தமிழக வெற்றிக் கழகத்தின் (தவெக) உட்கட்டமைப்பைச் சீரமைத்து வரும் அக்கட்சியின் தலைவர் விஜய், மகளிர் அணியின் மாநில அளவிலான புதிய நிர்வாகிகளை இன்று அதிகாரப்பூர்வமாக அறிவித்துள்ளார். அரசியலில் பெண்களுக்கான பிரதிநிதித்துவத்தை உறுதிப்படுத்துவதில் தனது இயக்கம் முன்னோடியாகத் திகழும் என அவர் தனது அறிக்கையில் பெருமிதத்துடன் குறிப்பிட்டுள்ளார்.

கட்சியின் மகளிர் அணி மாநில ஒருங்கிணைப்பாளராகப் பிரபல மருத்துவர் திருமதி Dr. ஸ்பூர்த்தி அருண் (Dr. Spoorthi Arun) நியமிக்கப்பட்டுள்ளார். உயர் கல்வித் தகுதியும், சமூக அக்கறையும் கொண்ட இவரைத் தலைமைப் பொறுப்புக்கு விஜய் கொண்டு வந்துள்ளார்.

மகளிர் அணியின் களப்பணிகளை முடுக்கிவிட, மாநில அளவில் 10 இணை ஒருங்கிணைப்பாளர்கள் நியமிக்கப்பட்டுள்ளனர். கல்வி மற்றும் நிர்வாகத் திறமை கொண்ட பெண்கள் இந்தப் பட்டியலில் இடம்பிடித்துள்ளனர்:

இதையும் படிங்க: தஞ்சையில் நாளை விஜய்! செங்கோட்டையன், ஆதவ் அர்ஜுனா நேரில் ஆய்வு!

திருமதி C. பிரியா பார்த்திபன், திருமதி R. ரேகா ராஜேந்திரன், திருமதி R. நந்தினி, திருமதி P.S. சௌமியா, திருமதி S. கற்பகம் தங்கதுரை, திருமதி R. தாட்சாயணி, திருமதி S. ரெஹனா, செல்வி V. சரண்யா, திருமதி A. மேரி ஷர்மி, திருமதி I. பூவிழி

புதிய நிர்வாகிகள் அனைவருக்கும் தனது வாழ்த்துகளைத் தெரிவித்துள்ள விஜய், கழகத்தின் ஆக்கப்பூர்வப் பணிகள் மற்றும் தனது ஆலோசனையின்படி இவர்கள் செயல்படுவார்கள் எனக் கூறியுள்ளார்.

பொதுச் செயலாளர் திரு. என். ஆனந்த் மற்றும் நிர்வாகக் குழுவின் வழிகாட்டுதலின்படி இந்தப் புதிய நிர்வாகிகள் கழகப் பணிகளை மேற்கொள்வார்கள் என்றும், கழகத் தோழர்கள் இவர்களுக்கு முழு ஒத்துழைப்பு வழங்க வேண்டும் என்றும் விஜய் கேட்டுக்கொண்டுள்ளார்.

தமிழக வெற்றிக் கழகத்தின் மகளிர் படையினர் மற்ற அரசியல் இயக்கங்களுக்குச் சிம்ம சொப்பனமாகத் திகழ்ந்து வருவதாகக் குறிப்பிட்டுள்ள விஜய், இந்த புதிய நியமனங்கள் மூலம் கட்சியின் அடித்தளம் மேலும் வலுவடையும் எனத் தனது அறிக்கையில் நம்பிக்கை தெரிவித்துள்ளார்.

இதையும் படிங்க: விஜய் கட்சி இன்னும் ரசிகர் மன்றம் தான்... தஞ்சையில் கார்த்தி சிதம்பரம் எம்.பி விமர்சனம்!