டிரம்ப் அமெரிக்க அதிபராக 2வது முறையாக பதவியேற்ற பிறகு இஸ்ரேல்-ஹமாஸ் இடையே ஏற்படுத்திய போர் நிறுத்த ஒப்பந்தம் அமலில் உள்ள நிலையில், ஹமாஸ் விதிகளை மீறியதாகக் கூறி இஸ்ரேல் வான்வழி தாக்குதல் நடத்தியது. இதில் குறைந்தது 30 பேர் கொல்லப்பட்டனர். இந்த நடவடிக்கையை அமெரிக்க அதிபர் டொனால்ட் டிரம்ப் ஆதரித்து, “ஹமாஸ் தங்கள் ஆக்கிரமிப்பைத் தொடர்ந்தால் கடுமையான விளைவுகளைச் சந்திக்கும்” என எச்சரித்துள்ளார்.

2023 அக்டோபர் 7-ஆம் தேதி ஹமாஸ் இஸ்ரேலில் நடத்திய தாக்குதலில் 1,200-க்கும் மேற்பட்டோர் கொல்லப்பட்டு, 250-க்கும் மேற்பட்டோர் காசாவுக்கு கடத்தப்பட்டனர். இதற்குப் பதிலடியாக இஸ்ரேல் தொடங்கிய போர் இரண்டு ஆண்டுகளுக்கும் மேல் நீடித்தது. 

இதில் காசாவில் 68,000-க்கும் மேற்பட்ட பாலஸ்தீனியர்கள் உயிரிழந்துள்ளனர். டிரம்ப் பிப்ரவரி 2025-இல் அதிபரான பிறகு, 20 புள்ளிகள் கொண்ட அமைதி திட்டத்தை முன்மொழிந்து, இஸ்ரேல் பிரதமர் பெஞ்சமின் நெதன்யாகு, ஹமாஸ் ஆகியோருடன் பேச்சுவார்த்தை நடத்தினார். 

இதையும் படிங்க: முடிவு ரொம்ப மோசமா இருக்கும்! ஜாக்கிரதை! ஹமாஸ் அமைப்புக்கு ட்ரம்ப் ஸ்ட்ரிக்ட் வார்னிங்!

அக்டோபர் 9-ஆம் தேதி அமைதி ஒப்பந்தம் கையெழுத்தானது: ஹமாஸ் சிறைபிடித்தவர்களை விடுவிக்க, இஸ்ரேல் 1,000-க்கும் மேற்பட்ட பாலஸ்தீனிய கைதிகளை விடுவித்தது. இஸ்ரேல் படைகள் பகுதியாக காசாவிலிருந்து வெளியேறும்; ஹமாஸ் ஆயுதங்களை கைவிட வேண்டும் போன்ற முக்கிய அம்சங்கள் ஒப்பந்தத்தில் இடம்பெற்றன.

இந்த நிலையில் நேற்று (அக்டோபர் 28 அன்று - திங்கள்) ரஃபா பகுதியில் இஸ்ரேல் படைகள் ரகசிய போதைப்பொருள் கடத்தல் குழுவுடன் மோதல் ஏற்பட்டது. இஸ்ரேல் கூறுகையில், “ஹமாஸ் ராஃபாவில் இரு இஸ்ரேல் வீரர்களை ஆர்பிஜி மற்றும் ஸ்னைப்பர் தாக்குதலில் கொன்றது. இது போர் நிறுத்த விதி மீறல்” என்றது. 

இதற்குப் பதிலாக நெதன்யாகு “உடனடி, வலுவான தாக்குதல்கள்” நடத்த உத்தரவிட்டார். காசா நகரின் அல்-சப்ரா பகுதியில் 3 பெண்கள் உட்பட 4 பேர், கான் யூனிஸில் 2 குழந்தைகள் உட்பட 5 பேர் கொல்லப்பட்டனர். காசா சிவில் டிஃபென்ஸ் அமைப்பு இந்த எண்ணிக்கையை உறுதிப்படுத்தியது.

அமெரிக்க அதிபர் டிரம்ப் வெள்ளைமாளிகையில் செய்தியாளர்களிடம் கூறுகையில், “ஹமாஸ் இஸ்ரேல் வீரரை கொன்றது. எனவே இஸ்ரேல் திருப்புத் தாக்குதல் நடத்தியது. அவர்கள் திருப்புத் தாக்க வேண்டும். ஹமாஸ் ஆக்கிரமிப்பைத் தொடர்ந்தால் கடுமையான விளைவுகள் வரும். இது போர் நிறுத்தத்தை பாதிக்காது” என்றார். அமெரிக்க வென்ஸ் துணை அதிபர், “சிறு மோதல்கள் ஏற்படலாம், போர் நிறுத்தம் இன்னும் அமலில் உள்ளது” என தெரிவித்தார்.

ஹமாஸ் இதை “குற்ற சம்பந்தமான குண்டுவீச்சு” எனக் கண்டித்து, “இஸ்ரேல் போர் நிறுத்தத்தை மீறுகிறது. இது ஒப்பந்த மீறல்” என்று குற்றம் சாட்டி வருகிறது. போர் நிறுத்தத்திற்குப் பிறகு இஸ்ரேல் 80 மீறல்களைச் செய்ததாக ஹமாஸ் குற்றம் சாட்டியது. இஸ்ரேல் பாதுகாப்பு அமைச்சர் இஸ்ரேல் கட்ஸ், “ஹமாஸ் இஸ்ரேல் படைகளைத் தாக்கி, சிறைபிடித்தவர்களை விடுவிக்க தவறினால் கடுமையான விலை கொடுக்க வேண்டி இருக்கும்” என எச்சரித்தார்.

இந்த மோதல் டிரம்பின் அமைதி முயற்சிக்கு சவாலாக மாறியுள்ளது. அமெரிக்கா, இஸ்ரேளுக்கு ஆதரவு தெரிவித்தது முதல் காசாவில் மனிதாபிமான நெருக்கடி தீவிரமடைந்துள்ளது: 67,000-க்கும் மேற்பட்டோர் உயிரிழந்துள்ளனர். லட்சக்கணக்கானோர் இடம்பெயர்ந்துள்ளனர். செஞ்சிலுவை அமைப்புகள், “பொதுமக்கள் பாதுகாப்பு உறுதி செய்யப்பட வேண்டும்” என வலியுறுத்தி வருகின்றன.

இதையும் படிங்க: போரை நிறுத்துங்க! இல்லையினா ரத்தக்களறி ஆகிரும்! ஹமாஸை எச்சரிக்கும் ட்ரம்ப்!