ஹைதராபாத்திலிருந்து புதுச்சேரிக்கு வந்த இண்டிகோ விமானம் மாலை 5.15 மணியளவில் பெங்களூருக்கு புறப்பட்டது. அந்த விமானத்தில் மொத்தம் 81 பயணிகள் இருந்ததாக விமான நிலைய வட்டாரங்கள் தகவல் தெரிவித்தன.

மேலும் அந்த விமானத்தில் பாஜக மாநிலத்தலைவர் பதவியேற்பு நிகழ்வுக்கு வந்திருந்த  பாஜக அகில இந்திய பொதுச்செயலாளர் தருண்சுக், மேலிட பொறுப்பாளர் நிர்மல்குமார் சுரானா, புதுச்சேரி அரசின் டெல்லி பிரதிநிதி மல்லாடி கிருஷ்ணாராவ் ஆகியோரும் இருந்துள்ளனர்.

இதையும் படிங்க: புதுவை பாஜக மாநிலத் தலைவராகிறார் வி.பி.ராமலிங்கம்.. நாளை பதவியேற்பு..!

இந்த நிலையில் ஓடுபாதையில் விமானம் செல்லும் போது தொழில்நுட்பக் கோளாறு ஏற்பட்டுள்ளது. இதை கவனித்த விமானி, விமானத்தை மீண்டும் விமான நிலையத்திற்கே கொண்டு சென்றார். கோளாறை சரி செய்வதில் தாமதம் ஏற்பட்டுள்ளது.

இதை அடுத்து பெங்களூர் விமானம் ரத்தானதாக அறிவிக்கப்பட்டது. அத்துடன் இரவு நேரத்தில் விமானம் புறப்பட்டு செல்லும் வசதி புதுச்சேரி விமான நிலையத்தில் இல்லை என்பதால் பாஜக முக்கிய நிர்வாகிகள் கார் மூலம் சென்னை புறப்பட்டு சென்றனர். இதனால் அப்பகுதியில் சிறிது நேரம் பரபரப்பு ஏற்பட்டது.

இதையும் படிங்க: புதுச்சேரியில் மதுக்கூடங்களுக்கான லைசன்ஸ் கட்டணம் உயர்வு..!