மகாராஷ்டிரா மாநிலம் மும்பையில் இருந்து இன்று காலை 6.30 மணிக்கு லண்டன் செல்ல திட்டமிடப்பட்ட ஏர் இந்தியா விமானம், தொழில்நுட்பக் கோளாறு காரணமாக ஆறு மணி நேரத்திற்கும் மேல் தாமதமடைந்தது. இதனால் 200க்கும் மேற்பட்ட பயணிகள் விமான நிலையத்தில் நீண்ட நேரம் காத்திருக்க வேண்டிய நிலை ஏற்பட்டது. விமானத்தின் கோளாறை சரிசெய்யும் பணியில் தொழில்நுட்ப நிபுணர்கள் ஈடுபட்டுள்ளனர். விமானம் மதியம் 1 மணிக்கு புறப்படும் என ஏர் இந்தியா அறிவித்துள்ளது.

மும்பை சத்ரபதி சிவாஜி மகாராஜ் சர்வதேச விமான நிலையத்தில் இருந்து லண்டன் ஹீத்ரோ விமான நிலையத்திற்கு செல்ல இருந்த ஏர் இந்தியா விமானம் (AI-129) காலை 6.30 மணிக்கு புறப்பட தயாராக இருந்தது. கடைசி நேரத்தில் விமானத்தில் தொழில்நுட்பக் கோளாறு கண்டறியப்பட்டது. இதனால் விமானம் தரையில் நிறுத்தப்பட்டது. 

தொழில்நுட்ப நிபுணர்கள் கோளாறை சரிசெய்யும் பணியில் ஈடுபட்டனர். இதனால் விமானம் மதியம் 1 மணிக்கு மேல் புறப்படும் என அறிவிக்கப்பட்டது. இந்த தாமதத்தால் 200க்கும் மேற்பட்ட பயணிகள் கடும் சிரமத்தை எதிர்கொண்டனர். பலர் லண்டனில் இணைப்பு விமானங்கள் மற்றும் வேலை, குடும்ப நிகழ்ச்சிகளைத் தவறவிட்டனர்.

இதையும் படிங்க: நடுவானில் விமானத்தில் ஏற்பட்ட கோளாறு!! பயணிகள் திக் திக்! மும்பையில் பரபரப்பு!

ஏர் இந்தியா விமான நிறுவனம் வெளியிட்ட அறிக்கையில், “மும்பையிலிருந்து லண்டனுக்கு காலை 6.30 மணிக்கு புறப்படவிருந்த விமானம் தொழில்நுட்ப சிக்கல்கள் காரணமாக தாமதமடைந்துள்ளது. தொழில்நுட்பக் கோளாறை சரிசெய்யும் பணி நடைபெற்று வருகிறது. விமானம் மதியம் 1 மணிக்கு புறப்படும். பயணிகளுக்கு சிற்றுண்டி மற்றும் பானங்கள் வழங்கப்பட்டுள்ளன. ஏற்பட்ட சிரமத்திற்கு மன்னிப்பு கோருகிறோம்” எனத் தெரிவிக்கப்பட்டுள்ளது.

பயணிகள் சமூக வலைதளங்களில் தங்கள் அதிருப்தியைப் பதிவு செய்தனர். “காலை 5 மணிக்கு விமான நிலையம் வந்தோம். இப்போது மதியம் 1 மணி. குழந்தைகள், முதியவர்கள் உடன் இருக்கிறார்கள். உணவு, தண்ணீர் மட்டும் போதாது” என ஒரு பயணி பதிவிட்டார். மற்றொரு பயணி, “லண்டனில் முக்கியமான மீட்டிங் இருக்கிறது. இணைப்பு விமானம் தவறிவிட்டது” எனக் குற்றம்சாட்டினார்.

சமீபகாலமாக ஏர் இந்தியா விமானங்களில் அடிக்கடி தொழில்நுட்பக் கோளாறுகள் ஏற்பட்டு வருவது பயணிகள் மத்தியில் அதிருப்தியை ஏற்படுத்தியுள்ளது. கடந்த மாதம் டெல்லி-லண்டன் விமானமும், சென்னை-மும்பை விமானமும் இதே போன்ற கோளாறுகளால் தாமதமடைந்தன. விமான நிறுவனம், “பழைய விமானங்களை மேம்படுத்தும் பணி நடக்கிறது. பயணிகள் பாதுகாப்பே எங்கள் முன்னுரிமை” எனக் கூறியுள்ளது. இருப்பினும், இந்தத் தொடர் சம்பவங்கள் ஏர் இந்தியாவின் நம்பகத்தன்மையை கேள்விக்குள்ளாக்கியுள்ளன.

இதையும் படிங்க: அமெரிக்க கவர்னர் தேர்தலில் விவேக் ராமசாமி!! அதிபர் ட்ரம்ப் அறிவிப்பால் இந்தியர்கள் மகிழ்ச்சி!