சபரிமலை மண்டல-மகரவிளக்கு பூஜை தொடங்கிய சில நாட்களிலேயே ஏற்பட்ட கூட்ட நெரிசலில் தமிழர்கள் உட்பட பத்துக்கும் மேற்பட்ட பக்தர்கள் உயிரிழந்த சம்பவம் தமிழகத்தில் பெரும் அதிர்ச்சியை ஏற்படுத்தியுள்ளது.

இந்தப் பேரவலத்தை முன்கூட்டியே தடுக்கத் தவறிய கேரள இடதுசாரி அரசையும், அதேபோல் திருச்செந்தூரில் பக்தர்களை ஆடு மாடுகளைப் போல அடைத்து வைக்கும் திமுக அரசையும் தமிழக பாஜக தலைவர் நயினார் நாகேந்திரன் கடுமையாக விமர்சித்துள்ளார்.

தனது எக்ஸ் பதிவில் நயினார் நாகேந்திரன் எழுதியுள்ளதாவது: சபரிமலையில் கைக்குழந்தைகளுடன் லட்சக்கணக்கான பக்தர்கள் குவிவார்கள் என்பது கேரள அரசுக்குத் தெரியாதா? 41 நாட்களுக்குப் பிறகு நடை திறக்கப்படும் அந்தப் புனிதத் தலத்தில், ஐப்பசி-கார்த்திகை மாதங்களில் தமிழகத்திலிருந்து படையெடுப்பார்கள் என்பதை அரசு கணிக்கத் தவறிவிட்டதா?

இதையும் படிங்க: உழவர்களைக் கண்டுகொள்ளாத திமுக!! 'உதய' விழா கொண்டாடுகிறது!! நைனார் ஆவேசம்!!

அல்லது “இந்துக் கடவுளைத் தரிசிக்க வருபவர்கள் எக்கேடோ கெட்டுப் போகட்டும்” என்று நாத்திக போர்வைக்குள் ஒளிந்து கொண்டு கைகழுவி விட்டுவிட்டதா?

இதே நாத்திக மனநிலைதான் தமிழகத்திலும் திருச்செந்தூரில் தெய்வத்தைத் தரிசிக்க வரும் பக்தர்களை மூச்சுக் காற்றுக்காக ஏங்க வைக்கிறது என்று குற்றம் சாட்டியுள்ளார். “இந்து சமய அறநிலையத்துறை உடனடியாக தக்க நடவடிக்கை எடுக்க வேண்டும்” என்று திமுக அரசுக்கு கோரிக்கை விடுத்துள்ளார்.

மேலும் அவர் எச்சரித்துள்ளார்: “இந்துக்களை மறைமுகமாக வதைக்கும் இந்தியா கூட்டணி அரசுகள் ஒவ்வொன்றாக மக்களால் ஓட ஓட விரட்டப்பட்டுக் கொண்டிருக்கின்றன. இதுவே மக்களின் தீர்ப்பு” என்று கூறி, சபரிமலை பக்தர்களுக்கு உடனடியாக அடிப்படை வசதிகள் செய்து தர வேண்டும் என்று கேரள அரசையும், திருச்செந்தூரில் கூட்ட நெரிசலைத் தடுக்க வேண்டும் என்று தமிழக அரசையும் வலியுறுத்தியுள்ளார்.

நயினார் நாகேந்திரனின் இந்தக் கடுமையான பதிவு சமூக வலைதளங்களில் வைரலாகி, ஆயிரக்கணக்கான பக்தர்களிடம் பெரும் ஆதரவைப் பெற்று வருகிறது.

இதையும் படிங்க: பிரதமர் மோடி நரகாசுரனா? வன்மம், வன்முறையை வெளிப்படுத்தும் திமுக.. நயினார் ஆவேசம்!