சென்னை: தமிழக சட்டசபைத் தேர்தல் ஏப்ரல் 23-ம் தேதி நடைபெற உள்ள நிலையில், தமிழக வெற்றிக் கழகம் (தவெக) தலைவர் விஜய் நாளை (மார்ச் 28) பெரம்பூர் தொகுதியில் பிரசாரம் செய்ய உள்ளார். இதற்கான ஏற்பாடுகள் தீவிரமாக நடைபெற்று வரும் வேளையில், தேர்தல் அதிகாரிகள் விஜய்க்கு கடுமையான அறிவுறுத்தல் ஒன்றை வழங்கியுள்ளதாக தகவல் வெளியாகியுள்ளது.
தவெக தனித்து 234 தொகுதிகளிலும் போட்டியிடும் நிலையில், பெரம்பூர் தொகுதியில் விஜய் காலை 11 மணிக்கு எம்.கே.பி. நகரில் பிரசாரத்தைத் தொடங்கி, தொகுதிக்கு உட்பட்ட 5 இடங்களில் பிரசாரம் மேற்கொள்ள உள்ளார். இதற்காக விரிவான பயணத் திட்டம் தயாரிக்கப்பட்டுள்ளது. போக்குவரத்து நெரிசல் ஏற்படாமல் பிரசாரம் நடைபெற தேர்தல் ஆணையத்திடம் அனுமதி கோரப்பட்டுள்ளது. போலீஸ் தரப்பிலும் அனுமதி பெறப்பட்டுள்ளது.
இந்நிலையில், தவெக மாவட்ட செயலாளருடன் தேர்தல் அதிகாரி, காவல்துறை இணை ஆணையர், துணை ஆணையர் உள்ளிட்டோர் நேற்று ஆலோசனை நடத்தினர். இந்த ஆலோசனையின்போது, “விஜய் குறிப்பிட்ட நேரத்துக்கு களத்துக்கு வர வேண்டும். தாமதம் ஏற்படக்கூடாது” என்று தேர்தல் அதிகாரிகள் மாவட்ட செயலாளர்களுக்கு கடுமையாக அறிவுறுத்தியுள்ளனர்.
இதையும் படிங்க: எ.வ.வேலுக்கு எதிராக திரும்பிய வன்னியர்கள்! விவசாயிகளும் கோவம்!! திண்டாட்டத்தில் திருவண்ணாமலை தொகுதி!
தேர்தல் நடத்தை விதிகள் அமலில் உள்ளதால், பிரசார நிகழ்ச்சிகள் குறித்த நேரத்தில் தொடங்கி முடிக்கப்பட வேண்டும் என்பதில் தேர்தல் ஆணையம் உறுதியாக உள்ளது. விஜயின் பிரசாரத்தால் பெரம்பூர் பகுதியில் போக்குவரத்து நெரிசல் ஏற்படக்கூடும் என்பதால், போலீஸ் தரப்பும் முழு பாதுகாப்பு ஏற்பாடுகளை செய்துள்ளது.
தவெக தரப்பில், “பிரசாரம் சீராக நடைபெற அனைத்து ஏற்பாடுகளும் செய்யப்பட்டுள்ளன. விஜய் குறித்த நேரத்தில் பிரசாரத்தைத் தொடங்குவார்” என்று தெரிவிக்கப்பட்டுள்ளது.
வரும் 30-ம் தேதி வேட்புமனு தாக்கல் தொடங்க உள்ள நிலையில், தவெக தலைவர் விஜயின் முதல் பிரசார நிகழ்ச்சி பெரும் எதிர்பார்ப்பை ஏற்படுத்தியுள்ளது. தேர்தல் அதிகாரிகளின் அறிவுறுத்தல், விஜயின் பிரசாரப் பயணத்துக்கு சில கட்டுப்பாடுகளை விதித்துள்ளது. பெரம்பூர் தொகுதியில் விஜயின் பிரசாரம் எப்படி அமையும், மக்கள் எந்த அளவுக்கு ஆதரவு அளிப்பார்கள் என்பது அரசியல் வட்டாரத்தில் பெரும் கவனத்தை ஈர்த்துள்ளது.
இதையும் படிங்க: செந்தில்பாலாஜி Vs வேலுமணி!! கோவையில் மாஸ் காட்டப்போவது யார்? 10 தொதிகள் யார் வசம்?!