கடந்த 2023 அக்டோபர் 7-ல் ஹமாஸ் அமைப்பு இஸ்ரேல் மீது ஒரு கொடூரமான தாக்குதல் நடத்தியது. இதுல பல இஸ்ரேலிய மக்கள் படுகொலை செய்யப்பட்டாங்க, சிலர் பணயக் கைதிகளா பிடிச்சு காசாவுக்கு கொண்டு போகப்பட்டாங்க. இதுக்கு பதிலடியா, இஸ்ரேல் காசா மீது தொடர்ந்து தாக்குதல் நடத்தி வருது. இந்த தாக்குதல்ல 59,000-க்கும் மேல பாலஸ்தீனியர்கள் கொல்லப்பட்டிருக்காங்க. 

இதுக்கு ஆதரவா, லெபனானைச் சேர்ந்த ஹிஸ்புல்லா அமைப்பு இஸ்ரேலுக்கு எதிரா போரில் இறங்கியது. இதனால, இஸ்ரேலும் லெபனான் மீது பதிலடி தாக்குதல்களை தொடங்கிடுச்சு. இந்த மோதல் இப்போ மத்திய கிழக்குல ஒரு பெரிய பிரச்சனையா மாறியிருக்கு.

இஸ்ரேல் தன்னோட தாக்குதல்களை ஹிஸ்புல்லாவுக்கு எதிரா கடுமையாக்கியது. முக்கியமான ஹிஸ்புல்லா தலைவர்களை ஒருத்தர் பின்ன ஒருத்தரா குறி வச்சு கொலை செய்ய ஆரம்பிச்சது. முதலில், ஹமாஸ் தலைவர் இஸ்மாயில் ஹனியே ஒரு தாக்குதலில் கொல்லப்பட்டார். 

இதையும் படிங்க: துருக்கியில் அணுசக்தி பேச்சுவார்த்தை!! ஜெர்மனி, பிரிட்டன், பிரான்ஸ் உடன் கைகோர்க்கும் ஈரான்..!

பிறகு, ஹிஸ்புல்லாவோட முக்கிய தளபதி புவாத் ஷுகர் பெய்ரூட்டில் நடந்த இஸ்ரேல் தாக்குதலில் பலியானார். அதோட நிற்காம, 2024 செப்டம்பர் 27-ல் ஹிஸ்புல்லாவோட பொதுச் செயலாளர் ஹசன் நஸ்ரல்லாவை பெய்ரூட் நகரில் இஸ்ரேல் விமானப்படை தாக்கி கொன்னுடுச்சு. இந்த தாக்குதல், ஹிஸ்புல்லாவுக்கு பெரிய பின்னடைவை ஏற்படுத்தியது. இதோட, ஹிஸ்புல்லாவோட தடுப்பு காவல் பிரிவு தளபதி நபில் குவாவக்-ஐயும் இஸ்ரேல் அழிச்சது.

இப்போ, ஜூலை 26, 2025-ல், இஸ்ரேல் பாதுகாப்பு படைகள் (IDF) ஒரு புது அறிவிப்பு வெளியிட்டு, ஹிஸ்புல்லாவோட மூத்த தளபதி அலி அபித் அல்-காதிர் இஸ்மாயிலை தெற்கு லெபனானில் உள்ள பிந்த் ஜெபைல் பகுதியில் கொன்னதா சொல்லியிருக்கு. இவர் ஹிஸ்புல்லாவோட தெற்கு லெபனான் பகுதியில அமைப்பை மறுசீரமைக்க முயற்சி செஞ்சவர்.

இஸ்ரேலுக்கு எதிரா இவர் பல தாக்குதல் திட்டங்களை தயார் பண்ணியிருக்கார். இந்த தாக்குதல் இஸ்ரேலோட தொடர்ச்சியான முயற்சியோட ஒரு பகுதியாம், அதாவது ஹிஸ்புல்லாவோட ஆயுதக் கிடங்குகள், தளங்கள், அவங்களோட தலைவர்களை குறிவச்சு அழிக்கறது. இஸ்ரேல் இதை X-ல ஒரு பதிவு மூலமா உறுதி பண்ணியிருக்கு, “இஸ்ரேலுக்கு அச்சுறுத்தலா இருக்குற எதையும் அழிக்க நாங்க தொடர்ந்து செயல்படுவோம்”னு சொல்லியிருக்காங்க.

இந்த மோதல்களால லெபனானில் பெரிய அளவு இழப்பு ஏற்பட்டிருக்கு. 2023 அக்டோபர் 8-ல இருந்து 2024 டிசம்பர் வரை, ஹிஸ்புல்லா 521 உறுப்பினர்கள் கொல்லப்பட்டதா அறிவிச்சிருக்கு, ஆனா அதுக்கப்புறம் இவங்க உயிரிழப்புகளை பகிரங்கமா சொல்றதை நிறுத்திட்டாங்க. 

இஸ்ரேல் படைகளோ, 3,800 ஹிஸ்புல்லா போராளிகள் கொல்லப்பட்டதா மதிப்பிடுது. இதோட, ஹிஸ்புல்லாவோட ஆயுதக் கிடங்குகள், ஏவுகணை அமைப்புகள், தகவல் தொடர்பு கருவிகள் பெருமளவு அழிக்கப்பட்டிருக்கு. இந்த மோதலால லெபனானில் 11 பில்லியன் டாலர் அளவுக்கு சேதம் ஏற்பட்டு, பல்லாயிரக்கணக்கான மக்கள் இடம்பெயர்ந்திருக்காங்க.

2024 நவம்பர் 27-ல் அமெரிக்கா மத்தியஸ்தம் பண்ண ஒரு 60 நாள் போர் நிறுத்தம் ஏற்பட்டது, ஆனா இஸ்ரேல் தாக்குதல்கள் தொடர்ந்து நடந்துக்கிட்டே இருக்கு. இந்த சூழல்ல, இஸ்ரேல் தன்னோட பாதுகாப்புக்கு அச்சுறுத்தலா இருக்குற எந்த அமைப்பையும், தலைவரையும் விடமாட்டேன்னு உறுதியா இருக்கு.

இதையும் படிங்க: போர் நிறுத்தத்திற்கு மாற்று வழியை யோசிக்கிறோம்!! ஹமாஸை ஒழிக்க திட்டம் போடும் இஸ்ரேல்..!