2022-ல உக்ரைன் மேல ரஷ்யா தொடங்கின போர் இன்னும் முடியாம தொடருது. இந்தப் போரை நிறுத்த பலவிதமா முயற்சி நடந்துட்டு இருக்கும்போது, ரஷ்ய அதிபர் விளாடிமிர் புடின் நேத்து பத்திரிக்கையாளர்களை பார்த்து ஒரு முக்கியமான அறிவிப்பு சொல்லியிருக்காரு. “எல்லாரும் ஒரு புரிதலுக்கு வந்தா, இந்தப் போரை முடிக்க ஒரு நல்ல தீர்வு கிடைக்கும். ரஷ்யாவுக்கு பேச்சுவார்த்தை மூலமா இத தீர்க்கணும்னுதான் ஆசை. 

ஆனா, அது முடியலைனா, ஆயுதத்தை எடுத்து இந்தப் பிரச்சினையை முடிப்போம்,”னு கடுமையா எச்சரிச்சிருக்காரு. உக்ரைன் அதிபர் வோலோடிமிர் ஜெலன்ஸ்கியோட பேச்சு நடத்த தயாரா இருக்கோம்னு சொன்னாலும், “ஜெலன்ஸ்கி மாஸ்கோவுக்கு வந்தாதான் பேசுவோம்”னு ஒரு கண்டிஷன் வேற போட்டிருக்காரு.

புடின் இப்படி அமைதி பேச்சு பத்தி பேசினாலும், ரஷ்யாவோட பழைய கோரிக்கைகள்ல ஒரு இஞ்ச் கூட இறங்கி வரலனு தெளிவா சொல்லியிருக்காரு. உக்ரைன் ‘நேட்டோ’னு சொல்லப்படுற ராணுவ கூட்டணில சேரவே கூடாது, டான்பாஸ் பகுதியை ரஷ்யா முழுசா கையில வச்சிக்கணும்னு உறுதியா சொல்றாரு. இந்த கோரிக்கைகள் ரஷ்யாவோட மெயின் டிமாண்ட்ஸ் ஆக இருக்கு. 

இதையும் படிங்க: சீனாவில் பிரம்மாண்ட ராணுவ அணிவகுப்பு! குண்டு துளைக்காத ரயிலில் கெத்தாக என்ட்ரி கொடுத்த கிம்!!

ஆனா, உக்ரைன் இதையெல்லாம் ஒத்துக்க மறுத்துடுச்சு. “புடின் சொல்றது வெறும் டிராமா, மிரட்டல். ரஷ்யா தன்னோட ஆக்கிரமிப்பை நிறுத்தி, உண்மையா அமைதி பேச்சுக்கு வரலைனா, இந்த பேச்சுவார்த்தைக்கு ஒரு பயனும் இல்ல,”னு உக்ரைன் வெளியுறவுத்துறை அமைச்சகம் கோவமா ஒரு அறிக்கை விட்டிருக்கு.

புடின் “ஜெலன்ஸ்கி மாஸ்கோவுக்கு வந்தாதான் பேசுவேன்”னு சொன்னதை உக்ரைன் தூக்கி எறிஞ்சிருக்கு. அதுக்கு பதிலா, “நடுநிலையான நாடுகள்ல பேச்சு நடத்தலாம்”னு சொல்லியிருக்கு. இந்தப் போரை முடிக்க அமெரிக்க அதிபர் டொனால்ட் ட்ரம்ப் முயற்சி பண்ணிட்டு இருக்காரு. 

ஆனா, ரஷ்யாவும் உக்ரைனும் தங்களோட நிபந்தனைகள்ல பிடிவாதமா இருக்கறதால, இந்த அமைதி பேச்சு இன்னும் வேலைக்கு ஆகல. ட்ரம்ப் புடினையும் ஜெலன்ஸ்கியையும் சந்திச்சு ஒரு பேச்சுவார்த்தைக்கு ஏற்பாடு பண்ண முயற்சி பண்ணாலும், புடின் “மாஸ்கோவுல மட்டுமே பேச்சு”னு பிடிவாதமா நிக்கறாரு.

பல நாடுகள் இந்தப் போரை முடிக்க முயற்சி பண்ணாலும், ரஷ்யாவோட கோரிக்கைகளும், உக்ரைனோட உறுதியான எதிர்ப்பும் பேச்சுவார்த்தையை கஷ்டப்படுத்துது. “எந்தக் காரணத்துக்காகவும் உக்ரைனோட நிலத்தை விட்டுக் கொடுக்க மாட்டோம்,”னு ஜெலன்ஸ்கி தெளிவா சொல்லியிருக்காரு. 

இதனால, அமைதியா இத தீர்க்கறது ரொம்ப சவாலா இருக்கு. மேற்கத்திய நாடுகளோட பொருளாதாரத் தடைகளால ரஷ்யாவோட பொருளாதாரம் பாதிக்கப்பட்டாலும், புடின் தன்னோட ராணுவ நடவடிக்கைகளை தொடர்ந்து முன்னெடுக்கறாரு. இந்த நேரத்துல, உக்ரைனுக்கு மேற்கத்திய நாடுகள் ஆயுதங்களையும், பண உதவியையும் தொடர்ந்து கொடுத்துட்டு இருக்காங்க.

இந்தப் போர் உலக அரசியலையே பெரிய அளவுல பாதிச்சிருக்கு. இந்தியா உட்பட பல நாடுகள் இந்த மோதலை முடிக்க முயற்சி பண்ணாலும், புடினோட கோரிக்கைகளும், உக்ரைனோட எதிர்ப்பும் இன்னும் பேச்சுவார்த்தையை முட்டுக்கட்டையா வச்சிருக்கு. இந்த சூழல் இனி எப்படி மாறும்னு உலகமே கூர்ந்து பார்த்துட்டு இருக்கு.

இதையும் படிங்க: #BREAKING: சசிகலா உள்ளிட்டோரை அரவணையுங்கள்! பரபரக்கும் அரசியல் சூழலில் மனம் திறந்த செங்கோட்டையன்…