2025 அக்டோபர் 27 அன்று, தேர்தல் ஆணையம் 12 மாநிலங்கள் மற்றும் யூனியன் பிரதேசங்களில் SIR-ஐ அறிவித்தது. இதில் தமிழ்நாடு, புதுச்சேரி, மேற்கு வங்கம், கேரளா, உத்தரப் பிரதேசம் உள்ளிட்டவை அடங்கும். SIR என்பது வாக்காளர் பட்டியல்களை முழுமையாக சரிபார்த்து, இறந்தவர்கள், இடம்பெயர்ந்தவர்கள் அல்லது தகுதியில்லாதவர்களை நீக்கி, புதிய வாக்காளர்களைச் சேர்ப்பது.

இது 2026 தேர்தல்களுக்கு (தமிழ்நாடு, புதுச்சேரி, கேரளா, மேற்கு வங்கம்) முன் நடத்தப்படுவதாகும்.ஆனால், இந்த உத்தரவு விரைவானது மற்றும் கடுமையானது என்று விமர்சனங்கள் எழுந்தன. வாக்காளர்கள் தங்கள் ஆதார், ரேஷன் கார்டு போன்ற ஆவணங்களைச் சமர்ப்பிக்க வேண்டும் என்ற நிபந்தனை, ஏழை மற்றும் கிராமப்புற மக்களைத் தவிர்த்துவிடும் என்ற அச்சம் பரவியது. இது அரசியல் கட்சிகளிடையேயும் பிளவை ஏற்படுத்தியது. திமுக, காங்கிரஸ், திரிணமூல் காங்கிரஸ் போன்றவை இதை வாக்காளர் தவிர்ப்பு என்று குற்றம்சாட்டின. 

தமிழ்நாட்டில், இது குறிப்பாக உணர்திறன் மிக்கது. 2026 சட்டமன்றத் தேர்தலுக்கு முன், வாக்காளர் எண்ணிக்கை 6 கோடியைத் தாண்டியுள்ள நிலையில், SIR 1.5 கோடி வாக்காளர்களைத் தவிர்க்கலாம் என்று எதிர்க்கட்சிகள் அஞ்சின. புதுச்சேரியிலும், 10 லட்சம் வாக்காளர்கள் பாதிக்கப்படலாம் என்று கணிக்கப்பட்டது. எஸ் ஐ ஆர் விவகாரம் தொடர்பாக தமிழக மற்றும் புதுச்சேரி ஆகிய மாநிலங்கள் உச்சநீதிமன்றத்தில் வழக்கு தொடர்ந்தது. 

இதையும் படிங்க: நில அபகரிப்பு வழக்கு..!! மு.க.அழகிரி மனு தள்ளுபடி..!! சுப்ரீம் கோர்ட் அதிரடி..!!

இந்த வழக்கின் விசாரணை இன்று நடைபெற்ற நிலையில், SIR வழக்கில் ஜனவரி மாத இறுதியில் தீர்ப்பு வழங்கப்படும் என உச்சநீதிமன்ற நீதிபதி சூர்யகாந்த் அமர்வு அறிவித்துள்ளது. SIR விவகாரத்தில் தமிழ்நாடு, புதுச்சேரி தாக்கல் செய்த மனுக்கள் மீது வரும் 17ஆம் தேதி விசாரணை நடைபெறும் நிலையில், SIR தொடர்பாக புதிதாக எந்த வழக்குகளும் அனுமதிக்கப்படாது என உச்சநீதிமன்றம் தெரிவித்துள்ளது.

இதையும் படிங்க: இபிஎஸ் தேர்வு செல்லாது... உடனே அறிவிக்கணும்...! உச்ச நீதிமன்றத்தில் மனுத் தாக்கல்..!