அடுத்த ஆண்டு தமிழக சட்டசபைத் தேர்தலுக்கு தி.மு.க. தயாராகும் அதே வேளை, முதல்வர் மு.க. ஸ்டாலின் அமைச்சர்கள், எம்எல்ஏ-க்கள், மாவட்டச் செயலர்களுக்கு கடும் உத்தரவு பிறப்பித்துள்ளார்.  "தேர்தல் முடியும் வரை வெளிநாடுகளுக்கு செல்ல வேண்டாம்! தொகுதி மக்களை அரவணைத்து, கட்சி பூசல்களை தீர்த்து வெற்றி பெறுங்கள்!" என அறிவுறுத்தி உள்ளார். இது கட்சியில் பெரும் பரபரப்பை ஏற்படுத்தியுள்ளது.

கடந்த 4.5 ஆண்டுகளில் தி.மு.க. அரசு 100-க்கும் மேற்பட்ட மக்கள் நலத் திட்டங்களை (உதவித்தொகை, இலவச பேருந்து, குடும்ப அட்டை) வெற்றிகரமாக செயல்படுத்தியது. ஆனால், அமைச்சர்கள், எம்எல்ஏ-க்கள் இவற்றை மக்களிடம் சரியாக கொண்டு சேர்க்கவில்லை. 

சமீபத்திய கருத்துக்கணிப்புகளின் படி, திமுக மீதான பொதுமக்கள் ஈர்ப்பு 20% குறைந்துள்ளது! தொண்டர்கள், இளைஞர்கள், பெண்கள் கோரிக்கைகளை கேட்கப்படவில்லை. கட்சி கோஷ்டி பூசல்கள் தீர்க்காமல் இருக்கிறார்கள். இதை சரி செய்ய ஸ்டாலின் நேரடி நடவடிக்கையில் இறங்கி உள்ளார்.

இதையும் படிங்க: 2026 தேர்தலுக்கு தயாராகும் திமுக! சாட்டையை சுழற்றும் ஸ்டாலின்! கலக்கத்தில் மா.செக்கள்!

சென்னை அறிவாலயத்தில் 'ஒன் டூ ஒன்' நிகழ்ச்சியில், 150-க்கும் மேற்பட்ட சட்டசபை தொகுதி நிர்வாகிகளை ஸ்டாலின் சந்தித்து பேசினார். ஆலோசனை நடத்தி அறிவுரை வழங்கினார்.

இதன் தொடர்ச்சியாக:

• வெளிநாடு பயணத் தடை: தேர்தல் முடியும் வரை அனைவரும் தொகுதியில் இருக்க வேண்டும். துறை சார்ந்த நிகழ்வுகளுக்கு மட்டும் வெளிநாடு செல்ல அனுமதி.
• மக்கள் சந்திப்பு: குறைகளை கேட்டு, அரசு திட்டங்களை விளக்குங்கள்.
• கட்சி பூசல் தீர்வு: மாவட்ட அமைச்சர்கள் தீர்க்கவும். முடியாவிட்டால் மண்டல பொறுப்பாளர்கள், அப்போது தலைமை ஏற்கலாம்.! இம்மாத இறுதிக்குள் அனைத்தும் முடிய வேண்டும்!
• கோரிக்கைகள்:  மக்கள் கோரிக்கைகளை உடனுக்குடன் கலெக்டருக்கு கொண்டு சென்று தீர்க்கவும்.

"இப்படி செய்தால் தேர்தலில் 200+ இடங்கள் வெல்லலாம்" என ஸ்டாலின் உறுதியாக தெரிவித்துள்ளார்.  கட்சி வட்டாரங்கள்: "இது மிகப்பெரிய  தேர்தல் ஸ்ட்ராடஜி – 2026-ல் திமுக மாபெரும் வெற்றி பெறும்!" எனக்கூறி வருகின்றனர்.

அமைச்சர்கள், எம்எல்ஏ-க்கள் உத்தரவை வரவேற்றுள்ளனர். ஆனால், சிலர் "வெளிநாடு பயணங்கள் தடைக்கு ஏமாற்றம் ஏற்பட்டுள்ளதாக" புலம்பி தவித்து வருகின்றனர். தி.மு.க. இளைஞர் அணி "முதல்வர் சரியான பாதையில் செல்வதாக வரவேற்றுள்ளது.இந்த உத்தரவு, தி.மு.க.-வின் தேர்தல் இயந்திரத்தை வேகப்படுத்தியுள்ளது. வெற்றிக்கான கடைசி போராட்டம் தொடங்கியுள்ளது!

இதையும் படிங்க: 41 உயிருக்கு யார் பொறுப்பு? விஜய் - செந்தில்பாலாஜி?! சிபிஐ வசம் செல்லும் கரூர் துயரம்?! வெளிவருமா உண்மை?