தாய்லாந்து - கம்போடியா இடையிலான மோதல் இப்போது உலகம் முழுக்க பேசப்படும் ஒரு முக்கியமான விஷயமாக மாறியிருக்கு. இந்த மோதல் 2025 ஜூலை 24-ம் தேதி தொடங்கி, எல்லைப் பகுதியில் பயங்கரமான மோதலாக உருவெடுத்திருக்கு. இதற்கு மூல காரணம், 1904-1907 காலகட்டத்தில் சயாம் இராச்சியம் (இப்போதைய தாய்லாந்து) மற்றும் பிரெஞ்சு காலனி ஆதிக்கத்தில் இருந்த கம்போடியா இடையே நடந்த ஒப்பந்தங்கள். 

இதில், பிரியா விஹார் கோவில் உள்ளிட்ட எல்லைப் பகுதிகள் குறித்து தகராறு ஆரம்பமாச்சு. 1962-ல் சர்வதேச நீதிமன்றம் இந்த கோவிலை கம்போடியாவுக்கு வழங்கியது, ஆனா அதுக்குப் பிறகும் இரு நாடுகளுக்கு இடையே பதற்றம் தொடர்ந்து இருக்கு.

2008-2011 வரை சிறு சிறு மோதல்கள் நடந்தன, ஆனா இந்த வருடம் பிப்ரவரியில் தாய்லாந்து படைகள் கம்போடியாவைச் சேர்ந்த சுற்றுலாப் பயணிகள் தேசிய கீதம் பாடுவதைத் தடுத்தபோது விஷயம் மோசமாச்சு. 

இதையும் படிங்க: 550 பில்லியன் டாலர்களை முதலீடு.. ஜப்பானோடு கை கோர்த்த அமெரிக்கா! மிகப்பெரிய வர்த்தக ஒப்பந்தம்!

ஜூலை 24-ல் தொடங்கிய இந்த மோதலில், தாய்லாந்தில் 14 பொதுமக்கள், 7 வீரர்கள், கம்போடியாவில் 8 பொதுமக்கள், 5 வீரர்கள் என மொத்தம் 34 பேர் உயிரிழந்தாங்க. 12 எல்லைப் பகுதிகளில் மோதல்கள் நடந்து, சுமார் 2 லட்சம் பேர் இடம்பெயர்ந்து இருக்காங்க. 

தாய்லாந்து ராணுவம் கம்போடியாவின் ஆயுதக் கிடங்குகளை குறிவைத்து ட்ரோன் தாக்குதல்கள் நடத்தியதாகவும் செய்திகள் வந்தன. இந்த மோதல் ஆசியான் நாடுகளுக்கு இடையேயான உறவுகளையும் பதற்றமாக்கி, பிராந்திய அமைதிக்கு பெரிய அச்சுறுத்தலாக மாறியது. 

இந்த சூழலில், அமெரிக்க அதிபர் டொனால்ட் ட்ரம்ப் இந்த மோதலை முடிவுக்கு கொண்டு வர தன்னாலான முயற்சிகளை எடுத்திருக்கார். ஜூலை 26-ம் தேதி, அவர் தாய்லாந்து மற்றும் கம்போடியா தலைவர்கள் உடனடியாக சந்தித்து போர் நிறுத்தத்துக்கு ஒப்புக்கொண்டதாக அறிவிச்சார். இதற்கு முக்கிய காரணமாக, ட்ரம்ப் அமெரிக்காவின் பொருளாதார செல்வாக்கைப் பயன்படுத்தியதை சொல்லலாம். 

கம்போடியாவின் ஜிடிபியில் 27% ஏற்றுமதியிலிருந்து வருது, தாய்லாந்துக்கு 12%. இதைப் பயன்படுத்தி, “மோதலை நிறுத்தலைனா, உங்களோடு வர்த்தக ஒப்பந்தங்களை மறுபரிசீலனை செய்வோம்”னு ட்ரம்ப் எச்சரிக்கை விடுத்தார். இது இரு நாடுகளையும் பேச்சுவார்த்தை மேசைக்கு வர வைச்சிருக்கு. 

ட்ரம்ப் இந்த மோதலை இந்தியா-பாகிஸ்தான் எல்லைப் பிரச்சினையோடு ஒப்பிட்டு, “இப்படியான மோதல்கள் பிராந்தியத்தை பின்னோக்கி இழுக்கும்”னு கூறினார். அவருடைய இந்த இடைத்தரகு முயற்சி, ஆசியான் நாடுகளின் மெதுவான பதிலை விட வேகமாகவும் பயனுள்ளதாகவும் இருந்ததாக பலரும் பாராட்டுறாங்க. 

ஆனா, சிலர் இதை ட்ரம்ப் தன்னுடைய அரசியல் பிம்பத்தை உயர்த்திக்கொள்ள பயன்படுத்திக்கொண்டதாகவும் விமர்சிக்கிறாங்க. எப்படியோ, இந்த மோதலுக்கு ஒரு தற்காலிக அமைதி கிடைச்சிருக்கு, ஆனா நிரந்தர தீர்வுக்கு இன்னும் நிறைய பேச்சுவார்த்தைகள் தேவை.

இதையும் படிங்க: இது 3வது முறை!! யுனெஸ்கோவில் இருந்து மீண்டும் வெளியேறியது அமெரிக்கா!