தாராபுரம் தொகுதியில் நடைபெறும் இடைத்தேர்தலில் தமிழக வெற்றி கழகத்தின் சார்பில் போட்டியிடும் சத்தியபாமா தொண்டர்கள் மத்தியில் உரையாற்றினார். அப்போது, தாராபுரம் தொகுதியில் வேட்பாளராக போட்டியிட வாய்ப்பு வழங்கிய முதல்வர் விஜய்க்கு நன்றி தெரிவிப்பதாக கூறியுள்ளார். இதற்கு முன்பு ஒரு கூட்டத்தில் இவ்வளவு நேரம் மக்கள் காத்திருந்து நான் பார்த்ததில்லை எனவும் பிரமிப்பாக இருக்கிறது எனவும் கூறியுள்ளார்.

எடப்பாடி பழனிச்சாமி திமுகவுடன் கூட்டணி வைக்க நினைத்ததால் தான் நான் அக்கட்சியில் இருந்து வெளியேறி வந்தேன் என்றும் அதற்காக அவருக்கு நன்றி தெரிவிப்பதாகவும் தெரிவித்துள்ளார். திமுகவுடன் உடன்படிக்கை வைத்துக்கொண்டு நான் முதல்வராவேன் என எடப்பாடி பழனிச்சாமி சொன்னபோது தங்களால் ஏற்றுக்கொள்ள முடியவில்லை என்றார்.

புதுச்சேரியில் உள்ள விடுதியில் வைத்து திமுக ஆதரவில் முதலமைச்சர் ஆவின் என்று எடப்பாடி பழனிச்சாமி கூறியதை ஏற்றுக்கொள்ள முடியவில்லை என்று குறிப்பிட்டார். எடப்பாடி பழனிச்சாமி என்ற தலைமை பிடிக்காமல் தான் நாங்கள் அதிமுகவை விட்டு வெளியே வந்தோம் என சத்தியபாமா கூறியுள்ளார். ஒரு கட்சியின் பொதுச்செயலாளர் எப்படி இருக்க வேண்டும் என்பதற்கு அமைச்சர் ஆனந்த் தான் சாட்சி என்று கூறியுள்ளார்.

இதையும் படிங்க: தாராபுரம் நோக்கி சென்ற CM விஜய்..! வாகனம் முன்பு இளைஞர் திடீரென குதித்ததால் பரபரப்பு..!

ஒரு பொதுச் செயலாளர் எப்படி இருக்கக் கூடாது என்பதற்கு எடப்பாடி பழனிச்சாமி உதாரணம் என்றும் தெரிவித்துள்ளார். தன்னை தகாத வார்த்தைகளில் வசை பாடுவதாகவும் ஒரு பெண் என்று கூட பார்க்காமல் பேசுவதாகவும் கண்கலங்கி நா தழுதழுக்க பேசினார் சத்தியபாமா. மிகவும் தூய்மையான தலைவர் முதல்வர் விஜய் என்று குறிப்பிட்டார். தன் மீது தவறு இருந்தால் தைரியமாக இப்படி ஓட்டு கேட்க முடியுமா என்று கேட்டார். சத்தியபாமா அழுதபோது முதல்வர் விஜய் அவருக்கு தோளில் தட்டி ஆறுதல் கூறினார். 

இதையும் படிங்க: SIR விவகாரத்தில் தவெக–காங்கிரஸ் இடையே வெடித்த கருத்து மோதல்! கூட்டணிக்குள் சலசலப்பு!