அமெரிக்காவில் டிரம்ப் நிர்வாகம் பதவியேற்ற பிறகு வாஷிங்டனில் நடந்த முதல் குவாட் கூட்டத்தின் போது, தென் சீனக் கடலில் சீனாவின் மிரட்டலுக்கு எதிராக இந்தியா, அமெரிக்கா, ஆஸ்திரேலியா மற்றும் ஜப்பான் ஆகிய குவாட் நாடுகள் வலுவான கூட்டு அறிக்கையை வெளியிட்டன. இது சீனாவை கோபப்படுத்தியது. குவாட்டின் கூட்டு அறிக்கையை நிராகரித்து, தென் சீனக் கடல் மீதான எங்கள் நடவடிக்கை முற்றிலும் சரியானது என்று சீனாவின் வெளியுறவு அமைச்சகம் கூறியுள்ளது. சீன வெளியுறவு அமைச்சக செய்தித் தொடர்பாளர் மாவோ நிங், ''இந்தப் பிராந்தியத்தில் சீனாவின் நடவடிக்கைகள் முற்றிலும் சட்டபூர்வமானவை... நியாயமானவை.எந்தவொரு மூன்றாம் தரப்பினரையும் குறிவைக்க குவாட் பயன்படுத்தப்படக் கூடாது'' என்று அவர் தெரிவித்தார்.
குவாட் இந்தியா, ஆஸ்திரேலியா, ஜப்பான் மற்றும் அமெரிக்கா ஆகிய நாடுகளை உள்ளடக்கியது. இந்த அனைத்து நாடுகளின் வெளியுறவு அமைச்சர்களும் செவ்வாயன்று ஒரு கூட்டு அறிக்கையை வெளியிட்டனர், வலுக்கட்டாயமாக தற்போதைய நிலையை மாற்ற முயற்சிக்கும் எந்தவொரு ஒருதலைப்பட்ச நடவடிக்கையையும் கடுமையாக எதிர்த்தனர். தென் சீனக் கடலில் சீனாவின் அத்துமீறலுக்கு கண்டனம் தெரிவிக்கப்பட்டது.
அமெரிக்க வெளியுறவுத்துறை செயலாளர் மார்கோ ரூபியோ, அமெரிக்காவின் உயர்மட்ட இராஜதந்திரியாக தனது முதல் பலதரப்பு சந்திப்பை இந்தியாவின் வெளியுறவுத்துறை அமைச்சர் எஸ்.ஜெய்சங்கர், ஆஸ்திரேலியாவின் வெளியுறவுத்துறை அமைச்சர் பென்னி வோங், ஜப்பானின் வெளியுறவுத்துறை அமைச்சர் இவாயா தகேஷி ஆகியோருடன் நடத்தினார். "இந்தியாவின் மக்களின் வளர்ச்சி மற்றும் செழிப்புக்கு அடிப்படையாக சர்வதேச சட்டம், பொருளாதார வாய்ப்பு, அமைதி, ஸ்திரத்தன்மை மற்றும் கடல்சார் களம் உட்பட அனைத்து பகுதிகளிலும் பாதுகாப்பு ஆகியவை உள்ளன என்பதை எங்கள் நான்கு நாடுகளும் பேணுகின்றன" என்று குவாட் நாடுகள் வெளியிட்ட கூட்டு அறிக்கையில் கூறப்பட்டுள்ளது.
இதையும் படிங்க: அண்டைநாடுகளை வைத்து சுத்துப்போடும் சீனா… இந்தியாவுக்கு எதிராக வாலாட்டும் இலங்கை - பாகிஸ்தான் -வங்கதேசம்..!
வலுக்கட்டாயமாகவோ அல்லது வற்புறுத்தலாலோ தற்போதைய நிலையை மாற்ற முயலும் எந்தவொரு ஒருதலைப்பட்ச நடவடிக்கையையும் நாங்கள் கடுமையாக எதிர்க்கிறோம். வளர்ந்து வரும் அச்சுறுத்தல்களை எதிர்கொள்ளும் வகையில் பிராந்திய கடல்சார், பொருளாதார மற்றும் தொழில்நுட்ப பாதுகாப்பை வலுப்படுத்துவதோடு நம்பகமான, உறுதியான விநியோகச் சங்கிலிகளை உறுதி செய்வதற்கும் நாங்கள் உறுதி பூண்டுள்ளோம்.
சட்டத்தின் ஆட்சி, ஜனநாயக விழுமியங்கள், இறையாண்மை, பிராந்திய ஒருமைப்பாடு ஆகியவை நிலைநிறுத்தப்பட்டு பாதுகாக்கப்படும்'' என 'சுதந்திரமான மற்றும் திறந்த இந்தோ-பசிபிக்' பகுதியை வலுப்படுத்துவதற்கான தங்கள் பகிரப்பட்ட உறுதிப்பாட்டை குவாட் நாடுகள் மீண்டும் உறுதிப்படுத்தின.
சமூக ஊடக தளமான 'எக்ஸ்'பதிவில் ஜெய்சங்கர்,''நிச்சயமற்ற, நிலையற்ற உலகில், 'குவாட்' உலகம் முழுவதும் நன்மைக்கான சக்தியாகத் தொடரும் என்பதற்கான தெளிவான செய்தியை இந்த சந்திப்பு அனுப்பியுள்ளது.ட்ரம்ப் நிர்வாகம் தொடங்கிய சில மணி நேரங்களுக்குள் குவாட் நாடுகளின் வெளியுறவு அமைச்சர்களின் சந்திப்பு நடந்தது குறிப்பிடத்தக்கது.பரந்த சிந்தனையின் முக்கியத்துவம், நிகழ்ச்சி நிரலை ஆழப்படுத்துதல், நமது ஒத்துழைப்பை துரிதப்படுத்துகிறது'' " என்று அவர் தெரிவித்து இருந்தார்.
இதையும் படிங்க: இந்து மகா சமுத்திரம் பாதுகாப்பு...இந்தியாவுக்கு தலை, சீனாவுக்கு வாலை காட்டும் இலங்கை அதிபர்- கே.எஸ்.ராதாகிருஷ்ணன் விமர்சனம்