கடந்த ஜூனில், இஸ்ரேல், ஈரான் அணு ஆயுதங்கள் தயாரிப்பதாகக் குற்றம்சாட்டி, அதன் அணு மையங்கள் மற்றும் இராணுவ இலக்குகளை குறிவைத்து தாக்குதல் நடத்தியது. இஸ்ரேல் பிரதமர் பெஞ்சமின் நெதன்யாகு, ஈரான் 60% செறிவூட்டப்பட்ட யுரேனியத்தை சேமித்து, அணு ஆயுத உற்பத்திக்கு நெருக்கமாக உள்ளதாகக் கூறினார்.

ஜூன் 12-13, ஆம் தேதிகளில் இஸ்ரேல் F-35, F-15 விமானங்கள் மற்றும் GBU-28 பங்கர் பஸ்டர் குண்டுகளைப் பயன்படுத்தி, நாடான்ஸ், இஸ்ஃபஹான், மற்றும் ஆராக் அணு மையங்களை தாக்கியது, இதில் 20 இராணுவ தளபதிகள் மற்றும் 6 அணு விஞ்ஞானிகள் கொல்லப்பட்டனர்.

அமெரிக்கா, இஸ்ரேலுக்கு ஆதரவாக ஜூன் 21 அன்று “ஆபரேஷன் மிட்நைட் ஹேமர்” என்ற பெயரில் ஈரானின் மூன்று அணு மையங்களான ஃபோர்டோ, நாடான்ஸ், மற்றும் இஸ்ஃபஹானை B-2 ஸ்டெல்த் விமானங்கள் மற்றும் 30,000 பவுண்டு GBU-57 பங்கர் பஸ்டர் குண்டுகளைப் பயன்படுத்தி தாக்கியது.

இதையும் படிங்க: கெட் அவுட்.. 5 லட்சம் ஆப்கானியர்கள் வெளியேற்றம்.. போருக்கு பின் கறார் காட்டும் ஈரான்..!

இந்த தாக்குதல், ஈரானின் அணு திட்டத்தை 6 மாதங்களுக்கு பின்னோக்கி தள்ளியதாக அமெரிக்க உளவுத்துறை மதிப்பிட்டாலும், டிரம்ப் இதை “முற்றிலும் அழிக்கப்பட்டது” எனக் கூறினார். ஈரான், 2015 JCPOA அணு ஒப்பந்தத்தை மீறியதாகவும், யுரேனியத்தை 60% செறிவாக்கியதாகவும் அமெரிக்கா குற்றம்சாட்டியது.

ஈரான், இந்த தாக்குதல்களுக்கு பதிலடியாக ஜூன் 14, அன்று “உண்மையான வாக்குறுதி 3” என்ற பெயரில் இஸ்ரேல் மீது 100க்கும் மேற்பட்ட ஏவுகணைகளை ஏவியது. இதில், ராமத் கானில் உள்ள குடியிருப்பு மற்றும் தெல் அவிவில் உள்ள மருத்துவமனை தாக்கப்பட்டு, 28 பேர் கொல்லப்பட்டனர்.

ஜூன் 23இல், ஈரான் கத்தாரில் உள்ள அமெரிக்க தளமான அல் உடெய்டை தாக்கியது, ஆனால் உயிரிழப்பு இல்லை. இஸ்ரேல் தாக்குதல்களில் ஈரானில் 600 பேர் கொல்லப்பட்டு, 3,500 பேர் காயமடைந்தனர்; இஸ்ரேலில் 24 பேர் இறந்தனர்.

ஈரான், அமெரிக்காவின் பேச்சுவார்த்தை முயற்சிகளை ஆரம்பத்தில் நிராகரித்தது. டிரம்பின் 60 நாள் கெடு முடிந்த பின், ஈரான் யுரேனியம் செறிவாக்கத்தை நிறுத்த மறுத்து, அணு ஒப்பந்த பேச்சுவார்த்தைகளை ஜூன் 13 அன்று நிறுத்தியது. இருப்பினும், ஜூலை 2025இல், ஈரான் வெளியுறவு அமைச்சர் அப்பாஸ் அராக்சி, அமெரிக்காவுடன் மீண்டும் பேச்சுவார்த்தைக்கு தயாராக இருப்பதாகக் கூறினார்.

ஆனால் இஸ்ரேல் ஈரான் மீதான தாக்குதல்களை நிறுத்த வேண்டும் என்ற நிபந்தனையை விதித்தார். இது, ஈரானின் பொருளாதார தடைகளை நீக்குவதற்கு வழிவகுக்கலாம் என்ற நம்பிக்கையை ஏற்படுத்தி உள்ளது.

இந்த மோதல், எண்ணெய் விலைகளை உயர்த்தி, ஹோர்முஸ் கடல் வழித்தடத்தை மூடுவோம் என ஈரான் எச்சரித்தது, இது இந்தியாவுக்கு எரிசக்தி பாதுகாப்பு அச்சுறுத்தலை உருவாக்கியது. ஜூன் 24, 2025 அன்று, டிரம்பின் மத்தியஸ்தத்தால் 12 நாள் போருக்கு பின் நிச்சயமற்ற போர் நிறுத்தம் அறிவிக்கப்பட்டது, ஆனால் பிராந்திய பதற்றம் தொடர்கிறது.

இதையும் படிங்க: சன் பாத் எடுக்குறப்போ சோலியை முடிச்சிருவோம்! ட்ரம்பை பகீரங்கமாக மிரட்டிய ஈரான்..