விசிக தலைவர் திருமாவளவன் தொகுப்பூதிய செவிலியர் கோரிக்கைகள் குறித்து கருத்துவிடுதலைச் சிறுத்தைகள் கட்சியின் தலைவர் தொல். திருமாவளவன், அரசு மருத்துவமனைகளில் பணிபுரியும் தொகுப்பூதிய மற்றும் ஒப்பந்த அடிப்படையிலான செவிலியர்களின் கோரிக்கைகள் குறித்து முக்கிய கருத்தைத் தெரிவித்துள்ளார். சம வேலைக்கு சம ஊதியம் வழங்கப்பட வேண்டும் என்றும், அவர்களை அரசுப் பணியாளர்களாக அங்கீகரித்து பணி நிரந்தரம் செய்வதற்கான கொள்கை முடிவை தமிழ்நாடு அரசு உடனடியாக வரையறுக்க வேண்டும் என்றும் அவர் வலியுறுத்தியுள்ளார்.

அரசு மருத்துவமனைகளில் பணிபுரிந்து வரும் தொகுப்பூதியம் மற்றும் ஒப்பந்த செவிலியர்கள், தங்களுக்குப் பணி நிரந்தரம் வேண்டும் என்றும் சம வேலைக்கு சம ஊதியம் வழங்க வேண்டும் என்றும் கோரி அவ்வப்போது போராட்டங்களை நடத்தி வருகின்றனர். அண்மையில் நடைபெற்ற போராட்டத்தின் போது செவிலியர்கள் சங்கத்தின் முன்னணி நிர்வாகிகளுடன் அரசு பேச்சுவார்த்தை நடத்தி உடன்பாடு ஏற்பட்டது. அரசு கோரிக்கைகளைப் பரிசீலிப்பதாக உறுதியளித்த நிலையில் போராட்டம் தற்காலிகமாக கைவிடப்பட்டுள்ளது.

இந்த முயற்சியை வரவேற்பதாக திருமாவளவன் தெரிவித்தார்.தொகுப்பூதியம் மற்றும் ஒப்பந்த அடிப்படையில் பணிபுரியும் செவிலியர்களின் சம வேலைக்கு சம ஊதியம் கோரிக்கை மிகவும் நியாயமானது என்று அவர் குறிப்பிட்டார். இதனை தமிழ்நாடு அரசு காலம் தாழ்த்தாமல் விரைந்து பரிசீலனை செய்து நிறைவேற்ற முன்வர வேண்டும் என அவர் அழைப்பு விடுத்தார்.சுகாதாரத் துறையில் மட்டுமல்லாமல் அரசின் பல்வேறு துறைகளிலும் தொகுப்பூதியத்தில் பணியாற்றும் செவிலியர்கள் பணிநிரந்தரக் கோரிக்கையை முன்வைக்கும் போதெல்லாம், அரசு தரப்பில் உயர்நீதிமன்றத் தீர்ப்புகளைச் சுட்டிக்காட்டி அதனை மறுதலித்து வருவதாக அவர் சுட்டிக்காட்டினார்.

இதையும் படிங்க: வன்னியரசு அமைச்சரானது திருமாவளவனுக்கு பிடிக்கவில்லை!! பாஜக அஸ்வத்தாமன் பரபரப்பு குற்றச்சாட்டு!

வழக்கமான இத்தகைய போக்கினை கைவிட்டு, மக்களின் நலம் பேணும் மகத்தான பணிகளைச் செய்யும் தற்காலிக மற்றும் ஒப்பந்த செவிலியர்கள் அனைவரையும் பணி நிரந்தரம் செய்வதற்கான கொள்கை முடிவை உடனடியாக வரையறுத்திட வேண்டும் என தமிழ்நாடு அரசை விடுதலைச் சிறுத்தைகள் கட்சி சார்பில் வலியுறுத்துவதாக திருமாவளவன் தெரிவித்தார்.மக்கள் நலனுக்காக இரவு பகல் பாராமல் பணியாற்றும் இந்த செவிலியர்களின் கோரிக்கைகளை நிறைவேற்றுவது அரசின் கடமை என்றும், அதற்கான நடவடிக்கைகளை விரைவாக எடுக்க வேண்டும் என்றும் அவர் வலியுறுத்தினார்.

இதையும் படிங்க: வெற்றிப் பயணத் திட்டத்தில் மாற்றுத்திறனாளிகள்..! சமூக நீதிக்கு கிடைத்த வெற்றி..! தவெக அரசுக்கு திருமா. நன்றி..!!