குது. இந்த இடத்துக்கு வர்ற DRDO விஞ்ஞானிகள், ராணுவ அதிகாரிகளோட விவரங்கள் கசியறது, இந்தியாவோட தேசிய பாதுகாப்புக்கு பெரிய அச்சுறுத்தல்.

இந்த ஆண்டு மார்ச் முதல், ராஜஸ்தானில் இது உட்பட 5 உளவு வழக்குகள் பதிவாகியிருக்கு, இது பாகிஸ்தானின் ஐஎஸ்ஐ-யோட தொடர்ச்சியான முயற்சிகளை காட்டுது.

இதையும் படிங்க: காசாவில் இனப்படுகொலை!! இந்தியா வேடிக்கை பார்ப்பதாக பிரியங்கா ஆவேசம்!! இஸ்ரேல் தூதர் பதில்!