இந்தியாவோட 79-வது சுதந்திர தின விழா டில்லி செங்கோட்டையில் நேத்து (ஆகஸ்ட் 15, 2025)-ல பிரமாண்டமா நடந்துச்சு. ஆனா, இந்த நிகழ்ச்சியில காங்கிரஸ் கட்சியோட முக்கிய தலைவர்களான மல்லிகார்ஜுன கார்கேயும், மக்களவை எதிர்க்கட்சி தலைவர் ராகுல் காந்தியும் பங்கேற்கல. இதை பாஜக கடுமையா விமர்சிச்சு, இவங்க நாட்டையே இழிவுபடுத்திட்டதா குற்றம்சாட்டி இருக்கு. இந்த விவகாரம் இப்போ அரசியல் வட்டாரத்துல பெரிய பரபரப்பை கிளப்பியிருக்கு.

பாஜக தேசிய செய்தித் தொடர்பாளர் ஷேசாத் பூனாவாலா இதைப் பத்தி பேசும்போது, “சுதந்திர தின விழா ஒரு தேசிய நிகழ்ச்சி. இது யாரோ ஒருத்தரோட பிறந்தநாள் கொண்டாட்டமோ, கட்சி நிகழ்ச்சியோ இல்ல. செங்கோட்டையில நடந்த இந்த விழாவை புறக்கணிச்சு, கார்கேயும் ராகுலும் நாட்டையே இழிவு பண்ணிட்டாங்க. 

இது மட்டுமில்ல, ராணுவத்தையும், அரசியல் சாசனத்தையும், சுதந்திரப் போராட்ட வீரர்களையும், தியாகிகளையும் அவமானப்படுத்தியிருக்காங்க. இதனால, காங்கிரஸ் கட்சி இந்திய தேசிய காங்கிரஸ் இல்ல, ‘இஸ்லாமாபாத் தேசிய காங்கிரஸ்’ அல்லது ‘இத்தாலிய தேசிய காங்கிரஸ்’னு நிரூபிச்சிருக்காங்க”னு காட்டமா சொல்லியிருக்காரு. இது பாஜகவோட கடுமையான விமர்சனமா பார்க்கப்படுது.

இதையும் படிங்க: தெருநாய்களை அப்புறப்படுத்தும் விவகாரம்; இடைக்கால தடை இல்லை; சுப்ரீம் கோர்ட் காட்டம்!

அதே மாதிரி, பாஜகவோட தகவல் தொழில்நுட்ப அணி தலைவர் அமித் மாளவியா, ‘எக்ஸ்’ தளத்துல ஒரு பதிவு போட்டு, “ராகுல் காந்தி செங்கோட்டை விழாவுல பங்கேற்கல. இது தேசிய நிகழ்ச்சிகளில் அவரோட பொறுப்பு குறித்து மோசமான செய்தியை சொல்லுது. அவர் ஏன் இந்த விழாவை தவறவிட்டாருன்னு நாட்டுக்கு தெரியணும்”னு கேள்வி எழுப்பியிருக்காரு. இந்தப் பதிவோட, காங்கிரஸ் தலைமையகமான இந்திரா பவன்ல நடந்த சுதந்திர தின விழாவுல ராகுல் காந்தி பங்கேற்ற வீடியோவையும் மாளவியா பகிர்ந்திருக்காரு.

இந்த விவகாரத்துக்கு காரணம் என்னன்னு பார்த்தா, கடந்த வருஷம் (2024) செங்கோட்டை விழாவுல ராகுல் காந்திக்கு பின்னால் இருக்கையை ஒதுக்கியது பெரிய சர்ச்சையை கிளப்பிச்சு. மக்களவை எதிர்க்கட்சி தலைவருக்கு முன்னால் இருக்கை கொடுக்க வேண்டிய நெறிமுறையை மீறி, அவரை ஒலிம்பிக் வீரர்களுக்கு பின்னாடி இருக்க வச்சாங்க. இதை காங்கிரஸ் கட்சி மக்களுக்கு செய்யப்பட்ட அவமானம்னு விமர்சிச்சது. பாதுகாப்பு அமைச்சகம், ஒலிம்பிக் வீரர்களை கௌரவிக்க இப்படி ஏற்பாடு பண்ணியதா விளக்கம் கொடுத்தாலும், காங்கிரஸ் இதை ஏத்துக்கல.

இந்த வருஷம், கார்கேயும் ராகுலும் செங்கோட்டை விழாவை தவிர்த்துட்டு, இந்திரா பவன்ல காங்கிரஸ் கட்சி ஏற்பாடு பண்ணிய சுதந்திர தின விழாவுல கலந்துக்கிட்டாங்க. அங்கே கார்கே தேசியக் கொடியை ஏற்றி, ராகுல் காங்கிரஸ் தொண்டர்களோட இணைஞ்சு கொண்டாடினார். இருந்தாலும், இவங்க ரெண்டு பேரும் செங்கோட்டை விழாவை புறக்கணிச்சது, பாஜகவுக்கு ஒரு வாய்ப்பா அமைஞ்சு, காங்கிரஸை கடுமையா தாக்குறதுக்கு பயன்படுத்திக்கிட்டாங்க.

காங்கிரஸ் தரப்புல இருந்து இதுக்கு இன்னும் அதிகாரப்பூர்வ விளக்கம் எதுவும் வரல. ஆனா, சமூக வலைதளங்கள்ல ராகுலும் கார்கேயும் சுதந்திர தின வாழ்த்துகளை பகிர்ந்து, சுதந்திரப் போராட்ட வீரர்களுக்கு அஞ்சலி செலுத்தியிருக்காங்க. ராகுல், “நம்மோட சுதந்திரம், உண்மையும் சமத்துவமும் நிறைந்த இந்தியாவை கட்டியெழுப்புறதுக்கு ஒரு உறுதிமொழி”னு சொல்லியிருக்காரு. கார்கேயும், “சுதந்திர தினம், சுதந்திரம், நீதி, சமத்துவம், சகோதரத்தன்மைனு நம்மோட ஜனநாயக மதிப்புகளை மீண்டும் உறுதிப்படுத்துற நாள்”னு குறிப்பிட்டிருக்காரு.

இதையும் படிங்க: விடிய விடிய நடந்த ஓட்டு எண்ணிக்கை.. டில்லி கிளப் தேர்தலில் வென்று கெத்து காட்டிய பாஜக!!