திருமலை திருப்பதி தேவஸ்தானத்தின் பெயரை கொண்டு  சமீப காலமாக, சைபர் குற்றவாளிகள்  பக்தர்களை குறிவைத்து சாமி தரிசனம் மற்றும் அறைகள் என்ற பெயரில்  மோசடி செய்து ஏமாற்றி வருகின்றனர். அவற்றைத் தடுக்க திருப்பதி மாவட்ட எஸ்.பி. வி. ஹர்ஷவர்தன் ராஜு சிறப்பு நடவடிக்கை எடுக்க உத்தரவிட்டார். இதனையடுத்து  விசாரணையில்  கூகுளில்  திருப்பதி தேவஸ்தானம் குறித்து தேடிம் போது  30க்கும் மேற்பட்ட போலி வெப்சைட் அடையாளம் காணப்பட்டு அகற்றப்பட்டன.

அவ்வாறு சமீப காலங்களில்  மொத்த போலி வெப்சைட் என 32  அடையாளம் காணப்பட்டது. இதில்  28  வலைத்தளம் நீக்கப்பட்டது. இந்த போலி வெப்சைட் கொண்ட விருந்தினர் இல்லங்கள் என சப்தகிரி ரெஸ்ட் ஹவுஸ், ஸ்ரீவெங்கடேஸ்வரா விருந்தினர் இல்லம், சங்குமிட்ட ரெஸ்ட் ஹவுஸ் , வாசவிபவந்திர் அன்னமய்யா, கௌஸ்துபம்,  சன்னிதானம், நந்தகம்,  சப்தகிரி, பஞ்சஜன்யம்,  பத்மாவதி , கர்நாடக விருந்தினர் இல்லம், கர்நாடக பிரவாசிசுதா க்ஷேத்ரதர்ஷன், ஸ்ரீனிவாசசுவாமி ரெஸ்ட் ஹவுஸ் , ராம்பகிஜா, ஸ்ரீனிவாசசுவாமி தாஸ் இல்லம், ஸ்ரீனிவாசசுவாமி ஏ.கோ. ஹவுஸ், ஸ்ரீனிவாசசுவாமி ஸ்டே ஹவுஸ், வராக சாமி  ரெஸ்ட் ஹவுஸ் என நீக்கப்பட்டது. 

போலி வெப் டொமைன்கள்  என GoDaddy, GoDaddy.com, LLC, HOSTINGER, HOSTINGER செயல்பாடுகள், UAB, In2net Network Inc, In2net Network Inc., Own Web Solution Pvt, Own Web Solution Pvt, Ltd.PublicDomainRegisty ஆகியவை நீக்க கடிதம் எழுதி பரிந்துரைக்கப்பட்டுள்ளது. எனவே  பக்தர்கள் தேவஸ்தானம் சார்பில் உள்ள https://www.tirumala.org என்ற அதிகாரப்பூர்வ வெப்சைட்  ஒன்று மட்டுமே திருமலை திருப்பதி தேவஸ்தானத்தின் அதிகாரப்பூர்வ வெப்சைட்  வேறு எந்த பெயர்களில் வரும் வெப்சைட்கள் அதிகாரப்பூர்வமானது  இல்லை.

இதையும் படிங்க: “இது எங்க ஏரியா உள்ள வர்றாத”.. திருப்பதி சாலையோரத்தில் ஹாயாக படுத்து ஓய்வெடுத்த சிறுத்தை...!

எனவே பக்தர்கள் இதைப் பற்றி அறிந்திருக்க வேண்டும். பக்தர்கள்  ஏமாறாமல் கவனமாக இருக்க வேண்டும். கூகுள் வெப்சைட்டில் வேறு  ஏதேனும் விருந்தினர் மாளிகையின் பெயரில் இருந்தால் அவற்றை நம்ப வேண்டாம். உதாரணமாக சப்தகிரி விருந்தினர் மாளிகை, ரம்பகீச்சா கெஸ்ட் ஹவுஸ், நந்தகம் கெஸ்ட் ஹவுஸ் , பத்மாவதி நிலையம்  போன்ற பெயர்களைக் கொண்ட வலைத்தளங்கள் அதிகாரப்பூர்வ வலைத்தளங்கள் அல்ல, இவை அனைத்தும் போலியான வலைத்தளங்கள் என்பதை பக்தர்கள் கவனத்தில் கொள்ள வேண்டும்.

அதேபோல்  சைபர் குற்றவாளிகள்  வாட்ஸ்அப் அழைப்பு மூலம் க்யூ ஆர் குறியீட்டை அனுப்பி பணம் செலுத்தச் சொன்னால், பக்தர்கள் எந்த சூழ்நிலையிலும் பணம் அனுப்ப வேண்டாம்.  ஏதேனும்  சந்தேகங்கள் இருந்தால்  உடனடியாக அருகிலுள்ள காவல் நிலையத்தையோ அல்லது 100/112  என்ற எண் அல்லது தேவஸ்தானத்தின் கட்டணமில்லா எண் 18004254141 ஐ அழைக்குமாறு  போலீசார் வெளியிட்டுள்ள அறிக்கையில் தெரிவித்துள்ளனர்.

இதையும் படிங்க: “அங்கிட்டும் வேணாம்... இங்கிட்டும் வேணாம்”... புது ரூட்டில் முகுந்தன்... விட்டுக்கொடுக்காத காந்திமதி...!