''இரும்பு கரம் கொண்டு அடக்குவோம் என்று முருக பக்தர்களை மிரட்டினால் நாங்கள் சும்மா இருக்க மாட்டோம். அமைச்சர் ரகுபதி வார்த்தையை சரியாக பயன்படுத்த வேண்டும்'' என தமிழக பாஜக தலைவர் அண்ணாமலை எச்சரிக்கி விடுத்துள்ளார்.

 செய்தியாளர்களை சந்தித்துப்பேசிய அண்ணாமலை, ''அமைச்சர் ரகுபதி அவர்கள் வார்த்தைகளை சரியாக பயன்படுத்த வேண்டும். இன்னைக்கு அமைச்சராகவோ, எம்எல்ஏ இருக்கலாம். எத்தனை நாளைக்கு இருப்பீர்கள். நாளை காலை அமைச்சராக இருந்து விடுவீர்களா? ஆகவே, எம்எல்ஏவாகவோ, அமைச்சராகவோ இருப்பதால் அப்படி பேசக்கூடாது. உங்களை எப்படி அடக்க வேண்டும் என்று எங்களுக்கும் தெரியும். நாங்களும் அதை செய்து காட்டுவோம். மக்கள் பிரதிநிதிகளாக இருக்கின்ற ஒரே காரணத்திற்காக தான் நாங்கள் மரியாதை கொடுக்கிறோம். பேசுகின்ற வார்த்தைகள் சரியாக இருக்க வேண்டும்.

இரும்பு கரம் கொண்டு அடக்குவதாக சொல்கிறீர்கள். முருக பக்தர்கள் என்ன தவறு செய்தார்கள்? கஞ்சா வித்தவர்களா? இவர்களெல்லாம் பெண்கள் மீது கை வைத்தார்களா ? முருக பக்தர்களை எப்படி இரும்பு கரம் கொண்டு அடக்குவீர்கள். அவர்கள் என தவறானவர்களா? தமிழகத்தை பற்றி லோக்சபாவில் ஒரு கேள்விக்கு பதில் சொல்லி இருக்கிறார்கள். எந்த அளவுக்கு தமிழகத்தில் கஞ்சா பழக்கம் அதிகமாக இருக்கிறது? அதை நான் படிக்கிறேன். அதில் கவனம் கொடுங்கள். 2021 இல் தமிழ்நாட்டில் என்டிபிஎஸ் 9432 பேர் மீது வழக்கு பதிவு செய்து இருக்கிறார்கள். இதே 2022 ல் திமுக ஆட்சியின் போது 588, பேர் மீதும், 2023-ல் 423, பேர் மீதும், 2024ல் 113 மீதும் கஞ்சா வழக்கு பதிவு செய்யப்பட்டுள்ளது. 

இதையும் படிங்க: மாணவியை நாசமாக்கிய பள்ளி ஆசிரியர்கள்... திமுக அரசை வெளுத்து வாங்கிய அண்ணாமலை!

வெட்கமாக இல்லையா? திமுக ஆட்சியில் மூன்று ஆண்டுகளாக தொடர்ந்து மொத்தமாக பதியப்பட்ட வழக்கு 1422, இன்றைக்கு கஞ்சாவின் தலை நகரமாக தமிழகம் இருக்கிறது என்பதிலேயே தெரிகிறது. இதுதான் உங்கள் லட்சனமா? கஞ்சாவை கட்டுப்படுத்துவதற்கு போலீஸ்காரர்களை பயன்படுத்த வேண்டுமா? அல்லது நியாயமாக போராடும் 350 பாஜகவினர் வீட்டிற்கு முன் நான் கைது செய்வேன் எனப்போய் மிரட்டுவதா? இதில் வீர வசனம் வேறு. அமைச்சர் சேகர்பாபு, ரகுபதி போன்றவர்கள் வெட்கமே இல்லாமல் வீர வசனம் பேசிக் கொண்டிருக்கிறார்கள். இரும்பு கரம் கொண்டு அடக்குவேன் என்று சொல்கிறார்கள்.

 எங்களுக்கும் தெரியும் உங்களை எப்படி அடக்க வேண்டும் என்பது. பொறுத்துக் கொண்டிருக்கிறோம். தார்மீக ரீதியாக கோர்ட்டில் அனுமதி கொடுத்து அதன்படி இந்த போராட்டம் நடந்து கொண்டிருக்கிறது. ஆனால் மறுபடியும் இரும்புக்கரம் என்று வார்த்தைகளை பயன்படுத்தி மிரட்டுவீர்கள் என்றால் ரகுபதி இருக்கிற இடம் அவருக்கே தெரியாது. மிரட்டுகிற உருட்டுகிற வேலையெல்லாம் திமுக கரை கட்டி திரிபவர்களிடமும்,  இன்பநிதிக்கு போஸ்டர் அடிப்பவரிடமும் வைத்துக் கொள்ளுங்கள். அற வழியில் போராடியவர்கள் முருக பக்தர்கள். அத்தனை பேர் இருந்தார்கள் பஸ்ஸை உடைத்தார்களா? அமைதியான முறையில் இருந்து அமைதியாக பேசிச் சென்று இருக்கிறார்கள். இன்று தமிழகத்தில் பிரச்சனைகளை உருவாக்குவது யார்? திமுககாரர்கள்'' என எச்சரித்துள்ளார் அண்ணாமலை. 

இதையும் படிங்க: 'பேரனுக்கெல்லாம் பேனர் வைக்க முடியாது..!' திமுகவுக்கு அதிர்ச்சி கொடுத்து விலகிய நிர்வாகி..!