ஜம்மு காஷ்மீர் முதலமைச்சர் உமர் அப்துல்லா, காஷ்மீர் தியாகிகள் தினத்தை முன்னிட்டு ஸ்ரீநகரில் உள்ள தியாகிகள் நினைவிடத்தில் மரியாதை செலுத்துவதற்காகச் சென்றபோது, அவரை ஜம்மு காஷ்மீர் காவல்துறையினர் வலுக்கட்டாயமாகத் தடுத்து நிறுத்தினர். இதனை எதிர்த்து, உமர் அப்துல்லா தடுப்புச் சுவர் மீது ஏறி, அதனைக் குதித்து தாண்டி, நினைவிடத்திற்குச் சென்று தியாகிகளுக்கு மரியாதை செலுத்தினார். உமர் அப்துல்லா தடுத்து நிறுத்தப்பட்டதற்கு மேற்குவங்க முதலமைச்சர் மம்தா பானர்ஜி கடும் கண்டனம் தெரிவித்துள்ளார்.

ஜம்மு காஷ்மீரில் ஒவ்வொரு ஆண்டும் தியாகிகள் தினம் அனுசரிக்கப்படுகிறது. இந்த நாள், 1931 ஆம் ஆண்டு ஜூலை 13 அன்று ஸ்ரீநகரில் உள்ள மத்திய சிறையில், அப்போதைய மகாராஜா ஹரி சிங்கின் ஆட்சிக்கு எதிராகப் போராடிய 21 காஷ்மீர் தியாகிகளின் நினைவாக அனுசரிக்கப்படுகிறது. இந்த நாளில், மாநில மக்கள், குறிப்பாக அரசியல் தலைவர்கள், ஸ்ரீநகரில் உள்ள தியாகிகள் நினைவிடத்தில் மலர் வளையம் வைத்து மரியாதை செலுத்துவது வழக்கம்.

அந்த வகையில், தியாகிகள் தினத்தை ஒட்டி ஜம்மு காஷ்மீர் முதலமைச்சர் குமார் அப்துல்லா இந்த நினைவிடத்திற்கு மரியாதை செலுத்துவதற்காகச் சென்றார். ஆனால், காவல்துறையினர், பாதுகாப்பு காரணங்களைக் கூறி, அவரை நினைவிடத்திற்குள் செல்ல அனுமதிக்கவில்லை. இதனை ஒரு அரசியல் நடவடிக்கையாகக் கருதிய உமர் அப்துல்லா, தடுப்புச் சுவரைத் தாண்டி, தியாகிகளுக்கு மரியாதை செலுத்துவதற்கு உறுதியுடன் செயல்பட்டார். இந்த நிகழ்வு, ஒரு தைரியமான செயலாகப் பார்க்கப்பட்டது, மேலும் இது அவரது மக்கள் நலனுக்காகவும், காஷ்மீர் மக்களின் உணர்வுகளுக்காகவும் உள்ள அர்ப்பணிப்பை வெளிப்படுத்தியது.

இருப்பினும் தியாகிகளின் கல்லறைக்கு செல்வதில் என்ன தவறு இருக்கிறது என்று மேற்குவங்க முதலமைச்சர் மம்தா பானர்ஜி கேள்வி எழுப்பினார். இது ஒரு துரதிஷ்டவசமான சம்பவம் மட்டுமல்லாது ஒரு குடிமகனின் ஜனநாயக உரிமையை பறிக்கிறது என்றும் மக்களால் தேர்ந்தெடுக்கப்பட்ட முதலமைச்சர் உமா அப்துல்லாவுக்கு நடந்த சம்பவம் ஏற்றுக்கொள்ள முடியாதது என்று தெரிவித்தார். இந்த நிகழ்வு தனக்கு அதிர்ச்சி அளிப்பதாகவும் வெட்கக்கேடான விஷயம் என்றும் கூறினார்.

இதையும் படிங்க: உச்சநீதிமன்ற தலைமை நீதிபதி பி.ஆர். கவாய் மருத்துவமனையில் அனுமதி..!

இதையும் படிங்க: விட்ரா வண்டிய Earth-க்கு!! டிராகன் விண்கலத்தில் பூமியை நோக்கி புறப்பட்டார் சுபான்ஷு சுக்லா!