இந்தியாவில் ஸ்டார்லிங் (Starlink) சேவை பற்றி இப்போ பரபரப்பா பேச்சு நடக்குது. எலான் மஸ்க்கோட ஸ்பேஸ்எக்ஸ் நிறுவனத்தோட ஸ்டார்லிங், செயற்கைக்கோள் மூலமா இணைய சேவை கொடுக்குற ஒரு தொழில்நுட்பம். இது இந்தியாவுல அறிமுகமாகப் போகுது, ஆனா மத்திய அரசு சில கட்டுப்பாடுகளோட இதை அனுமதிக்குது. 

ஸ்டார்லிங் இந்தியாவுல இணைய சேவையை ஆரம்பிக்க 2021-ல இருந்து முயற்சி பண்ணிட்டு இருக்கு. இப்போ 2025-ல, ரிலையன்ஸ் ஜியோ, பாரதி ஏர்டெல் மாதிரியான பெரிய தொலைத்தொடர்பு நிறுவனங்களோடு ஸ்பேஸ்எக்ஸ் ஒப்பந்தம் போட்டு, இந்திய சந்தையில் கால் பதிக்கப் போகுது. 

இந்த ஒப்பந்தங்கள் ஸ்டார்லிங்கோட உபகரணங்களை இந்தியாவுல விற்க உதவும், ஆனா இன்னும் முழு சேவை தொடங்கல. மத்திய அரசு இதுக்கு இன்னும் முழு அனுமதி கொடுக்கல, ஆனா பேச்சுவார்த்தைகள் நடந்துட்டு இருக்கு.

இதையும் படிங்க: புரியாத டாக்டர் கையெழுத்தைக் கூட குரோக் ஈசியா சொல்லிடும்!! வக்காலத்து வாங்கும் எலான் மஸ்க்..!

ஸ்டார்லிங்கோட இணைய வேகம் பற்றி பேசும்போது, பூடான்ல இருக்குற சேவையை வச்சு ஒரு யூகம் பண்ணலாம். அங்க 23 Mbps முதல் 100 Mbps வரை வேகம் இருக்கு, இது பிரவுசிங், சமூக ஊடகங்கள், வீடியோ ஸ்ட்ரீமிங்குக்கு ஏத்தது. இந்தியாவுல இதே மாதிரி 200 Mbps வரை வேகம் கொடுக்கலாம்னு மத்திய அமைச்சர் பெம்மசானி சந்திரசேகர் சொல்லியிருக்கார். 

ஆனா, இது 4G/5G மாதிரி அதிவேகம் இல்லைனாலும், கிராமப்புறங்களுக்கு இது பெரிய மாற்றத்தை கொண்டு வரும். மாத கட்டணம் ரூ.3500 முதல் ரூ.4500 வரை இருக்கலாம்னு சொல்றாங்க, இது கொஞ்சம் விலை அதிகமா தெரியுது.

ஜியோ, ஏர்டெல் மாதிரியான நிறுவனங்கள் இப்போ 5G சேவையை இந்தியாவுல வேகமா விரிவாக்கிட்டு இருக்காங்க. ஜியோ 236 நகரங்களுல 5G கொடுக்குது, ஏர்டெல் 80 நகரங்களுக்கு மேல விரிவாக்கியிருக்கு. இவங்களோட இணைய வேகம் சில இடங்களுல 1000 Mbps-ஐ தாண்டுது. 

ஆனா, ஸ்டார்லிங் கிராமப்புறங்களையும், இணையம் இல்லாத பகுதிகளையும் டார்கெட் பண்ணுது. மத்திய அரசு ஸ்டார்லிங்குக்கு 20 லட்சம் இணைப்புகள்னு ஒரு கேப் வச்சிருக்கு, அதனால பெரிய அளவுல ஜியோ, ஏர்டெல் மேல பாதிப்பு இருக்காதுன்னு அமைச்சர் சொல்றார். BSNL-ஐயும் இது பெருசா பாதிக்காது, காரணம் ஸ்டார்லிங்கோட விலை அதிகம், முக்கியமா கிராமங்களுக்கு மட்டுமே இது முதல்ல கவனம் செலுத்தும்.

மத்திய அரசு ஸ்டார்லிங்குக்கு 20 லட்சம் இணைப்புகள்னு ஒரு வரம்பு வச்சிருக்கு, இது சந்தையை கட்டுப்படுத்தவும், உள்ளூர் நிறுவனங்களை பாதுகாக்கவுமான ஒரு நடவடிக்கை. இதோட, ஸ்டார்லிங்கோட இணைய வேகத்தை 200 Mbps-ஆக மட்டுப்படுத்தியிருக்காங்க. 

இது தவிர, ஸ்பெக்ட்ரம் ஒதுக்கீடு, டேட்டா பாதுகாப்பு, உரிமம் தொடர்பான விதிமுறைகளையும் அரசு கவனமா ஆய்வு செய்யுது. இந்த கட்டுப்பாடுகள் ஸ்டார்லிங்கோட சந்தை ஆதிக்கத்தை குறைக்க உதவுது, ஆனா அதே நேரத்துல கிராமப்புற இணைய இணைப்பை மேம்படுத்துறதுக்கு வழிவகுக்குது. 

ஸ்டார்லிங் இந்தியாவுக்கு வருவது, குறிப்பா இணையம் இல்லாத கிராமப்புறங்களுக்கு ஒரு வரப்பிரசாதம். ஆனா, அதோட விலையும், அரசோட கட்டுப்பாடுகளும் இதை ஒரு சிறிய அளவுல மட்டுமே வளர விடும். ஜியோ, ஏர்டெல் மாதிரியான நிறுவனங்கள் இன்னும் நகர்ப்புறங்களுல ஆதிக்கம் செலுத்துவாங்க. இந்த போட்டி இந்தியாவுல இணைய வேகத்தையும், சேவையையும் மேம்படுத்த உதவும்.
 

இதையும் படிங்க: ஆபாசமாக படம் வரைந்து பர்த் டே வாழ்த்து! சிக்குவாரா ட்ரம்ப்? ரூ. 80,000 கோடி நஷ்ட ஈடு கேட்டு வழக்கு!