ஜம்மு காஷ்மீரின் பஹல்காமில் நடந்த பயங்கரவாத தாக்குதலுக்குப் பிறகு, பாகிஸ்தானின் பயங்கரவாதிகள் மத்தியில் பரபரப்பு ஏற்பட்டுள்ளது. பாகிஸ்தானின் பயங்கரவாதிகள் அனைவரும் இந்தியாவுக்கு பயந்து தலைமறைவாக உள்ளனர். லஷ்கர்-இ-தொய்பாவின் தலைவன் ஹபீஸ் சயீத்தின் பெயரும் இந்தப் பட்டியலில் சேர்க்கப்பட்டுள்ளது. பயங்கரவாதி ஹபீஸ் சயீத் பஞ்சாப் மாகாணத்தில் பதுங்கியிருப்பதாகக் கூறப்படுகிறது.
இதற்கிடையில், சயீத்தின் மகன் தல்ஹா தனது தந்தையைப் பற்றிய அதிர்ச்சி தகவலை வெளியிட்டுள்ளார். லாகூரில் நடந்த ஒரு நிகழ்ச்சியில் பேசிய தல்ஹா, ''எனது தந்தை இந்தியாவின் கண்காணிப்பில் இருக்கிறார். இந்திய அரசு அவருக்கு எதிராக ஒவ்வொரு நாளும் தேடுதலை தொடங்கி வருகிறது. ஆனால் அவருக்கு எதுவும் நடக்காது. ஹபீஸ் சயீத் இப்போது பாதுகாப்பாக இருக்கிறார். அவருக்கு யாரும் தீங்கு செய்ய முடியாது'' எனத் தெரிவித்துள்ளார்.
லாகூரில் நடந்த ஒரு பேரணியில் பேசிய தல்ஹா, ''என் தந்தை இந்தியாவில் குறிவைக்கப்படுகிறார். அவர் ஒரு பயங்கரவாதி என்று அழைக்கப்படுகிறார். அவர் மீது பொய்யான வழக்குகள் பதிவு செய்யப்பட்டுள்ளன. ஆனால் அவர் மீது எந்த நடவடிக்கையும் எடுக்கப்படவில்லை. தற்போது நடந்த தாக்குதல்களில் எனது தந்தையின் பெயர் வேண்டுமென்றே இழுக்கப்படுகிறது.
இதையும் படிங்க: இந்தியா-இஸ்ரேலுக்கு குறி..! லஷ்கர்-இ-தொய்பா தலைவன் மிரட்டல்..! ஆப்பு வைத்து கொள்ளும் பாக்.,!
எனது தந்தைக்கும், இதற்கும் எந்த தொடர்பும் இல்லை. இந்திய அரசு தவறாக சித்தரித்து அவரை அவதூறு செய்கிறது. அது நாடகம் ஆடுகிறது. எனது தந்தை நிரபராதி. எனது தந்தைக்கு எதிரான அனைத்து வழக்குகளும் பொய்யானவை. அவர் தனது வேலையை பொறுப்புடன் செய்கிறார்.
பேரணியில் கலந்து கொண்ட மக்களைத் தூண்டிவிட்டு, நாங்கள் போரை விரும்பவில்லை. ஆனால் போர் தொடங்கினால், நாங்கள் பின்வாங்க மாட்டோம். வாள்களால் சொர்க்கம் உள்ளது. வாள்களால் மட்டுமே சொர்க்கம் அடையப்படும்'' என்று தல்ஹா கூறினார். தல்ஹா தனது தந்தை ஹபீஸ் சயீத்துக்கு ஆதரவாக வெளிப்படையாகக் குரல் கொடுப்பது இது முதல் முறை அல்ல. சமீபத்தில், லஷ்கர்-இ-தொய்பாவின் நிதித் துறையின் தலைமைப் பொறுப்பு தல்ஹாவுக்கு வழங்கப்பட்டது.
ஹபீஸ் சயீத் தனது பதவியை தல்ஹாவிடம் ஒப்படைக்கத் தயாராகி வருகிறார். தல்ஹா இரவில் தனது பேரணியை ஏற்பாடு செய்கிறார். அங்கு அவர் பாகிஸ்தான் மக்களை இந்தியாவுக்கு எதிராகத் தூண்டுகிறார்.
இதையும் படிங்க: பின்லேடன் நிலைமையாகி விடக்கூடாது... இந்தியாவால் பதற்றம்... தீவிரவாதியை சுற்றி நிற்கும் பாக்., ராணுவம்..!