விளம்பர ஷூட்டிங்கில் நடிப்பது மட்டுமே அவரது வேலை என்றும், போலி பிம்பத்தைக் கட்டமைத்து மக்களை ஏமாற்றி வருவதாகவும் கூறி, திமுக தலைமையை மிகக் கடுமையான வார்த்தைகளால் தமிழக வெற்றிக் கழகத்தின் அதிகாரப்பூர்வ தகவல் தொழில்நுட்பப் பிரிவு (IT Wing) கடுமையாக விமர்சித்துப் பதிவிட்டுள்ளது.

சமூக வலைதளங்களில் தவெக மற்றும் திமுக ஆதரவாளர்களுக்கு இடையே கடுமையான கருத்து மோதல்கள் நிலவி வரும் சூழலில், தவெகவின் அதிகாரப்பூர்வ ஐடி விங் தனது எக்ஸ் (ட்விட்டர்) பக்கத்தில் திமுக தலைவர் மற்றும் அவரது குடும்பத்தினரைக் குறிவைத்துத் தொடர் கடுமையான விமர்சனங்களை முன்வைத்துள்ளது.

அரசியலில் பழக்கடை மூர்த்தி நமது ஸ்வீட் அங்கிள் தான். அவர் எந்த அளவிற்குச் செயல்படாத ஒரு நபர் என்பது அவருடன் இருப்பவர்களுக்கே நன்றாகத் தெரிந்திருந்தாலும், காலம் காலமாகப் புனையப்பட்ட கதைகளால் கட்டமைக்கப்பட்ட ஒரு போலி பிம்பம்தான் தனது உண்மையான வலிமை என்று அவரே நம்பும் அளவிற்கு எதுவுமே தெரியாதவராக இருக்கிறார். ஒரு செயலை எதற்காகச் செய்கிறோம் என்ற புரிதல் கூட அவரிடம் இருப்பதில்லை; மக்கள் பணி என்றாலே விளம்பரப் படப்பிடிப்புகளில் மட்டுமே நடிக்கத் தெரியும். கையில் கொடுக்கப்படும் உரைக் குறிப்பில்) என்ன எழுதப்பட்டுள்ளது, எதற்காகப் பேசுகிறோம் என்று தெரியாமல், மிகுந்த தன்னம்பிக்கையுடன் அதைப் பார்த்துத் தப்பும் தவறுமாக உளறுவதே வாடிக்கையாக உள்ளது.

இதையும் படிங்க: "விஜய் ஆட்சி ஒழிக"..! மருத்துவ பரிசோதனைக்குச் சென்ற கார்த்திகா கண்டன முழக்கம்.!!

மேலும், பொது மேடைகளில் ஏறிவிட்டால் பெண்களை மிக இயல்பாக இழிவாகப் பேசுவதிலும் கைதேர்ந்தவராக இருக்கிறார். தங்களது இந்த போலி பிம்பத்தையே உண்மையான மக்கள் செல்வாக்காக நம்பும் அவருக்கும், அவரது வாரிசுக்கும் அந்தப் பிம்பத்தைக் காப்பாற்றித் தருவதாகக் கூறி விபூதி அடிக்கும் இரு அட்மின்களும் உடனிருந்து ஏமாற்றி வருகின்றனர் என்று தவெக ஐடி விங் மிகக் காரசாரமாகத் தாக்கிப் பதிவிட்டுள்ளது.

திமுக மற்றும் அதன் வாரிசு அரசியல், சமூக வலைதளக் கையாளுமை குறித்துத் தமிழக வெற்றிக் கழகத் தரப்பிலிருந்து முன்வைக்கப்பட்டுள்ள இந்த அதிரடித் தாக்குதல் தமிழக இணையதள அரசியலில் பெரும் பரபரப்பையும் விவாதங்களையும் தூண்டியுள்ளது.

இதையும் படிங்க: அதிகாரத்தை கேடயமாக பயன்படுத்தும் கும்பல்: தவெக அரசுக்கு 'வி தி லீடர்ஸ்' நிறுவனர் அண்ணாமலை எச்சரிக்கை!