நாட்டின் இரண்டு முக்கிய பெருநகரங்களான பெங்களூரு மற்றும் மும்பைக்கு இடையிலான பயண நேரத்தை வெகுவாகக் குறைக்க இந்திய ரயில்வே ஒரு முக்கிய முடிவை எடுத்துள்ளது. ஹூப்பள்ளி வழியாக  ஒரு புதிய சூப்பர்ஃபாஸ்ட் ரயில் விரைவில் அறிமுகப்படுத்தப்படும். தற்போதுள்ள ரயில் பாதை (உதயன் எக்ஸ்பிரஸ்) சுமார் 24 மணிநேரம் எடுக்கும் அதே வேளையில், இந்தப் புதிய சூப்பர்ஃபாஸ்ட் ரயில் பயண நேரத்தை சுமார் 18 மணிநேரமாகக் குறைப்பதை நோக்கமாகக் கொண்டுள்ளது.

பெங்களூரு மற்றும் மும்பை இடையே பயணிக்கும் பயணிகளுக்கு ரயில்வே துறை ஒரு நல்ல செய்தியை வெளியிட்டுள்ளது. பெங்களூரு மற்றும் மும்பை இடையே விரைவில் ஒரு அதிவேக ரயில் தொடங்கப்படும் என்று அறிவிக்கப்பட்டுள்ளது. இதன் மூலம், பெங்களூரு மற்றும் மும்பை இடையே 24 மணிநேரமாக இருந்த பயண நேரம், தற்போது 6 மணி நேரம் குறைந்து 18 மணி நேரமாக குறைந்துள்ளது. நாட்டின் மிக முக்கியமான வணிக நகரங்களான பெங்களூரு மற்றும் மும்பை இடையேயான பயணம் இப்போது வேகமாகவும் வசதியாகவும் மாறும் என்று ரயில்வே வட்டாரங்கள் தெரிவித்துள்ளன.

வழக்கமாக, பெங்களூருவிலிருந்து மும்பைக்கு ரயில் பயணம் சுமார் 1,136 கிலோமீட்டர்கள் ஆகும். தற்போதைய பெங்களூரு-மும்பை வழித்தடத்தில் இயங்கும் ஒரே நேரடி ரயில் உதயன் எக்ஸ்பிரஸ் ஆகும். இருப்பினும், இந்த உதயன் எக்ஸ்பிரஸ் இந்த தூரத்தை கடக்க சுமார் 23.35 மணிநேரம் ஆகும். இந்த வழித்தடத்தில் 32 நிறுத்தங்கள் உள்ளன. இதன் காரணமாக, இந்த ரயிலில் பயணிக்கும்போது பயணிகள் மிகவும் சோர்வாக உணர்கிறார்கள். இந்த சூழலில்தான் இந்திய ரயில்வே இந்த வழித்தடத்தில் ஒரு புதிய அதிவேக ரயிலை அறிமுகப்படுத்தவுள்ளது.

இதையும் படிங்க: பெங்களூரு வெளிவட்டச்சாலையில் ‘நெரிசல் கட்டணம்’.. வாகன ஓட்டிகள் அதிர்ச்சி..!!

இருப்பினும், ஹூப்பள்ளி வழியாக இயக்கப்படும் புதிய அதிவேக ரயில், பயண நேரத்தை 18 மணி நேரமாகக் குறைப்பதை நோக்கமாகக் கொண்டுள்ளது. இது நேரத்தை மிச்சப்படுத்தும் என்றும், வணிகம் மற்றும் சுற்றுலாவுக்காகப் பயணிப்பவர்களுக்கு சிறந்த வசதியை வழங்கும் என்றும் ரயில்வே வட்டாரங்கள் தெரிவித்தன. இந்தப் புதிய அதிவேக ரயில் பெங்களூருவின் சர் எம். விஸ்வேஸ்வரய்யா முனையத்திலிருந்து புறப்பட்டு மும்பையின் சத்ரபதி சிவாஜி மகாராஜ் முனையத்தை அடையும்.

இந்த வழித்தடத்தில், தும்கூர், தாவங்கேரி, ஹாவேரி, ஹுப்பள்ளி-தார்வாட், பெலகாவி போன்ற முக்கியமான நிலையங்களில் மட்டுமே இது நிற்கும். கர்நாடகாவிலிருந்து சுமார் 600 கிலோமீட்டர் தூரம் செல்லும் இந்த பாதை, நிறுத்தப்படும் நிலையங்களின் எண்ணிக்கையைக் குறைப்பதன் மூலம் விரைவான பயணத்தை எளிதாக்கும் வகையில் வடிவமைக்கப்பட்டுள்ளது. இது பயணிகளுக்கு வசதியை வழங்கும் அதே வேளையில் பயண நேரத்தையும் குறைக்கும் என்று கூறப்படுகிறது. இருப்பினும், இந்த ரயில் நிற்கும் நிலையங்களின் இறுதிப் பட்டியல் ரயில்வே வாரியம் அதிகாரப்பூர்வமாக அறிவிப்பை வெளியிட்ட பின்னரே இறுதி செய்யப்படும் என்று அதிகாரிகள் தெரிவித்தனர்.
 

இதையும் படிங்க: திணறும் மும்பை மக்கள்..!! 5வது நாளாக தொடரும் டிராபிக் ஜாம்..!! 70+ கி.மீ-க்கு நிற்கும் வாகனங்கள்..!!